6. Каалоо

Маселе мында, биздин материалдык реалдуулугубуздун эң негизги деңгээлинде, кванттык физиканын деңгээлинде, башкача айтканда, бардык мүмкүн болгон варианттардын «кванттык шорпосунун» деңгээлинде биздин материалдык дүйнөнү түзүүчү бардык бөлүкчөлөр антибөлүкчөлөр (түпкү материя) деп аталгандар менен жупташып жаралат («кванттык шорподон» калкып чыгат). Ал эми дал ошол антибөлүкчөлөр терс массага ээ болуп, өзүндө терс (белгиси боюнча) энергияны алып жүрүү менен биздин каалоолорубуздун физикалык чагылышы болуп саналат. Ошентип, бардык бөлүкчөлөр жуп-жубу менен жаралат: бөлүкчө-антибөлүкчө, башкача айтканда, бул дүйнөдөгү бардык нерсе ага дал келген каалоолор менен гана жупташып жашайт. Мындан эки укмуштуудай корутунду келип чыгат.

Биринчиси: бардык каалоолор аткарылып бүткөн, башкача болушу такыр мүмкүн эмес, – кванттык физиканын көз карашы боюнча, каалоо (антиматерия) жаралган көз ирмемде, аны менен жупташып дал ошол каалоого так туура келген материя (энергия) да жаралат. Алар бири-бирисиз жөн гана жашай алышпайт.

Биринчисинен келип чыккан экинчи корутунду: Сенин дүйнөңдөгү бардык нерсе – Сенин жана Сенин гана каалоолоруңдун натыйжасы, буга башка эч ким «күнөөлүү эмес». Маселе мында: биз муну билбей (тагыраагы, тескерисине, баары оор эмгек менен гана табылат деп ишенип), бул жөнөкөйлүккө Ишенбей, бизде кандайдыр бир каалоолор пайда болгондо, жан аябай аларды аткарууга киришип –

дүйнө менен күрөшүп, жагдайларды өзүбүзгө ийип, буга өтө көп энергия сарптаганбыз – каалаган нерсенин баарын жаратып койгон энергияны, биз болсо өзүбүздүн жетишүүчүлүгүбүз менен ал энергияны жаралып бүткөн нерседен тартып алып, аны керексиз аракеттерге, күрөшкө – акча табууга, максаттарды коюуга, ниеттерге, план түзүүгө жана аны ишке ашыруу аракетине, адамдарды жана ресурстарды уюштурууга, көзөмөлгө жана жетишкендиктерге ж.б. сарптаганбыз.

Натыйжада биз материяда ишке ашып бүткөн каалоолордон энергияны тартып алчубуз жана алар биздин реалдуулугубузда түзмө-түз эрип жок болчу. Алардын ордуна көптөгөн убаракерчилик, көптөгөн «маанилүү» – бирок эч нерсеге алып келбеген – иштер пайда болчу, бирок чыныгы каалоонун ишке ашуусу болгон эмес: энергия курулай коротулган. Бул болсо өз кезегинде биздин аң-сезимибиздин ичинде көптөгөн карама-каршылыктуу каалоолорду жараткан. Кайра-кайра пландарды түзүп, аларды ишке ашыруу аракеттеринен көңүлүбүз калып, биз ички чарчоону, «бизге тоскоолдук кылгандарга» болгон таарынычтарды, бул жолу эмне үчүн ишке ашпай калганын түшүндүргөн «өз каталарыбыз» үчүн күнөө сезимин, өзүбүздүн чабал экенибиз үчүн уятты, дагы окшошпой калат деген коркунучтарды ж.б. топтой бергенбиз, мындан болсо биздин жаныбыздын баштапкы, чыныгы каалоолору менен эч кандай байланышы жок таптакыр башка каалоолор жаралган – бирөөгө бир нерсени далилдөө каалоосу, актануу каалоосу, Өзүн-өзү жазалоо каалоосу, жоопкерчилик тартпоо үчүн эч нерсеге ээ болбоо каалоосу, энергиянын калдыктарын сактап калуу үчүн жалкоолонуп таптакыр эч нерсе кылбоо каалоосу, баарынан жашынып калуу каалоосу, ал тургай «уяттан кутулуу» үчүн өлүп калуу каалоосу...

Жана бул аң-сезимден тышкаркы (башкача айтканда, биз тараптан аңдалып-билинбеген) каалоолор биздин бардык жаңы башталыштарыбыз менен кагылышууга кирчү. Алар да антиматерия сыяктуу өздөрүнө дал келген материяны жаратып жатты: биздин жашообузда оорулардын, карыздардын, аткарылбаган милдеттенмелердин, кадыр-барктан ажыроонун, соттук жана кылмыштык куугунтуктун, күч колдонуу басымынын, жаңжалдардын, чатактардын, көптөгөн эмоционалдык оорунун, азап-кайгынын жана акыры келип өлүмдүн тиешелүү сценарийлерин ишке киргизип, эми биз каалоолордун аткарылышы үчүн эмес, жөн гана аман калуу үчүн күрөшүүгө аргасыз болчубуз. Бул процесстердин баарын өз жашообузда өзүбүз ишке киргизсек да, кандайдыр бир кастык мамиледеги кооптуу дүйнө бизди жок кылууга аракет кылып жаткандай сезилчү. Ошентип биз өзүбүздүкүн коргоп калууну, коргонууну, өч алууну, «душманды» жок кылууну каалачубуз, бирок бул жерде өзүбүздөн башка эч кандай душман эч качан болгон эмес.

Натыйжада биздин ичибизде, аң-сезимибизде ак куу, рак жана чортон балык сымал биздин реалдуулугубуздун «арабасын» ар кайсы тарапка тарткан көптөгөн карама-каршылыктуу каалоолор калыптанган.

Эмне кылуу керек? Топтолуп калган бардык ички карама-каршылыктарды түшүнүп чечүүнү үйрөнүү жана өзүн-өзү жок кылуу жана өзү менен өзү күрөшүү программаларын иштеткен кыйратуучу жүрүм-турум жана чечим кабыл алуу калыптарынан, аң-сезимден тышкаркы программалардан жана карама-каршылыктуу каалоолордон өз аң-сезимин акырындык менен тазалоо зарыл. Бардык «рактар менен чортон балыктарды» биздин «ак кууларыбыз» менен ынтымакка келтирүү керек. Жана акыры көрө билүүнү үйрөнүү зарыл,

бардык каалоолор аткарылып бүткөнүн жана биз тараптан эч кандай күч-аракетти талап кылбасын, ал эми аракеттер бизге жетишкендиктер үчүн эмес, жаратуучулук үчүн гана керектигин, анткени жаратуучулукка, бири-бирибиз менен чогуу жаратууга болгон каалоо – бул биздин жаныбыздын өз алдынча каалоолору экенин, алар да өзүбүздү жаратуучу жана куруучу катары көрсөтө алышыбыз үчүн керектүү бардык шарттарды өз алдынча түзөрүн – бул да биздин жаныбыздын чыныгы каалоолору болуп саналарын, дал ушулар биздин көрүнүшүбүздү, биздин аракеттерибизди талап кыларын жана бул каалоолор аркылуу да тиешелүү энергия – шыктануунун, дем-күчтүн, чыгармачылык эргүүнүн жана пикирлештер, чогуу жаратуучулар менен биригүүгө болгон жан импульстарынын энергиясы жараларын көрө билүүнү үйрөнүү керек.

Ошондуктан, досум, бардык каалоолоруң аткарылып бүткөндүктөн Сага «такыр кыла турган иш калбай калат» деп санааркабай эле койсоң болот. Тескерисинче, каалоолоруңду аткарылган катары кабыл алуу менен, Сен акча табуу, реалдуулукту ийүү, көзөмөлдөө, башкаларды башкарып-манипуляциялоо жана жетишүү зарылдыгынан бошойсуң, жаныңдын чыныгы каалоолорун – Жаратуучулукту, Сүйүүнү жана Ар Кырдуу Акыйкатты Тең Бөлүшүүнү ишке ашыруу үчүн – бизди чыныгы жаратылышыбызга дал келгени үчүн гана бактылуу кылган жалгыз Сенин чыныгы багытың үчүн бошойсуң – жана ошондо Сен өзүңдүн Эң Жогорку Дараметиңди – жаратуучу-адам катары, тирүү денедеги кудай катары, Сенин кайталангыс адамдык келбетиңдеги Бирдиктүү Кудайдын, Бирдиктүү Жашоонун өзгөчө чагылышы катары ишке ашырып, Түбөлүк Жашоо жөнүндөгү кыялды тирүү үлгү менен жүзөгө ашыра аласың. Анткени Сага мындан ары

өлүүнүн кереги жок болот, анткени өлүм каалоосу Сен тараптан айыктырылат, ал эми жашоо, Чыныгы Жашоо каалоосу ого бетер чыңдалып, Түбөлүк Болмуштун реалдуулугунда ишке ашат.

Бул кандайдыр бир жомок эмес. Бул реалдуулук. Анткени Сенин бардык каалоолоруң аткарылып бүткөн. Сенин азыркы реалдуулугуң кайсы каалоолор менен жаралган? Сен аларды ажырата аласыңбы?