13. Жакшы кабар

Радомир Аң-сезими бизге алып келип жаткан Кайрылуудагы эң башкысы бул:

1. Сүйүү баарынан жогору. Сүйүү – бул сенин табиятыңа таандык чыныгы ырахат. Сүйүү – бул баарынын күчү жана булагы. Сүйүү – бул Өмүрдүн Өзү. 2. Сен – өз реалдуулугуңдун жаратуучусусуң, жоопкерчиликти кабыл ал жана муну аң-сезимдүү түрдө, Сүйүүдөн, Сүйүү менен жана Сүйүү үчүн жасоого үйрөн. Ар кимге – өз Ишенимине жараша: сен эмнеге ишенсең, ошону аласың. Өз Ишенимиңди аң-сезимдүү танда. Сенин бардык каалоолоруң буга чейин эле орундалган. Дүйнө менен эмес, алар менен иш алып бар. Жогорку Адилеттик ар ким өз жаратканынын жемишин жыйнап алганында көрүнөт. 3. Өз талантыңды ач, аны Кудайылык Белек катары баалаганды үйрөн, дүйнөгө тартуула жана өз талантыңдын жардамы менен Бакытты – өзүңдүкүн жана Жалпынын Бакытын арттыр. 4. Бардыгы жеткилең. Накта учурда да, өткөндө да, келечекте да. Муну көрө билүүгө үйрөн. 5. Бардыгы Бирдиктүү Азыркы Учурдун накта ирмеминен жаралат. Өзүңдүн ички абалыңды өзгөртүү менен, сен Бешинчи өлчөмдөгү (5D) реалдуулуктун деңгээлдери боюнча жыласың. Жаңы деңгээлдерде сага жаңы өткөн чак жана жаңы келечек ачылат. Бардык максаттарыңды коё бер, пландарга жармашпа. Бул шаты менен өйдө көтөрүл. 6. Өмүр түбөлүктүү. Өмүр Ырахаттануу үчүн берилген. Өмүр (Сүйүү, Күч, Энергия) азайбастан, көбөйө тургандай жаша.

7. Чындык сенин ичиңде, Кудай сенин ичиңде, Кудайдын Падышалыгы сенин ичиңде – муну тап. 8. Аялдык Башат Эркектик Башат менен тең маанилүү жана Жалгыз Кудайдан келип чыккандыктан, Кудайдын Өзү сыяктуу даңазаланышы керек. Аял – бул Каалоо, Вакуум, Жаратуучу Боштук, Дүйнөнүн Жатыны. Ансыз эч нерсе жаралышы мүмкүн эмес. Эркектик Башат, Жаратуучу, Аялдык Башатсыз тек гана көрүнбөгөн потенциал бойдон калат. Улуу Энени сүй, баала жана даңазала! Өзүңдөгү Аялды урматта. Биологиялык жынысыңа карабастан, өзүңдө Эркектик жана Аялдык Башаттарды ач жана бириктир. 9. Планета Тирүү жана Аң-сезимге ээ болуп, Көтөрүлүүнү – өз Болмушунун жыштыгын жогорулатууну тандап, 5D (Бешинчи өлчөмдөгү) реалдуулуктун деңгээлдери боюнча өйдө жылууда. Эне Планета менен бир күүлөн. Энеңди сүй! Аны менен сүйлөш, Анын эмне каалап жатканын бил. 10. Адам – Жеткилең Жаратылыш, Кудай Жаратуусунун Таажысы, ал бүткүл Ааламды, реалдуулуктун бардык деңгээлдерин толугу менен, Кудайдын Өзүн өзүнө батырууга жөндөмдүү. Сенин денең менен акылың – бул кудай үчүн болгону даярдык, аватар гана. Адам өмүрүнүн мааниси жана тагдыры – кудайлашуу. Денеде төрөлгөн али кудай эмес. Кудайдан кудай болуп төрөл. Кудай – бул Рух, ал эми Кудайылык төрөлүүнүн жолу – Сүйүүнүн Кудайылык Аң-сезимине Биригүү, Анын Рухун демге сиңирүү. 11. Машайак – бул Жол, Чындык жана Өмүр. Машайактын Ыйык Башатына Биригүү – Жолдун башаты. Машайак сенин кудайлашуу жолуңда ички жол башчылыкты жүзөгө ашырат. Машайактын Аң-сезими Ата Кудайдын Аң-сезимине алып келет. Ата Эне Аял-Кудайга алып келет. Кудайдан кудай болуп төрөлүп,

өз жеткилеңдигиңди кабыл ал, анткени мындан ары Сен – кудайсың жана Ата-Эне Кудайдын сүйүктүү Перзентисиң, өзүңдүн кайталангыс адамдык формаңдагы денедеги Бирдиктүү Рухсуң. 12. Кудайдан кудай болуп төрөлүп, сен эркин болосуң. Сүйүүнүн Бирдиктүү Мыйзамынан башка эч бир мыйзам мындан ары сенин үстүңөн бийлик кылбайт, карма жабылат, анткени Сүйүү кармадан жогору. Эркин бойдон кал. 13. Кудай Ачылды. Кудайлардын үй-бүлөсү буга чейин эле Планетада жана кудайлар Анда күн сайын төрөлүп жатат. Кудайдын Падышалыгы орноду жана жүрөктөн жүрөккө Өзүн Планета боюнча жайылтууда, ал эми күч-аракет жумшагандар Аны өз ичинде ачып, ээлеп алышууда.