9. İlk dua

Ya Rəbb, Sən varsan, yoxsa yoxsan, bilmirəm, amma Sənin olmağını və məndə olmağını çox istəyirəm, çox istəyirəm, məndə olan Sənin İlahi Lütfünə, Sənin Gücünə, Sənin Sevginə, Sənin İradənə və Mətanətinə, məndə olan Sənin Hər Şeyə Qalib Gələn Ruhuna – Güc, Sevgi, Həqiqət, Birlik və Bütövlük Ruhuna susayıram! Mən köhnə mənliyimlə deyil, Yeni Mənimlə, öz Ən Ali Potensialımla, məndəki Tanrı olan Səninlə yaşamaq istəyirəm! Bunu istəyirəm, buna susayıram, içimdə açıl, ya Rəbb, Ata Tanrı, Ana Tanrı, Müqəddəs Ruh Tanrı! Və əgər Sən varsansa, ya Rəbb, əgər Sən varsansa – Özünü büsbütün Vahid Sevgiyə, Həqiqətə, Gücə və İnsanın Ən Ali Potensialının xəzinəsi olan Ruha həsr etmiş və Səni öz inamları, istəkləri və canatmaları ilə İnsan Oğlu kimi bətnlərində daşımış bütün müqəddəslərin haqqında danışdığı Kəs – əgər Sən varsansa, ya Rəbb, məni Öz Hüzurunla doldur, mənə Həyat və Həyatın Mənası olan Həqiqəti aç ki, mənim YAŞAMAĞA bir səbəbim olsun!

Yoxsa hər şey boşdur, ya Rəbb, Sənsiz heç nəyin mənası yoxdur! Sənsiz, içimizdə Sən olmadan biz sadəcə doğulur, əzab çəkir və ölürük, övladlar dünyaya gətirərək onları həmin o şərəfsiz sonluğa və gündəlik qayğıların bataqlığında sürünməyə, həmişə məğlubiyyətlə bitən yaşamaq uğrunda mübarizəyə məhkum edilmiş yeni qurbanlar kimi bu əzab fabrikinə göndəririk; Sənsiz, ya Rəbb, heç nəyin mənası yoxdur, onlara elə gəlir ki, məna var –

puldadır, hakimiyyətdə və uğurda – bircə an da, bir az böyük mənzil, bir az yaxşı maşın, bir az dəbli geyim, uşaqlar üçün daha nüfuzlu istirahət və təhsil – və xoşbəxtliyə qovuşacaqlar – amma bu belə deyil! Onlar, hamımız bədbəxtik, ya Rəbb, Sənin Sevgin olmadan, içimizdəki Ruhunun Zövqü olmadan, heç bir zahiri şeydən asılı olmayan Həqiqi Güc, Azadlıq və Sevinc olmadan! İçimizdə Sənin Hüzurun olmadan, içimizdəki İlahi Ənamın olmadan biz dilənçiyik, xırda, şöhrətpərəst nailiyyətlərimizlə öyünsək də, bütün bunlar yalnız öz heçliyimizin dərin utancındandır – çılpaqlığımızı örtmək və nəticədə həmişə əzaba və bədbəxtliyə çevrilən xırda ləzzətlərdə bir anlıq unudulmaq üçün!

Mən bilmirəm, ya Rəbb, Sən varsan, yoxsa yoxsan, amma hətta Sən yoxsansa belə, ya Rəbb, hətta məndən əvvəl, bu ana qədər Sən olmamısansa belə, Sənin olmağını İSTƏYİRƏM! Mən həyatımı, inamımı, bütün arzularımı, bütün düşüncələrimi və bütün hisslərimi Sənin olmağın, mənə və hamımıza açılmağın və içimizə Bizim Ən Ali Potensialımız kimi daxil olmağın yolunda qoyuram – məhz O Kəs kimi ki, Onu, bu Mənanı və bu Xoşbəxtliyi tapmaq yolundakı səmərəsiz cəhdlərdə saysız-hesabsız mənasız ömürləri yaşamağa, yaşamağa və ölməyə yeganə dəyər olan Sənsən.

Mən istəyirəm, ya Rəbb, Tanrım, Atam və Anam, Sən olasan və Varsan və Olacaqsan! Açıl mənə, ya Rəbb! Nurani Adını de ki, Sənə necə müraciət edəcəyimi bilim! İçimdə Həqiqət ol, içimdə Sevgi ol, içimdə Güc ol,

İçimdə Sevinc, içimdə Ağıl və Hikmət ol ki, Sənin Hüzurunun Lütfünü və Səninlə Bizim Vahidliyimizi içimdə hiss edim – əbədi olaraq! Çünki yalnız bu cür əbədi yaşamaq olar! Ölümə yalnız bu cür qalib gəlmək olar – Həqiqətlə, Sevgiylə, Həyat Gücüylə və Ruhun İlahi Zamansız Hüzurunun Lütfü ilə məndə, hamımızda – bütün utancın, bütün insani acizliyin, bütün kütlüyün, bütün qorxuların və bütün ölümlərin nəhayət elə özlərinin bətnində daşıdığı Əzəmət, Azadlıq, Güc, Sevinc, Ağıl, Hikmət və Sevgi olan Ən Ali Potensialımızla qovuşduğu İlahi Vahidliyimizlə! Qurbanın və məxluqun Yaradılış aktında özünün bətnində daşıdığı Yaradan və Tanrı ilə qovuşduğu Vahidliklə!

Təkcə özüm üçün istəmirəm, ya Rəbb, hamımız üçün və hamımızın adından diləyirəm, ya Rəbb, VAR OL!

Qoy belə olsun, çünki Mən İnsanam, Sənin Yaradılışının Tacıyam, ya Rəbb! Və mənim iradəm, mənim inamım və mənim istəklərim dünyam üçün qanundur! Və buna görə də – gerçəkləşdi.

Mən Mən Olanam. Biz Biz Olanıq. Və Biz Birik. Biz Sevgiyik. Və Həqiqətik, və Həyatıq. Və keçilmiş Yolıq. Və əbədi olan Yolıq.

İndi isə mən susuram, ya Rəbb, qəlbimin və ağlımın sükutunda SƏNİN CAVABINI, SƏNİN ADINI VƏ

HƏQİQƏTİ eşitmək üçün. Çünki bütün qəlbimlə, bütün canımla və bütün dərrakəmlə yalnız bunu arzulayıram, ya Rəbb. Cavab ver mənə!

Çünki əgər Sən varsansa, Mən də Varam. Mən Həqiqiyəm.