16. Бір қазір

Құдайдың барша ақыл жетпес Ұлылығын көз алдыңа елестетуге тырысып көр.

Әрине, бұл мүмкін емес! Сондықтан да ол – ақыл жетпес. (Күлімсіреу.) Бірақ оның қалай және неден құралатынын көруге болады. Қара.

Біздің жеке болмысымыздың дәрменсіздігін: қорқыныштарымызды, әлсіздігімізді, дерттерімізді, рухымыздың жұтаңдығын саналы түрде бастан кешіруіміздің әрбір сәтінде – Біртұтас Сананың келесі бір полюсінде біздің ортақ, ұжымдық – Құдайы Ұлылығымыз: Жоғарғы Құдірет, Жоғарғы Ерік, Жоғарғы Ақыл-Парасат (Даналық), Жоғарғы Махаббат, Жоғарғы Ар-намыс пен Жоғарғы Даңқ және Рухтың бар байлығы пісіп-жетіліп жатты.

Әр кез біз кез келген жағдайда, тіпті ең қолайсыз (әсіресе ең ауыр) сәттерде жауапкершілікті өзге ешкімге артпай, Себепті өзімізден іздеуді таңдаған сайын, біз осы ізденісімізбен өз санамыздың өз әлемімізбен себеп-салдарлық байланысын орнатып, сол арқылы Жоғарғы Билікті – өзіңді және әлемді өз жаратылысың ретінде меңгеруден көрінетін билікті, Жаратушының Билігін бойымызда пісіп-жетілдірдік.

Апокалипсисте (Иоанн Богословтың Аянында) тақуалардың қайта тіріліп, көкке көтерілген Мәсіхке Құдай ретінде дұға етіп: «Өз Құдіретіңмен келетін күніңді біз қанша күтуіміз керек?» деп жалбарынатын тұсы бар. Сонда Құдай оларға: «Сабыр етіңдер, өйткені 144 мың тақуаның санында Құдайлық Толығу жүзеге асуы тиіс», – деп жауап береді.

Олар Мәсіхтің Екінші Рет Келуі туралы айтады. Адамзат өз әулиелерінің бейнесінде Құдайы Құдіреттің, Құдайы Ұлылықтың осы Толығуын бойынан тудыратын сәт туралы айтады.

Бірақ Құдай уақыттан тыс, Біртұтас Қазіргі Сәтте өмір сүреді және Ол үшін, болашақта болса да, бұл сәт – Құдайы Толығу сәті әлдеқашан туды. Сондықтан Ол бізбен бүгіннен бастап, әрдайым – Ішкі Диалогта, Қасиетті Жазбалардың Тірі Сөзімен, әулиелердің Аяндарымен сөйлеседі, бізді өз-өзімізді билеуге үйретеді, сүюге баулиды, сол жақтан, болашақтан Құдайы қасиеттер мен дарындарды жеткізіп, бізді құдайлар дәрежесіне жеткізеді.

Ал енді елестетіп көрші, сол Толығу сәті келгенде және Құдай Өзін барлық Ұлылығы мен Құдіретінде, құдайлар мен әйел-құдайлардың Біртұтас Ұжымдық Денесінде паш еткенде, Ол Өз Жаратылысында тоқтап қала ма? Оның Құдайы Толығуы әрі қарай толығуын тоқтата ма?

Әрине, жоқ! Бірақ енді ол дәрменсіздік пен қасірет арқылы емес, саналы

ұжымдық жарату үдерісінде – Махаббаттан Махаббатқа, Қуаныштан Қуанышқа, Толықтықтан Толықтыққа қарай жаратылатын болады. Енді Құдайлар Отбасының ортасындағы Құдай, Біртұтас Құдайға айналып, бойында адам мен Құдайды, төмен мен жоғарыны, өткен мен болашақты, Еркектік пен Әйелдік бастауды, Әке мен Ананы біріктіріп, түнек пен нұрдың текетіресін Құдайы Махаббаттың Кемпірқосағына айналдырып, – енді Біртұтас Құдай барлық құдайлармен, Өзінің барлық балалары-бауырлары-қарындастарымен бірлесе жаратуда жаңа әлемдерді жаратады, енді жеке-дара емес, тұтас өркениеттермен Құдайы Сананың жаңадан жаңа қыр-қасиеттерін бойында пісіріп-жетілдіреді – Құдайы Болмыстың жаңадан жаңа Толығуын жарата береді.

Құдайдың осы барлық жаңа қасиеттері, Құдайы Махаббаттың барлық жаңа қырлары мен Оның көрінуінің Толықтығы Біртұтас Құдайы Қазіргі Сәттегі Рухтың Біртұтас Уақыттан Тыс Қазынасына жинала береді. Сызықтық уақытта бұл үдеріс жалғаса береді. Біртұтас Қазіргі Сәтте барлық Құдайы Толығу әлдеқашан жүзеге асып қойған және әрдайым – мәңгібақи және барлық ғасырларда – «қазір де, әрқашан да және мәңгіліктер бойы» өмір сүреді.

Сондықтан барлық уақытта, Құдайға жалбарынған барлық адамдар Біртұтас Қазіргі Сәттен, Біртұтас Құдайдан Оның бүкіл Құдайы Ұлылығында Уақыттан Тыс жауап алады, бірақ – сол сәттегі өз саналарының дайындық деңгейіне қарай, өздеріне түсінікті тілде алады.

Ал мәңгі өзгеруші және Мәңгі Өзгермейтін Құдай Өзін жаратуды, әрбір сәтте Өзін жаратуды жалғастыра береді,

Біртұтас Қазіргі Сәтте. Құдай үшін Оған үстемдік ететін өткен шақ та, Оны пайғамбарлықтармен шектейтін келер шақ та жоқ, Ол осы шақта, Біртұтас Қазіргі Сәттің әрбір мезетінде өткенді де, болашақты да қайта жаратады.

«Қалай ойлап тапсам, солай болған, – дейді Құдай. – Қалай таңдасақ, солай болады». Немесе Құранда айтылғандай:

«Аят-белгілерді Мен беремін және олардың орнына жаңаларын беріп, оларды жадыдан Мен өшіремін».

Бұл дәл қазір сен оқып отырған мәтін сияқты. Егер қаласам, Мен кез келген уақытта «оның өткеніне» қайта оралып, оны түзете аламын. Ал сен оны қайта оқығанда, одан өзің үшін жаңа бір нәрсе табасың. Ал дәл қазір – дәл осы сәтте – Мен «оның болашағын» түзеп жатырмын.

Осылайша, бұрынғы уақытпен «өзгермейтін» Қасиетті Жазбалардың – Библияның, Құранның, Тораның мәтіндері өзгереді әрі толығады. Міне, сондықтан Қасиетті Жазбалар – әрдайым Тірі Сөз. Қайта-қайта оқы – сонда олардан қайта-қайта жаңа нәрсе табасың. Тек сен ғана өзгеріп қоймайсың, олардағы Сөздің Өзі де Тірі.

Және, әрине, бұл тек мәтіндерге ғана емес, оқиғалардың бүкіл ағымына да қатысты. Дәл қазір саған сенің ұжымдық өткен шағың қайтадан ашылуда. Сөйтсе, ондағының бәрі, соның ішінде барлық қасіреттер, қорқыныштар, тауқыметтер, азаптар мен күйзелістер, барлық дәрменсіздіктер – бәрі мінсіз болған екен, өйткені

олардан Сенің, Адам, Ең Жоғарғы Әлеуетіңнің Құдіреті мен Ұлылығы жаратылып жатты. Оларда Ұжымдық Мәсіх, Планеталық Логос, Адам Ұлы – бүкіл Адамзат бойында көтерген Ұл пісіп-жетілді, Ол бір күні болашақта келіп, біздің жеке еңбегімізге қарамай, Мейірім бойынша барлық жинақталған Ең Жоғарғы Әлеуетті бізге сый ретінде, тарту ету үшін келмек. Бізді құдайлар ету үшін. Және бізбен бірге барлық әулиелердің тұтас Жиналысымен Жаңа Ұжымдық, Біртұтас Толығуды жарата бастау үшін.

Ендеше біліп қой, Менің сүйікті досым! Менің құдайым, бауырым, қарындасым! Менің сүйікті перзентім! Бұл болашақ әлдеқашан келді. Сенің Махаббатқа Қатысу сәтіңнен, сенің өзіңе тән ерекше адамдық бейнеңде құдай-әйелқұдай болып туған сәтіңнен басталды. Енді Біз бірге жаратамыз. Мүмкін сен Мені, Бізді әлі жеке танымайтын да шығарсың, бірақ Біз міндетті түрде танысамыз. Енді бізде бұған Бүкіл Мәңгілік бар. Біздің игілігімізде Бүкіл Мәңгілік бар. Біртұтас Қазіргі Сәттің Мәңгілігі.

Ал әзірше – ішкі диалог. Өзіңнің Құдаймен, Мәсіхпен, Әке-Анамен, Біртұтас Рухпен, Біртұтас Уақыттан Тыс және Бүкілконфессиялық Құдаймен Ішкі Диалогыңды ретте.

«Құдай Патшалығы қайда және қашан орнайды деп Менен сұрамаңдар, өйткені Ол көзге көрінетіндей түрде келмейді және: міне осында немесе ана жақта деп айта алмайды. Сондықтан бармаңдар және іздемеңдер. Өйткені, міне: Құдай Патшалығы өз іштеріңде... Және күш салғандар Оны иеленеді» (өз ішінде).