16. İndi Bir

Tanrının təsəvvürəgəlməz bütün Əzəmətini təsəvvür etməyə çalış.

Əlbəttə, bu qeyri-mümkündür! Elə buna görə də o, təsəvvürəgəlməzdir. (Təbəssüm.) Lakin onun necə və nədən yarandığını görmək olar. Bax.

Fərdi heçliyimizi: qorxularımızı, acizliyimizi, zəifliyimizi, xəstəliklərimizi, ruh yoxsulluğumuzu şüurlu şəkildə yaşamağın hər bir aktında – Vahid Şüurun digər qütbündə bizim özümüzün, kollektiv İlahi Əzəmətimiz yetişirdi: Ali Qüvvə, Ali İradə, Ali Ağıl (Hikmət), Ali Sevgi, Ali Şərəf və Ali Şöhrət və Ruhun bütün zənginliyi.

Hər dəfə, istənilən şəraitdə, istənilən vəziyyətdə, hətta ən əlverişsiz (xüsusilə ən əlverişsiz) anlarda məsuliyyəti başqa heç kimin üzərinə atmadan Səbəbi özümüzdə axtarmağı seçəndə, biz bu axtarışımızla öz şüurumuzun öz dünyamızla səbəb-nəticə əlaqələrini yaradır, bununla da Ali Hakimiyyəti – özünə və öz yaradılışı kimi dünyaya sahib olmaqda təzahür edən hakimiyyəti, Yaradanın Hakimiyyətini yetişdirirdik.

Apokalipsisdə (Həvari Yəhyanın Vəhyində) bir epizod var ki, orada salehlər öz dualarında artıq dirilmiş və göyə ucalmış Məsihə bir Tanrı kimi müraciət edərək deyirlər: Sənin Öz bütün Qüdrətinlə gələcəyin vaxtı biz daha nə qədər gözləməliyik? Və Tanrı onlara cavab verir: səbir edin, çünki 144 min salehin timsalında Tanrı Dolğunluğu tamamlanmalıdır.

Onlar Məsihin İkinci Gəlişindən danışırlar. Bəşəriyyətin öz müqəddəslərinin simasında İlahi Qüdrətin, İlahi Əzəmətin bu Dolğunluğunu özündə yetişdirəcəyi andan danışırlar.

Lakin Tanrı zamandan kənarda, Vahid İndidə mövcuddur və Onun üçün, gələcəkdə olsa belə, bu an – İlahi Dolğunluq anı artıq gəlib çatmışdır. Buna görə də O, bizimlə – artıq bu gün, hər zaman – Daxili Dialoqda, Müqəddəs Yazıların Canlı Kəlamı ilə, müqəddəslərin Vəhyləri ilə danışır, bizə özümüzə sahib olmağı, sevməyi öyrədir, oradan, gələcəkdən İlahi keyfiyyətləri və istedadları ötürərək bizi tanrılara çevirir.

İndi isə təsəvvür et, bu Dolğunluq anı gələndə və Tanrı Özünü bütün Əzəməti və Qüdrəti ilə, tanrıların və ilahələrin Vahid Kollektiv Bədənində aşkar edəndə, məgər O, Öz Yaradılışında dayanacaqmı? Məgər Onun İlahi Dolğunluğu tamamlanmaqdan qalacaqmı?

Əlbəttə, xeyr! Lakin artıq o, zəifliklər və iztirablar vasitəsilə deyil, şüurlu

kollektiv yaradılış prosesində – Sevgidən Sevgiyə, Sevincdən Sevincə, Dolğunluqdan Dolğunluğa yaranacaqdır. İndi Tanrı, tanrılar Ailəsi ilə əhatə olunaraq, Vahid Tanrıya çevrilərək, Özündə insanı və Tanrını, aşağını və yuxarını, keçmişi və gələcəyi, Kişini və Qadını, Atanı və Ananı birləşdirərək, qaranlıqla işığın qarşıdurmasını İlahi Sevginin Göyqurşağına çevirərək – indi Vahid Tanrı bütün tanrılarla, bütün Öz övlad-qardaş-bacıları ilə birgə yaradıcılıqda yeni dünyalar yaradacaq, artıq tək-tək deyil, bütöv sivilizasiyalar halında İlahi Şüurun getdikcə yeni və yeni keyfiyyətlərini yetişdirəcək – İlahi Varlığın getdikcə yeni və yeni Dolğunluğunu yaradacaqdır.

Və Tanrının bütün bu yeni keyfiyyətləri, İlahi Sevginin və Onun təzahür Dolğunluğunun bütün bu yeni və yeni cilaları Vahid İlahi İndidə Ruhun Vahid Zamandankənar Xəzinəsinə toplanmaqda davam edir. Xətti zamanda proses davam edir. Vahid İndidə isə bütün İlahi Dolğunluq artıq baş tutmuşdur və hər zaman – əzəldən və bütün zamanlar boyu – «indi, həmişə və əbədi olaraq» mövcuddur.

Buna görə də bütün dövrlərdə Tanrıya müraciət etmiş bütün insanlar Vahid İndidən, bütün İlahi Əzəmətində olan Vahid Tanrıdan Zamandankənar cavab alırlar, lakin – həmin andakı şüurlarının hazırlıq dərəcəsinə uyğun olaraq, onların anlaya biləcəyi dildə.

Əbədi dəyişən və Əbədi Dəyişməz olan Tanrı isə Özünü yaratmağa, hər bir anda Özünü yaratmağa davam edir –

Vahid İndinin hər bir anında. Tanrı üçün Onu kəhanətlərlə məhdudlaşdıran, Onun üzərində hökm sürən keçmiş və ya gələcək yoxdur; O, həm keçmişi, həm də gələcəyi indiki zamanda, Vahid İndinin hər bir anında yenidən yaradır.

«Necə düşünsəm, elə də olub, – deyir Tanrı. – Necə seçsək, elə də olacaq. Və ya Quranda deyildiyi kimi:

«Ayələri Mən gətirirəm və Mən də onları yaddaşlardan silir, əvəzinə yenilərini verirəm».

Bu, elə indicə oxuduğun mətn kimidir. İstəsəm, Mən hər zaman “onun keçmişinə” qayıdıb onu düzəldə bilərəm. Və Sən onu yenidən oxuduqda özün üçün orada yeni bir şey kəşf edəcəksən. İndicə isə – məhz bu anda – “onun gələcəyini” düzəldirəm.

Beləcə, keçmişə doğru, “dəyişməz” Müqəddəs Yazıların: Müqəddəs Kitabın, Quranın, Tövratın mətnləri dəyişir və tamamlanır. Bax buna görə də Müqəddəs Yazılar – həmişə Canlı Kəlamdır. Təkrar-təkrar oxu – və təkrar-təkrar onlarda yeni şeylər tapacaqsan. Yalnız Sən dəyişmirsən, onlardakı Kəlamın Özü də Canlıdır.

Və əlbəttə ki, bu təkcə mətnlərə deyil, hadisələrin axarının özünə də aiddir. Elə indicə sənin üçün kollektiv keçmişin yenidən açılır. Sən demə, oradakı hər şey, bütün bəlalar, qorxular, məhrumiyyətlər, iztirablar və həyəcanlar, bütün zəifliklər daxil olmaqla – hər şey kamil imiş, çünki

onlardan Sənin, ey İnsan, Ən Uca Potensialının Qüvvəsi və Əzəməti yaranırdı. Onlarda Kollektiv Məsih, Planetar Loqos, Bəşər Oğlu yetişirdi – bəşəriyyətin bütövlükdə yetişdirdiyi Oğul, ta ki gələcəkdə bir gün zühur edib toplanmış bütün Ən Uca Potensialı fərdi xidmətlərimizə görə deyil, Lütflə bir hədiyyə kimi, ənam olaraq bizə təqdim etsin. Bizi tanrılara çevirmək üçün. Və bizimlə birlikdə Yeni Kollektiv, Vəhdət Dolğunluğunu – bütün müqəddəslərin tam Məclisi ilə – yaratmağa başlasın.

Bax belə, bil, Mənim sevimli dostum! Mənim tanrım, qardaşım, bacım! Mənim sevimli övladım! Bu gələcək artıq gəlib çatmışdır. Sənin Sevgi Şərikliyin anından, sənin bənzərsiz insan cildində tanrı-ilahə kimi doğulduğun andan etibarən. İndi Biz birlikdə yaradırıq. Və hərçənd, bəlkə də, Sən hələ Məni, Bizi şəxsən tanımırsan, lakin Biz mütləq tanış olacağıq. İndi bunun üçün Bütün Əbədiyyətimiz var. Bütün Əbədiyyət Bizim ixtiyarımızdadır. Vahid İndiliyin Əbədiyyəti.

Hələlik isə – daxili dialoq. Tanrı ilə, Məsihlə, Ata-Ana ilə, Vahid Ruhla, Vahid Zamandankənar və Bütün Konfessiyalardan Üstün Tanrı ilə öz Daxili Dialoqunu qur.

«Məndən Tanrının Səltənətinin harada və nə vaxt gələcəyini soruşmayın, çünki O, gözəçarpan tərzdə gəlməyəcək və deməyəcəklər ki: filan yerdə və filan vaxtda. Beləliklə, getməyin və axtarmayın. Çünki budur: Tanrının Səltənəti sizin daxilinizdədir... Və cəhd göstərənlər Onu qazanırlar» (özlərində).