13. Добри вести

Најважното во Посланието, кое Свеста Радомир ни го носи нам, е ова:

1. Љубовта е над сè. Љубовта е вистинска наслада, својствена на твојата природа. Љубовта е сила и извор на сè. Љубовта е Самиот Живот. 2. Ти си творец на својата реалност, прифати ја одговорноста и научи се да го правиш тоа свесно, од Љубов, со Љубов и заради Љубов. Секому според неговата вера: во што веруваш, тоа и го добиваш. Избирај ја својата Вера свесно. Сите твои желби се веќе исполнети. Расчистувај со нив, а не со светот. Врховната Правда е пројавена во тоа што секој ги жнее плодовите на своето творение. 3. Откриј го својот талент, научи се да го цениш како Божествен Дар, покажи го пред светот, и со помош на својот талент умножувај ја Среќата – својата и на Целината. 4. Сè е совршено. И во сегашноста, и во минатото, и во иднината. Научи се тоа да го гледаш. 5. Сè се твори од сегашниот миг на Единственото Сега. Менувајќи ја својата внатрешна состојба, Ти се движиш по нивоата на реалноста во Петтата димензија (5D). На новите нивоа ти се отвора ново минато и нова иднина. Пушти ги сите цели, не држи се за плановите. Искачувај се по оваа скала нагоре. 6. Животот е вечен. Животот е даден за Наслада. Живеј така што Животот (Љубовта, Силата, Енергијата) да се зголемува, а не да се намалува.

7. Вистината е во тебе, Бог е во тебе, Царството Божјо е во тебе – пронајди го тоа. 8. Женското Начело е рамнозначно со Машкото, и произлегувајќи од Единиот Бог, треба да биде опеано како Сам Бог. Жената е Желба, Вакуум, Творечка Празнина, Лоно на Светот. Без Неа ништо не може да биде сотворено. Машкото Начело, Творецот, без Женското Начело останува само непројавен потенцијал. Љуби ја, цени ја и прославувај ја Големата Мајка! Почитувај ја Жената во себе. Независно од биолошкиот пол, откриј ги и соедини ги во себе Машкото и Женското Начело. 9. Планетата е Жива, и поседувајќи Свест, избра Вознесение – покачување на фреквенцијата на своето Битие, движејќи се нагоре по нивоата на реалноста во 5D (во Петтата димензија). Сообрази се со Мајката Планета. Љуби ја Мајката! Зборувај со Неа, дознај што сака Таа. 10. Човекот е Совршено Творение, Венец на Божјото Творение, способен да го собере во себе сето Создание, сите нивоа на реалноста целосно, Самиот Бог. Твоето тело и ум се само подготвителна основа, аватар за бог. Смислата и предназначението на човечкиот живот е обожение. Родениот во тело сè уште не е бог. Роди се како бог од Бога. Бог е Дух, и начинот на Божественото раѓање е Причест со Божествената Свест на Љубовта, вдишување на Нејзиниот Дух. 11. Христос е Патот, и Вистината, и Животот. Христовата Причест е почеток на Патот. Христос остварува внатрешно водство на патот на твоето обожение. Свеста на Христос води кон Свеста на Бога Отецот. Отецот води кон Божицата Мајка. Раѓајќи се како бог од Бога,

прифати го своето совршенство, зашто отсега Ти си бог и сакано Дете на Бога Отецот-Мајката, Един Дух во плот, во твојата уникатна човечка форма. 12. Раѓајќи се како бог од Бога, ти стануваш слободен. Никаков закон, освен Единиот Закон на Љубовта повеќе нема власт над тебе, кармата се затвора, зашто Љубовта е над кармата. Остани слободен. 13. Јавен е Бог. Семејството на боговите е веќе на Планетата, и богови се раѓаат во Неа секој ден. Царството Божјо се исполни, и од срце до срце се распространува Себеси по Планетата, и оние што применуваат напор Го приграбуваат во себе.