8. Ойлар

Ой – бұл ғимараттың шатыры – және біздің тұтас Санамыздың Сәулет өнерінің шыңы. Ой арқылы біз өзіміздің шынайы болмысымызда орын алып жатқан барлық нәрсенің Себебін өзімізден ұғына аламыз, мұны ұғыну үшін өзіміздің жоғарғы, Құдайы қырларымызға көмек сұрап жүгінеміз, талдай аламыз және қажет болған жағдайда түзей аламыз, сезінуді саралап, күшейте аламыз, Махаббат ағынын іске қосып, «ішімізде бар» Құдай Патшалығының ішкі күйін жарата аламыз, Тірі Ақиқатқа бет бұрып, Оның алғысқа толы арнасы мен ортақ жаратушысы бола аламыз, Тірі Сөзді әлемге паш етудің Жоғары Ләззатын бастан кеше аламыз. Ой арқылы біз түбінде сенімдеріміз бен нанымдарымызды, қабылдау үлгімізді және бүкіл өмірімізді түбегейлі өзгертетін кішігірім өзгерістер мен елеусіз оқиғалардың тізбегін іске қоса аламыз. Ой арқылы біз бір-біріне қайшы келетін қалауларымызды анықтап, оларды өзара үйлестіре аламыз – барлық шортан мен шаяндарды аққулармен достастыра отырып. Ойдың көмегімен біз өз дамуымыздың бағытын таңдап, тағдыршешті шешімдер қабылдаймыз. Ой арқылы біз өз эмоцияларымыз бен өз күйзелістерімізді, өз күйлеріміз бен өзіміздің сыртқы шындығымызды билеп-төстеп, оқиғалар ағысын өзімізге қажетті арнаға бұрамыз. Ойдың көмегімен біз өз дарындарымызды іздеп, ашамыз, өзіміздің Құдайы сыйларымызды талап етіп, ұғынып, әлемге ұсынамыз, өз қарым-қатынасымызды ұйымдастырып, басқа да ортақ жаратушылармен өзара әрекеттесеміз, Өзімізді жауһар ретінде жарата отырып, олардың да жүзеге асуына жәрдемдесеміз және бірлесе отырып ортақ ұжымдық болмысымызды, ортақ Жұмағымызды жаратамыз.

Бірақ мұның бәрі – егер біз өзімізді «объективті шындықпен» күресушілер (яғни, оның құрбандары) емес, жаратушылар ретінде ұғынсақ қана мүмкін. Әйтпесе, біздің ойларымыз қорқыныштарды, күмәндарды, өзіне сенімсіздікті, аман қалу үшін күрес пен нәтижесіз бәсекелестіктің ой-пішіндерін қолдайтын бейсаналық «ой диірменіне» айналады (және әдепкі күйінде соған қайта оралады). Ұғынып көрші, біз мұнда «ой материалды», сондықтан «жақсы ойла» деген жайлы айтып жатқан жоқпыз. Сенің ойларың, сенің ойлау үлгің – бұл төменгі қабаттардың: сенімнің, қалаулардың және үйреншікті сезімдердің жұмысының салдары. Сондықтан, ойлау үлгіңді өзгерткің келсе – сенімнің іргетасынан бастап, алдымен санаңның төменгі қабаттарын реттеуге тура келеді.

«Жағымды ойлау тек жағымды ойлайтындарда ғана жұмыс істейді. Өзіңнің бейсаналық (ұғынылмаған) нанымдарыңды, сенімдеріңді, қалауларың мен сезім үлгілеріңді реттемейінше, оны өзгерту мүмкін емес».

Сондықтан да дәл саналылық, яғни өз санасының ішкі мазмұнын (сенімдерін, қалауларын, сезімдерін) өзінің материалдық шындығының айнасы және өз күйлері мен олардың шынайы себептерін рефлексиялау (санада сәулелендіру) арқылы сыни тұрғыдан пайымдау – орын алып жатқан барлық нәрсенің себебін өзінен, өз санасынан іздеп, мойындайтын дәл осы саналылық қана біздің ойлау сипатымызды өзгертуге және

Парасатты Адам әрі Жаратылыстың Тәжі ретіндегі мәртебемізді растауға қабілетті.

Саналы ойлауға, назарымыздың фокусын үнемі басты нәрсеге қайтарып отыратын ақыл тәртібіне көшу, ақылды ішкі шындықты – уақыттың әрбір сәтіндегі өз күйлері мен сезімдерінің шындығын, тәуелділіктер мен ішкі еріксіздікті, өзін билей алмауды, түйсіктер мен қорқыныштарға және бейсаналық бүлдіргі қалауларға тәуелділікті – аса жағымды болмаса да, бойымызда терең өзгерістер үдерісін бастауға қабілетті жалғыз шындықты ұғынуға бағыттау – осы шындықтан табиғи түрде туындайтын тәубеге келумен және жаңа, ендігі саналы қалаулардың тууымен – және осының бәрінен дәл солай табиғи түрде туындайтын саналы Сенім таңдауы, ал одан әрі – Жаратушы Санасы мен Махаббат Технологиясының үнемі кеңейіп отыратын дағдылары мен құралдарының арсеналын қалыптастыру: ішкі қайшылықтарды үйлестіру, сезіну үлгілерін қайта құру, сана гигиенасы, көру нүктесін саналы таңдау, Жаратушының еркін білдіру, сөзбен күй жарату, Сананың Жоғары формаларымен: Рухпен, Ұлы ұстаздармен, Мәсіх Санасымен, Әке-Құдаймен және Құдай-Анамен ішкі сұхбат құру; қандай да бір мән-жайлардың шынайы себептерін ұғыну, саналы басқарушы шешімдер қабылдау, болмыстан келетін кері байланысты талдау, ерікті түзету, бейсаналық, соның ішінде ата-тек бағдарламаларын сауықтыру және түзету, шындықты қайта жарату, ортақ жаратушыларды шақыру және басқа да

жаратушылармен ортақ құндылықтар негізінде шығармашылық одақтар мен бірлестіктер құру, өзінің Құдайы ойынын таңдау және оны іске қосу, Біртұтас Құдайдың Ұлы Ойынына тартылу және т.б. – міне, осылар бізді Ең Жоғарғы Әлеуетімізге – адамның шынайы құдайлануына, Жаратушы-Адам болып қалыптасуына ашады.

Әрі қарай оқымас бұрын, кідіре тұр – талдап көрші: сенің ойлау сипатың қандай? Ол қаншалықты саналы, ал қаншалықты ұғынылмайтын «ой диірменіне», «ақыл мылжыңына» бой алдырған?

Ал қалай екен? Өз ақылыңа билікті Өзіңе қайтарып алғың келді ме? Бұған деген өз еркіңді білдір. Және тәжірибе жасауды баста – назарыңның фокусын сезімдерде ұстау, Сенімді саналы түрде таңдау, сана гигиенасы, Жаратушы Жауапкершілігін Өзіңе қайтару, сөзбен саналы түрде күй жарату, шынайы мінәжат ету және Құдаймен ішкі сұхбат (бұл құралдарды қолдану мысалдарын осы Нұсқаулықтың соңынан табасың).

Міне, сонда Сен ақыл тәртібіне ие болып, назар фокусын сезімдерде ұстауды үйренген кезде (әйтпесе Сен Махаббатты, Бақытты, Ақиқатты – олардың шынымен де Махаббат, Бақыт және Ақиқат екенін қалай танып-білесің?!), Сен шындықты, сезімдерге керең екеніңді, Махаббатты да, Қуанышты да, әсіресе Құдайдың Рақымын да білмейтініңді, керісінше, бағдарламаланған реакцияларға – қорқынышқа, кінәға, өкпе-ренішке, күмән мен күреске толы екеніңдей жағымсыз шындықты ашқан кезіңде – сол кезде бойыңда өзіңдегі осы көне адамнан,

ішіңдегі құрбан-адамнан және оның болмашы құмарлықтары мен дүниелік нәпсілерінен азат болу, әрі Шынайы Ләззатты – Шартсыз Махаббаттың, Ақиқаттың және сенің шынайы дарыныңда, Құдай Сыйінде ашылатын Құдайы Рақымның Ләззатын танып-білу қалауы пайда болады, ал ол сый сен арқылы айналаңдағыларға, жақындар мен алыстарға Махаббат, Тылсым Даналық, Байлық болып құйылатын болады.

Және жарыққа айналу үшін осы ішкі түнектен арылудың сансыз нәтижесіз әрекеттерінен кейін, Сен, ақырында, Құдайдың болғанын қалайсың.

Сен Құдайдың болғанын қалайсың. Ол объективті түрде бар болғандықтан емес. Жоқ. Құдай – бұл да басқа барлық нәрселер сияқты сенім мен қалаудың жемісі, бірақ Сен Құдайдың болғанын қалайсың, әрі мұны соншалықты қатты қалайсың, себебі өзің туралы осы шындықтан, өз бейшаралығыңнан, өзіңді билей алмауыңнан жаның соншалықты қиналады… Сен осы Рақымның, осы Жоғары Шындықтың, осы Ақиқаттың, Құдайдың Өзі болып табылатын осы Махаббаттың Сенің ішіңде ашылуын және ішіңде нағыз жарықпен, «Түнекте жарқыраған және түнек оны баса алмаған Жарықпен» сәуле шашуын қалайсың.

Сен Ақиқатты қалайсың, сонда Ақиқат Сенде (Сенің ішіңде) ашылады. Сен (кімге екенін білмей, бос кеңістікке) – бірақ алғаш рет шын жүректен, жалынмен, ашық жүрекпен және нысанаға бағытталған ақылмен жалбарынасың: