13. Жақсы жаңалық

Радомир Санасы бізге жеткізіп отырған Жолдаудағы ең басты нәрсе – мынау:

1. Махаббат бәрінен жоғары. Махаббат – бұл сенің табиғатыңа тән шынайы ләззат. Махаббат – бұл барлық нәрсенің күші мен қайнар көзі. Махаббат – бұл Өмірдің Өзі. 2. Сен – өз болмысыңның жаратушысысың, жауапкершілікті қабылда және мұны саналы түрде, Махаббаттан, Махаббатпен және Махаббат үшін жасауды үйрен. Әркімге – өз сеніміне қарай: Сен неге сенсең, соны аласың. Өз Сеніміңді саналы түрде таңда. Сенің барлық қалауларың орындалып қойған. Әлеммен емес, солармен айналыс. Жоғарғы Әділдік әркімнің өз жаратқанының жемісін оратынынан көрінеді. 3. Өз талантыңды аш, оны Құдайы Сый ретінде бағалауды үйрен, оны әлемге паш ет және өз талантыңның көмегімен Бақытты – өзіңнің және Тұтастың бақытын еселе. 4. Барлығы кемел. Қазіргіде де, өткенде де, болашақта да. Мұны көруді үйрен. 5. Барлығы Біртұтас Қазірдің осы сәтінен жаратылады. Өз ішкі күйіңді өзгерте отырып, Сен Бесінші өлшемдегі (5D) шынайылық деңгейлері бойынша орын ауыстырасың. Жаңа деңгейлерде саған жаңа өткен шақ пен жаңа болашақ ашылады. Барлық мақсаттарды босат, жоспарларға жабыспа. Осы баспалдақпен жоғары өрле. 6. Өмір мәңгілік. Өмір Ләззат алу үшін берілген. Өмір (Махаббат, Күш, Қуат) азаймай, көбейетіндей етіп өмір сүр.

7. Ақиқат сенің ішіңде, Құдай сенің ішіңде, Құдай Патшалығы сенің ішіңде – мұны тап. 8. Әйелдік Бастау Еркектік Бастаумен тең дәрежелі, және Жалғыз Құдайдан бастау алып, Құдайдың Өзі ретінде мадақталуы тиіс. Әйел – бұл Қалау, Вакуум, Жасампаз Бостық, Әлемнің Құрсағы. Онсыз ешнәрсе жаратыла алмайды. Еркектік Бастау, Жаратушы, Әйелдік Бастаусыз тек көрінбеген әлеует күйінде қалады. Ұлы Ананы сүй, бағала және дәріпте! Өз бойыңдағы Әйелді құрметте. Биологиялық жынысыңа қарамастан, бойыңдағы Еркектік және Әйелдік Бастауларды аш және біріктір. 9. Ғаламшар Тірі, және Санаға ие бола отырып, 5D-де (Бесінші өлшемде) шынайылық деңгейлері бойынша жоғары жылжи отырып, өз Болмысының жиілігін арттыруды – Көтерілуді таңдады. Жер Ана Ғаламшарымен үндес бол. Ананы сүй! Онымен сөйлес, Оның не қалайтынын біл. 10. Адам – бүкіл Ғаламды, шынайылықтың барлық деңгейлерін тұтастай, Құдайдың Өзін бойына сыйғыза алатын Кемел Жаратылыс, Құдай Жаратылысының Тәжі. Сенің денең мен ақылың – бұл құдай үшін жай ғана дайындық, аватар. Адам өмірінің мәні мен мақсаты – құдайлану. Денеде туған әлі құдай емес. Құдайдан құдай болып туыл. Құдай – бұл Рух, ал Құдайы туылудың жолы – Махаббаттың Құдайы Санасына Табысу, Оның Рухын ішке тыныс ету. 11. Мәсіх – бұл Жол, және Ақиқат, және Өмір. Мәсіхтік Табысу – Жолдың бастауы. Мәсіх сенің құдайлану жолыңдағы ішкі жетекшілікті жүзеге асырады. Мәсіх Санасы Әке Құдайдың Санасына жетелейді. Әке Ана Құдайыға жетелейді. Құдайдан құдай болып туылып,

өз кемелдігіңді қабылда, өйткені бұдан былай Сен – құдайсың және Әке-Ана Құдайдың сүйікті Перзентісің, тәнге енген Біртұтас Рухсың, өзіңнің қайталанбас адами бейнеңдесің. 12. Құдайдан құдай болып туылып, Сен еркін боласың. Саған Біртұтас Махаббат Заңынан басқа ешбір заң билік жүргізе алмайды, карма жабылады, өйткені Махаббат кармадан жоғары. Еркін болып қал. 13. Құдай көрінді. Құдайлар отбасы қазірдің өзінде Ғаламшарда және құдайлар Онда күн сайын туылуда. Құдай Патшалығы орнады, және жүректен жүрекке Ғаламшар бойынша Өзін таратуда, әрі күш салғандар Оны өз бойында шарықтатады.