18. Жива технологија на љубовта

Љубовта – Апсолутна Безусловна Вечна – е Највисоко Уживање достапно за човечката природа. Љубовта е чувство, таа е енергија, таа е сила, Највисока Сила. Љубовта е извор и примарна материја од која е составено сè. Љубовта е највисок квалитет на заемните односи меѓу луѓето, и воопшто, меѓу сите суштества. Љубовта е Највисока Вистина. Љубовта е Бог. Токму затоа сите наши стремежи, сите наши желби, сите наши помисли се вака или онака поврзани со Љубовта. Да, ние ретко размислувавме за изворот на таа Љубов, и затоа ја баравме во она што го гледаше нашето око, го допираше телото – во другите луѓе, во сопствените деца, во природата, во домашните животни, во храната и пијалаците, во сексот и забавите, во секаков вид уживања, на крајот, во парите, славата и власта. Но вистината е во тоа што изворот на Љубовта е еден, тоа е Бог. Нашиот Сеопфатен Највисок Потенцијал, акумулиран од целото човештво за сите времиња – минати и идни. Бог. Еве го вистинскиот извор на Љубовта. И кога е речено: „возљуби го ближниот свој како самиот себеси“, тогаш пред тоа е: „Возљуби Го Господа, твојот Бог, со сето свое срце, со сета своја душа и со сиот свој разум“. Затоа што, за да го сакаш ближниот, потребно е да се преисполниш со таа љубов од Љубовта кон Бога. Токму Љубовта кон Бога е извор на секоја љубов. И тоа не е за морална обврска пред Бога, не. На Бога ништо не Му треба од нас, Бог нема потреба од ништо. Тоа е за тоа дека сета Љубов произлегува од Бога, дури и онаа,

со која Го љубиме Самиот Него. Едноставно е лесно да се љуби Бог. Самата душа – ако само не сме ја потрошиле сосем во земската суета – самата наша душа Го љуби Бога како свој Извор. Лесно е да се љуби Бог. Душата Го препознава по првиот Жив Збор, по првиот звук на Гласот што го слуша во себе како ехо на сопствената Божествена Суштина. Божјиот Збор раѓа во тебе Љубов кон Него. Затоа е речено: „Не живее човекот само од леб, туку од секој Збор што излегува од устата на Господа“. Токму затоа е толку важен Внатрешниот Дијалог со Бога – од него во тебе се запалува вистинската Љубов. А од таа Љубов произлегува сè останато – душата се радува, духот ликува, целото твое битие се исполнува со Енергијата на Животот, со таа Божествена Сила, телото се исцелува, се обновува целовитоста на свеста, сомнежите заминуваат, се враќа силата на волјата, се исполнуваат желбите, се исполнуваат сите сфери на твојот живот, се средуваат односите со околината, зашто ти самиот стануваш канал на безгранична Љубов за нив, се откриваат талентите, се разјаснува разумот, се отвора Вистината, а во Неа – твоето предназначение и самата смисла на Животот. Љубовта кон Бога – ете го вистинскиот извор и почеток на Љубовта. Но дури и таа Љубов ни ја дава Самиот Извор, Самиот Бог. Затоа, за да ја откриеме во себе таа Љубов, за да го покренеме Нејзиниот тек, во Внатрешниот Дијалог ние Му се обраќаме на Бога со молба: – Господи, научи ме да Те љубам со сето свое срце, со сета своја душа и со сиот свој разум, исполни ме со Својата

Љубов, со Љубов кон Тебе. Не ме напуштај, Господи Боже мој! И кога Бог ќе ти одговори: Јас Те љубам, Ние Сме Едно, ти си совршен во Моите очи и никогаш не беше сам. – Кога Бог ќе ти одговори однатре, ти точно ќе знаеш дека е Тој, зашто срцето твое ќе затрепери, а душата ќе почне да оживува, и солзи ќе ти се појават на очите. Да плачеш од Живиот Збор, од Божјиот Збор во тебе – тоа е нормално, тоа е добро. Тоа значи дека душата е жива и се очистува. Лошо е ако не почувствуваш ништо како одговор на своето барање. Тогаш треба сериозно да се фатиш за работа – да ги очистиш телото и разумот и да Му се молиш на Бога за враќање на твојата душа – пост, воздржување, молитва. Молитва првиот пат, сè додека Бог не ти одговори – барем со слаб сигнал во телото – а потоа 50 пати на ден, на секои 10-15 минути, со какво било прашање, но главно: „научи ме, помогни ми да осознаам, исцели ги мојот разум и мојата душа“. „Научи ме, Господи, да бидам творец, свесен творец на својата реалност“. „Помогни ми да осознаам, Господи, за што, со што и како го творам ова во мојот живот – со какви верувања, желби, со какви чувства и мисли“. „Исцели ги, Господи, овие верувања и овие сомнежи, овие желби и овие чувства, помогни ми да го дисциплинирам својот ум и да мислам од Љубов, со Љубов и за Љубов“, „Научи ме, Господи, да живеам така што Животот во мене да се зголемува!“ И кога одново и одново ќе прашуваш, ќе прецизираш, ќе молиш – Бог ќе ти одговара – одново и одново – и ти одново и одново ќе го чувствуваш Неговото Живо Присуство во себе: прилив на сили, енергија, на самата Љубов. И нема да се сомневаш во тие одговори, ќе знаеш дека тоа е

Вистина, и дека Таа е Жива. И од Неа, од таа Жива Вистина, и ти самиот ќе станеш Жив. Љубовта оживува, буквално те воскреснува за Живот. Овие одговори можат да бидат многу едноставни, дури и банални. Можеби си прочитал нешто слично или си слушнал од некого стотици пати. Но тоа секогаш останувало само информација, без да навлезе подлабоко од твојот ум, каде што можат да живеат мноштво различни мислења, со-мнежи во врска со тоа. Но кога со тебе зборува Самата Љубов, ти веќе не се сомневаш, тоа е Вистина, и таа се вградува во твојата свест како аголен камен, како цврста основа врз која веќе може да се гради домот на твојата свест – со сите останати катови. Тоа ја менува твојата Вера, ги менува твоите убедувања, ги менува твоите желби, ги менува твоите чувства, твоите мисли и самиот начин на размислување. Ти стануваш поинаков. Вистински. Ти стануваш самиот себеси. И тоа не се случува само на суптилно-материјално, духовно ниво. На физиолошко ниво твоите невронски врски се преструктурираат, сите квадрилион (1’000’000’000’000’000) невронски врски во твојата глава и твоето тело се преуредуваат под дејство на Љубовта и Вистината што те исполнуваат однатре од Бога. И тоа се случува многу брзо. Многу се менуваш за само две-три недели, за неколку месеци – до непрепознатливост. И за три и пол години ти стануваш апсолутно нов човек. Стариот човек во тебе умре. Воскресна новиот човек. Од Љубовта, од Живиот Божји Збор во тебе, ти стануваш Себеси Вистински. И тоа го чувствуваш – со сето срце, со сета душа, со сиот свој разум и

со сето тело. Ти се раѓаш според Божјиот образ, во Христовото Причестување, а стануваш според Неговото подобие, во Внатрешниот Дијалог со Него. Тоа и е обожување. И така може да се живее Вечност. И само така и може да се живее Вечност. Еве неколку чекори-алатки кои ќе ти помогнат на овој пат, патот на обожувањето: 1. Признавање на внатрешната правда. Правдата нè соединува во една целина со реалноста што ја создаваме. Лагата нè разединува. Во нас беа скриени многу противречности и многу внатрешни лаги, (пре)гревови пред нашата вистинска природа. Затоа не можевме вистински ништо ниту свесно да создадеме, ниту да поправиме како творци. Немаше внатрешна целовитост. Лебедот, ракот и штуката секогаш влечеа на различни страни. Правдата нè ослободува од таа лага и ја обновува внатрешната целовитост и единството со реалноста како со свое творештво. Но Правдата знае да биде непријатна, незгодна, болна, и ние често потсвесно се браниме од неа, па затоа за да ја признаеме, за да ја видиме онаква каква што е, потребно е Божјото Присуство внатре; затоа сè започнува со Причестувањето со Божествената Свест, Христовото Причестување – од Неговата Вистина се манифестира сета внатрешна лага. А потребна е и искреност со самиот себе. Да се признае лагата, да се прифати Правдата, да се исполниме со Вистината од Бога. Вистината е таква правда што те исполнува со Љубов, што го зголемува Животот.

2. Изјави волја.. Ете, си ја признал вистината, на пример, дека Љубов нема. Сега изјави ја својата волја, Волјата на Творецот, за тоа како сакаш да биде. „Ја изјавувам мојата волја, јас

се исполнувам со Љубов токму сега (Господи, помогни ми во ова)“. И набљудувај. Веднаш потоа ќе се отвори патот што ќе те доведе до тоа. Можеби ќе треба уште неколкупати да се вратиш на признавањето на внатрешната правда, многу нешта да осознаеш и преосмислиш во својот живот, многу да промениш. Но тоа е пат, и тој мора да се изоди. Со изјавувањето на твојата волја патот се отвора, чекори по него.

3. Истражи ги противречните желби. Сè се создава според твоите желби. Според твоите вистински (не секогаш освестени) желби. Прашај Го Бога во Внатрешниот Дијалог: зошто сакам да биде така како што е? На пример, „Господи, зошто сакам да не чувствувам Љубов?“. Може да испливаат многу одговори на виделина – од „страв од болка“ до „тогаш ќе мора да го променам својот живот“. Самото освестување на противречните желби веќе почнува да ги усогласува – така функционира Божествената Свест во тебе, со која си се причестил во чинот на Причестувањето (Самопричестувањето). Но овој процес може да се засили со молба до Бога да ги усогласи овие противречни желби и да вгради во твојата свест „ново трето“ за секој пар противречности. За наместо „или-или“ да се добие „и-и“. Што се однесува до стравовите, тука не треба да се бара „ново трето“ – едноставно моли Го Бога да ги исцели во тебе. Без Бога стравовите ја блокираат Љубовта, а Бог ги претвора во гориво на Љубовта. Затоа светите отци често велат дека Стравот Божји е почеток на Љубовта. На крајот ти треба да бидеш слободен од сите стравови. Стравот не е норма. Стравот е отстапување од Божествената природа.

4. Набљудувај ги чувствата. Запрашај се: „А што реално чувствувам сега?“. Набљудувај во срцето, во телото, во душата. Вслушај се во чувствата. Набљудувај ги. Побарај помош од Бога за концентрација на вниманието на чувствата, ако немаш таква навика или ако тие чувства ти се непријатни (срам, вина, страв, навреденост, иритација, вознемиреност). Не го тргај внатрешниот поглед од нив, дури и ако тие чувства се крајно болни. Тоа нема да трае долго. Притоа набљудувај ги како нешто одвоено од тебе: ти чувствуваш, но ти не си тие чувства. Набљудувајќи ги во себе самите чувства, без дополнителни анализи, ти им пренесуваш енергија на Љубовта, која ја имаш во себе по дефиниција – од Бога од моментот на Божественото Причестување – и од таа енергија, пренесена преку каналот на твоето внимание, доаѓа до покачување на вибрациската фреквенција на тие чувства, нивниот квалитет се зголемува буквално пред твои очи – во правец на векторот што го задава Самата Љубов. Твоите чувства се непрекинат спектар, виножито на Љубовта во тебе, и на „негативните“ чувства едноставно им недостасуваше енергија за да светат посветло и да станат попријатни. Ќе се изненадиш колку брзо се случува преобразувањето на овие чувства! Само не застанувај „на постигнатото“, кога ќе ти „олесни“. Продолжи да ги набљудуваш сè до Љубов и Благодарност – кон Бога за самата можност да чувствуваш. Чувствата говорат дека си – Жив. Да живееш значи да Чувствуваш.

5. Верувај. Запри. Осмисли критички во што веруваш навистина. Тоа е точно она што ти се случува, тоа е она со што се зафатени твоите мисли, твоите дела и твоето време. Дали е тоа навистина она што си го сакал од својот живот на

самото дело? А во што би сакал да веруваш? Како би сакал да живееш? Што да чувствуваш? На што да се посветиш? Сакаш Љубов и Чудо? Изобилство? Откривање на својот уникатен Талент? Тогаш зошто веруваш во пари и власт, во несакана работа, „објективна реалност“ и долгови? Побарај од Бога да ги промени твоите верувања и убедувања, свесниот избор на вера отвора нови можности за тебе. Да претпоставиме дека си „Фала Богу атеист“ и „не веруваш во ништо такво“. Тогаш само претпостави за секунда дека „такво нешто“ е можно. Чудото е можно. Љубовта е можна. Бог е можен. Можно е токму твојата свест и твоите верувања и твоите желби да се одговорни за твојата реалност. Можно ли е? Можно е. Ете, и науката вели дека е можно! Дури и едносекундно допуштање на нова вера ти отвора „пукнатина на можности“ во која почнува да се влева нова реалност. Прифати го тоа како дар. А потоа не заборавај да Му се заблагодариш на Бога. Во себе.

6. Цени. Сите желби се веќе исполнети. Желбите сами себе се исполнуваат. Во нашиот свет постои само она што навистина го посакуваме. Вредноста е желба продолжена во времето. Во мојот свет е стабилно само она што навистина го ценам. Затоа признавам дека ова (Љубовта) е вредно за мене и Го молам Бога да го разгори во мене чувството за вредноста на Љубовта, самата вештина да се цени. И првата лекција: Вредноста е Внимание. Каде што е вниманието, таму е енергијата, каде што е вниманието – тоа и расте. Ако ја цениш Љубовта над сè, посвети Ѝ првенствено внимание.

„Сакаш ли да ја зголемиш Љубовта во своето срце – не тргај поглед од Неа“.

7. Вклучувај ја свесноста. Свеста на Творецот. Практикувај враќање на волјата, силата и одговорноста на Творецот за својата состојба, за својот живот, за својата реалност и за својата Божествена игра. Не чувствуваш Љубов? Изјави волја: „Си ја враќам мојата волја да ги создавам моите чувства и мојата реалност според мојот свесен избор. Си ги враќам силата и одговорноста на творец за својата состојба. Си ги враќам силата и одговорноста на творец за својот живот. Си ги враќам силата и одговорноста на творец за својата реалност. Си ги враќам силата и одговорноста на творец за мојата Божествена игра во составот на Играта на Единиот Бог. Амин“. И набљудувај како реалноста ќе почне да се менува, чувствата стануваат посветли, разумот се разјаснува. Сега знаеш што да правиш. Можеби треба да ја признаеш вистината пред Бога, да изјавиш волја. „Сега не чувствувам Љубов, Господи, (и од тоа ми е лошо, зашто ја ценам Љубовта над сè), но прифаќам одговорност за моите чувства и ја изјавувам мојата волја да ја вратам Љубовта во моето срце, многу го сакам тоа, и ги отпуштам сите стравови и мисловни форми и желби што ја блокираа Љубовта во мене, ја избирам Љубовта кон Бога! (Господи, научи ме да Те љубам вистински, очисти ги срцето мое и душата и телото и разумот за Љубов, исполни ме со Твојата Љубов, воскресни ме за вистински Живот, за Љубов! Амин.) Што треба да осознаам во врска со ова, Господи, токму сега?“ И вслушувај се во одговорите од Бога, изјавувај волја врз основа на нивното осмислување, донесувај

одлуки, менувај го својот живот директно во моментот – преземај ги потребните дејства, прави повици, менувај договори, отпуштај долгови и обврски, враќај си ја слободата себеси и на другите, зацврстувај се во верата, отпуштај ги сомнежите, давај Љубов…

8. Љуби. Нема ништо поглупаво од тоа – да чекаш нешто, а да не почнеш да бидеш тоа уште сега. Затоа почни да љубиш. Токму сега. Љубовта е над сè, а да се биде Љубов – значи да се биде Нејзин канал, значи да се излева Љубов врз ближните. Како? Прашај Го Бога во Внатрешниот Дијалог. Со внимание, грижа, банални прашања: Како си? Што чувствуваш? Како можам да ти помогнам? Знај дека те сакам. Памти дека Бог е во тебе и секогаш одговара на твоето прво барање. Стегни се! (Со насмевка) Па ти си творец!, и во кого тогаш е причината?“ Помоли се за друг. Тоа е најубавиот вид молитва. Таа најмногу Му се допаѓа на Бога. Помоли се за друг – побарај од Бога да му даде толку Љубов колку што е подготвен сега да прими, и ти веднаш ќе ја почувствуваш таа Љубов во себе. Почесто изјавувај волја за отворање на своето срце и исполнување од Изворот. „Ја изјавувам мојата волја: го отворам моето срце за Љубов. Се исполнувам со Божествена Љубов од мојот внатрешен извор во моето срце како проекција и продолжение на нашиот Еден Извор на Животот во мене. Набљудувам како Енергијата на Љубовта со светлина го исполнува целото мое битие, очистувајќи ја мојата душа, моето тело, сета моја свест и издигнувајќи ме до нивото на вибрациите на Благодарност, Безусловна Љубов и Прифаќање без осудување. Јас со благодарност

го отпуштам сè она што во мене ја блокираше Љубовта и сите што стоеја зад тоа. Отсега натаму повеќе немам потреба од вас, зашто имам директен однос со Бога, Изворот на Љубовта во мене, и се исполнувам директно од Изворот, а на сите останати им давам право да се исполнуваат директно од Единиот Извор, од никого не се хранам со енергија и никого не го хранам со својата. Го прекинувам дејството на сите договори и обврски, кармички договори и врски, си ја враќам слободата себеси и на сите со кои бев поврзан со тие договори. Ги сметам за исполнети, зашто ме доведоа до нивната највисока цел – до Љубовта. Амин“. И набљудувај ја Љубовта. Не тргај поглед од Неа.

9. Говори ја Вистината. Вклучи го Внатрешниот Дијалог. Вистината исполнува со Љубов. Тоа е факт. Зашто вистината произлегува од Бога, од Изворот. Сакаш Љубов – манифестирај ја Вистината. Изјави гласно за својата внатрешна вистина преку која Бог се манифестира преку тебе токму сега. Говори ја Вистината. – Господи, зборувај преку мене!

Поразговарај со својата душа. „Душо моја, што сакаш?“ Прашај го Духот: „Духу мој, како можам да ѝ го дадам тоа на мојата душа токму сега?“ И дејствувај. Манифестирај го тоа. Животот е секогаш овде и сега. Тука и сега. Не одложувај. Изјави за својата внатрешна вистина на своите социјални мрежи. За некого тоа токму сега може да биде вистинско спасение, голтка Жива Вода во пустината на беживотната рутина! Манифестирај ја Вистината и тоа ќе ја зголеми Љубовта во тебе и во светот токму сега. „Господи, што треба да осознаам токму сега?

Во што е мојата вистина? Потсети ме, Господи! Помогни ми да ја изјавам отворено и без срам! Амин“. Да се говори Вистината е најголемото пројавување на Љубовта. Затоа што Вистината е Љубов. Љубовта е Вистина.

10. Пројави го својот талент, дарот што е од Бога. Да се говори Вистината е талент. Дар од Бога. Но има уште мноштво, небројно мноштво таленти, кое секојдневно се зголемува со сè нови и нови творци разбудени за Вечен Живот со сè нови и нови таленти, какви што немало никогаш претходно и какви што нема да најдеш во класификацијата на професиите. Дознај во Внатрешниот Дијалог со Бога каков е твојот дар и како можеш да почнеш да го пројавуваш токму сега. Можеби тоа не е ништо толку ново. Можеби тоа е она што отсекогаш си го знаел за себе. Но Љубовта е енергија, а енергијата е движење, и за да биде Љубовта во тебе жив тек – мора постојано да ја изливаш – да ја изливаш – бесплатно, како дар. Како Божји дар. Дарум. Не чекај да ти платат за него. Не обидувај се да го монетизираш својот талент. Сите твои желби, сите твои потреби се и онака обезбедени од Бога (ако, секако, Го познаваш), сите твои желби се веќе исполнети, и нека твојата лева рака (да зема) не знае ништо за тоа што го прави десната (да дава). Давај без мера, едноставно за да го пропушташ низ себе тој тек на Љубовта, а земај без да прашуваш дали си достоен за тоа или не, дали заслужуваш, зашто сè што даваш е од Бога, а сè што земаш, дури и преку луѓето – сепак е од Него. Затоа слободно манифестирај се, претстави му го на светот својот талент – ти го правиш тоа за себе, а не за светот, за Љубовта, за

Уживањето. Не го знаеш својот талент? Измоли го од Господа. Сите таленти се од Него. Талентот во тебе е Нашиот Сеопфатен Колективен Потенцијал, изразен во онаа уникатна форма која му е потребна сега на Целото и која може да се манифестира само преку тебе благодарение на сите твои избори и на сето твое искуство и на сиот пат поминат во животот.

11. Љубовта – тоа сме Ние. Помоли се за сите. Љубовта не сум јас, Љубовта сме секогаш Ние. Дури и на Бога Му требаме ние, дури и Тој имаше потреба да Се раздели Себеси на мноштво делови – во нас, за да се случи Љубовта. Кога чувствуваш дека нема доволно Љубов, помоли се за сите Нас, за кај сите Нас да се случи Љубовта, за сите Ние да ја најдеме својата Среќа. Молитвата за другите, а особено молитвата за сите – е многу моќна алатка за отворање на срцето и умножување на Љубовта на Планетата. А со тоа, и во твоето срце. „Господи, исполни нè сите Нас со Својата Љубов, научи нè Нас да Те љубиме со сето свое срце, со сета своја душа и со сиот свој разум Наш, научи нè Нас да се љубиме еден со друг и со тоа умножувај ја Својата Љубов во Нас, зашто тоа е Најголемо Уживање – да се љуби. Дарувај нè сите Нас со таленти, Господи. Разбуди нè Нас за Вечен Живот, колку и цврсто да сме спиеле и од какви било височини на Твојот Дух да сме паднале, откажувајќи се од Тебе поради недомисленост, заборавајќи на Љубовта и предавајќи се самите себеси во тоа. Ослободи нè Нас од сите Наши

заемни долгови и обврски со кои поради нашата несвесност сме се обраснале, заборавајќи дека сè е од Тебе, Господи, и сè според нашите желби и вера се создава. Исцели ја Нашата Колективна Свест, Господи, избави нè од лукавиот шаблон на перцепција, исполни нè повторно со Својот Дух, научи нè да бидеме свесни творци на Нашата Колективна Реалност, исцели ја и очисти ја Нашата Една Душа, Господи, и исполни ја со Љубов. Зашто Ние сме Твои деца, Татко. Научи нè тогаш да бидеме богови. Амин“

12. Единство и Преображение преку Причестувањето на Единиот. Досега во Внатрешниот Дијалог му се обраќавме на Господ Наш Исус Христос. Но задачата на Исус е да нè подготви нас, нашиот разум, нашата душа, нашето срце – нашите верувања, желби, чувства и мисли – и да нè доведе до Единиот Бог Татко-Мајка. За да се прошириме со Љубовта на Единиот до Љубов кон сè што постои, кон сè што некогаш било, е и ќе биде. Така стануваме Единство, Едно Ние, Единство на разновидноста на Бога пројавен преку Нас, и Самата Љубов во Нас се шири и се вознесува до Стравопочит пред Единиот Бог Дух-Татко-Мајка во Единство со непројавеното. Единиот е Сè и Ништо. Сè Постоечко, пројавено на сите нивоа на Создавањето и сè Непројавено, Големата Празнина, Големата Утроба на Едната Мајка, Потенцијалот на сè.