20. Причест со Свеста Христова и Богородица

Оче мој и Господи наш Исусе Христе, прими ме како Твоја честичка. Причести ме со Својата Жива Божествена Свест. Наполни ме со Љубов, Сила, Присуство на Својот Дух, Духот Свет, Духот Еден.

Научи ме да љубам, Господи. Научи ме да Те љубам Тебе, себеси, и сите ближни и далечни со Твојата Љубов, Оче наш. Отвори го во мене Внатрешниот Извор на Вечниот Живот, на Неисцрпната Љубов, и нека овој Проток на Љубов, на Живот – тече низ мене вечно, излевајќи се врз оние околу мене со внимание, грижа, пројавување на талентите, благодат и благослови, Господи!

Исчисти ги, Господи, мојата душа и мојот разум и моето тело од секаква скверна и грев. Врати ми ги, Господи, мојата душа и мојата волја и мојата животна сила од сите залози, заложувања, договори што сум ги склучил несвесно или свесно, поради моето недомислие, со какви било суштества, суштености, луѓе, егорегори и хиерархии. Направи ме, Господи, повторно слободен и чист пред Тебе, за да можам да ја примам Твојата Љубов во сета нејзина полнота и да ја чувствувам со сето срце, со сета душа и да ја восприемам со сеот свој разум.

Исцели ги, Господи, сите мои стравови и сите мои страдања – помогни ми да ги променам своите верувања и убедувања, и желби, и чувства, и начинот на размислување и на самиот мој живот, доведувајќи ги во склад со Протокот на Животот во мене, со Протокот на Вистинската Љубов.

Научи ме, Господи, да живеам така што Животот во мене и околу мене да се умножува, а не да се намалува.

Отвори ми ја, Господи, вистинската смисла на мојот живот и моето Божествено предодредување.

Дарувај ми го, Господи, мојот талент, отвори го Твојот Божествен дар во мене. Научи ме да го ценам и отворено, без срам и стегање да го пројавувам во светот, збогатувајќи ја со неговото пројавување мојата реалност и луѓето околу мене, умножувајќи ја Љубовта и зголемувајќи го Животот.

Научи ме, Господи, да пројавувам Љубов и да ја пренесувам Силата на Твојата Вера преку благослов на другите луѓе.

Научи ме да ги будам залутаните души, враќајќи ги кон Свеста на Создателот и кон нивната вистинска Природа, која е Сила, Љубов, Радост, Вистина, Наслада, Стравопочит.

Научи ме, Господи, да Ти бидам пријател, љубен брат, сестра.

Верувам, Господи, дека ме прифаќаш не заради власт над мене и мое поклонение, туку заради Твојата Љубов кон мене и Твојата Милост, за да ме направиш, откако ќе ме причестиш со Твојата Божествена Свест, бог во мојата уникатна човечка форма, да ме научиш да бидам свесен творец на својата реалност и сотворец на Нашата Една Многудимензионална реалност.

Господи, поведи ме по патот на обожувањето и стекнувањето светост со темпо соодветно за мене. Отвори го во мене, Господи, Царството Божјо, реалноста на Вечниот Живот, реалноста на Единството со Мајката Планета и Мајката Богородица. Соедини ме, Господи, со Нашиот Еден Отец, Изворот на Животот во мене.

Води ме, Господи, по мојот Пат. Го прифаќам својот уникатен Пат од Тебе.

Во ова е изразена мојата слободна волја. И нека биде така по мојата и Твојата волја, Господи, зашто Ние Сме Едно. Ние Сме Тоа, Кое Што Сме. Ние Сме Љубов.

А сите мои стравови, сомнежи, неверие, отпор на умот, сите шаблони на лукавиот ум Му ги предавам на исцелување Тебе, Господи.

Јас го избирам Животот! Јас ја избирам Љубовта како Највисока Наслада, својствена за мојата богочовечка природа!

И Ти благодарам, Господи, за тоа што ова е веќе исполнето. Слава Ти!

Мајко Богородице, прими ме како Свое Божествено Дете, ослободи ме од сите врски и окови на неверието заради вистинската среќа да бидам јас, да бидам бог во тело во мојата уникатна човечка форма, благослови ме, Мајко Богородице, за вера во Нашиот Господ Исус Христос, за вера во Едниот Бог Отец и вера во себеси како бог и љубено дете на Бога, благослови ме за Љубов и радосен Вечен Живот, помогни го моето раѓање како бог и цар на својата реалност. Ти благодарам, Мајко, за тоа што ова е веќе исполнето! Слава Ти!

Пракса на фокусирање на вниманието врз чувствата

Господи, научи ме да го чувствувам Животот, а не да знам за него. Научи ме да живеам со отворено срце, научи ме да им верувам на своите чувства и на импулсите на мојата Душа. Господи, врати ми ја мојата Душа, исчисти ја, научи ме да ги слушам желбите на мојата Душа и да ги следам, научи ме со сето свое внимание да бидам во чувствата, да ги ценам сите мои чувства и да ја избирам Љубовта над сè.

1. Набљудувај го дишењето. 2. Што чувствуваш во телото сега? Какви сензации? Именувај ги. Набљудувај што се случува со овие сензации во твоето внимание, во твоето набљудување? 3. Со мисловниот поглед концентрирај се во својот Срцев Центар. Што чувствуваш? Како се викаат тие чувства? Што се случува кога ги набљудуваш своите чувства?

На секои 15-30 минути (со тајмер) постави си го прашањето: што чувствувам сега? И запишувај ги одговорите. Ако не го знаеш името на чувствата, моли Го Христа да ти помогне – Господи, како се вика ова чувство во мене?

Одново и одново враќај се со вниманието во набљудување на дишењето, сензациите на Телото, чувствата на Душата.

Ако се појават блокади, грчеви, болка и непријатни чувства, предај му ги на Христос за исцелување и побарај да го освестиш сè она што треба да го освестиш.

Ние избираме вера во Совршенството на сè што сега се случува во Нас и околу Нас. Ние избираме вера во Совршенството на сите наши искуства и избори. Ние избираме вера во Апсолутната Безусловна Вечна Љубов, која стои зад сето ова и се открива во Нас токму сега.

Ние избираме вера во Живиот Бог во тело, во нашиот Господ Исус Христос и Нашата припадност кон Живиот Бог, Нашето Единство со Него, нашето уникатно и неповторливо сотворештво со Него.

Ние избираме вера во Мајката Богородица, вера во Живата Свест на Планетата, во Великата Една Божица Мајка и Нашето единство со Неа.

Ние избираме вера во Едниот Дух, Едната Совршена Самодоволна Вонвременска Божествена Свест, пројавена во Нашата уникатна човечка форма.

Ние избираме вера во Царството Божјо, кое веќе се исполни во срцето и свеста на секој човек и токму сега го проширува своето присуство.

Ги пресекуваме сите енергетски канали, врски, приврзоци, импланти што се протегаат од Нас кон какви било други суштества, суштености, луѓе, егорегори, места, нешта, настани, фантазии, слики, илузии; Ја побаруваме и ја враќаме сета Наша Сила и сето Наше Внимание. Господе Наш Исусе Христе, помогни Ни отсега натаму свесно да располагаме со Нашето внимание и капацитетот на Нашата Свест, научи Нè да бидеме свесни Творци на Нашата Реалност. Ти благодариме што ова е веќе остварено на најдобар можен начин за секоја душа и за Едната Душа во Целина.

Ја побаруваме, си ја враќаме Нашата Одговорност на Творец: Одговорноста за Нашата Состојба, за Нашата Целосност, за Нашата Љубов кон Бога, Себеси и Еден кон Друг. Господи, помогни ни да видиме и да освестиме што навистина сакаме со сето Срце, со сета Душа и со сеот Наш Разум, и како да го создадеме тоа на нов начин, како да го пројавиме во Согласност со протокот на Животот и нашиот избор на Апсолутна Безусловна Вечна Љубов и Стравопочит пред Едниот Бог?

Благодариме за тоа што ова е веќе исполнето.

И Ние ја изјавуваме нашата волја: Ја враќаме својата Слободна Волја, својата способност да избираме што да чувствуваме и што да создаваме, Ни ја враќаме Нашата Душа, сите честички на Нашата Душа – од сите долгови, залози, заложувања, договори, обврски, јавни и тајни, свесно или несвесно склучени од Нас, во ова воплотување или во кое било друго, во сите времиња, на сите нивоа на Реалноста – сè Наше побаруваме и си враќаме Себеси, Нам, а сè што не Ни припаѓа, со благодарност го враќаме назад – на нивните сопственици, на нивните извори, сметајќи ги сите обврски за исполнети, зашто токму тие Нè доведоа до Апсолутната Безусловна Вечна Љубов и Свеста на Создателот, им благодариме на сите учесници за Нашето заедничко искуство, отсега натаму никого не храниме со својата животна сила и од никого, преку ништо не се храниме. Се исполнуваме директно од Нашиот внатрешен извор како проекција и продолжение на Нашиот Еден Извор на Живот во Нашето Срце и на сите останати им даваме слобода да се сетат на своето божествено потекло од Нашиот Еден Извор на Живот, да го отворат во себе внатрешниот извор како Негова проекција и продолжение и, исполнувајќи се со Љубов, да Ја пројавуваат на свој уникатен начин во составот на Едното Цело преку Нашите таленти и внимание.

И во Духот Наш Еден Ние го обновуваме Нашето Единство и Целосност на ново ниво на Целосност, на ново ниво на Љубов.

Си ја враќаме одговорноста за својата Состојба; Си ја враќаме одговорноста за својот Живот; Си ја враќаме одговорноста за својата Реалност; Си ја враќаме одговорноста за својата Мисија во Големата Игра.

Со силата што Ни е дадена од Изворот, со Нашата волја, ги отвораме Срцата Наши за Љубов и во Срцата Наши го откриваме Вечниот Бескраен Извор на Живот и Нашата нераскинлива врска со него.

Се исполнуваме со Божествена Љубов од внатрешниот извор во Нашето Срце, како проекција и продолжение на Нашиот Еден Извор на Живот во Нас.

Фреквенцијата на Нашите вибрации се зголемува, и Љубовта во бранови од Светлина се разлева низ Нашите Тела и Нашите Души, исполнувајќи ја секоја Наша честичка, секоја клетка од Телото, секој неврон на Свеста.

Душите наши се прочистуваат и Ни се враќаат во полн обем, Телата Наши стануваат лесни и бестежински,

Свеста Наша се разбиструва и Ние се сеќаваме на Нашето Божествено потекло од Нашиот Еден Извор на Живот.

Длабоко вдишуваме и се исполнуваме со Духот Наш Еден, Духот Божји, Духот на Вистината, и Духот Наш Еден во Нас ја обновува Нашата Целосност со сите Наши, вклучително и повторно вратените Нам, честички, и Единството со сè што Постои, со сè што било, е и ќе биде.

Нашата надворешна форма доаѓа во склад со Нашата Божествена Суштина, и Ние се будиме за Вечниот Живот со темпо соодветно за Нас.

Силата на Божествената Љубов ја исполнува Нашата Свест, обновувајќи го Единството на Телото, Душата и Духот, Единството на разумот, чувствата и желбите.

Нашиот ум станува чист, јасен, сеопфатен и се возвишува до нивото на Свеста на Едниот Дух.

Нашите мисли се насочуваат кон Нашата Божествена Суштина, Нашата уникатна внатрешна Вистина.

Нашите Желби произлегуваат од желбата на Нашите Души да чувствуваат Единство со Живиот Бог, Љубов кон Него и Стравопочит пред Него, пред Неговата и Нашата Возвишеност во Човекот, како Венец на Божественото Создавање.

Ние освестивме дека Нашите Чувства се спакувано знаење за минатото, иднината и сите паралелни реалности, Највисок Потенцијал на сите искуства доживеани од Едниот Бог во Вечноста, Наш Највисок Потенцијал даруван Нам по Милост и Благодат.

Ги спознаваме Нашите Желби, Нашите Чувства, Нашите Верувања и Нашиот уникатен начин да бидеме среќни, Нашиот неповторлив Начин да Бидеме Себеси.

Ја прекинуваме сета внатрешна и надворешна борба. Доаѓаме во Согласност со Изворот, со Бога, во Нас и со надворешната реалност, како со Наше Создание.

Никого не учиме и никого во ништо не разобличуваме. Го прифаќаме Нашиот Свет и Еден со Друг такви какви што Сме, како Наше созданија, како директен и јасен израз на состојбата на Нашата Свест.

Верата во објективноста и одвоеноста, стравовите, гневот, срамот, гордоста и сè што веќе не нè радува, Му ги предаваме на исцелување на Отецот и на Нашиот Господ Исус Христос, сеќавајќи се на она што нè прави вистински среќни, што Ни дава Сила на пројавување од полнотата на Божествената Љубов. И во Сотворештво со Едниот Бог Ние во секој миг го создаваме Нашиот Нов Среќен Свет.

Ние насочуваме Зраци на Љубов од Нашите исполнети Срца во Срцето на Мајката Планета, каде што откриваме Проекција и Продолжение на Нашиот Еден Извор, и Срцето на Мајката се отвора уште пошироко, се исполнува со Милост, Благодат, Љубов и Светлината на Љубовта на Едниот Бог ја исполнува целата Планета и сите нејзини жители! Ти благодариме, Љубена Мајко, за сите Дарови! Ти благодариме за Нашите Тела! Ти благодариме за Просторот за Најголемата Игра! Ти благодариме за Просторот на Рајот, којшто Ние заедно со Тебе и Отецот го создаваме токму сега!

Оче Наш, Кој Си на Небесата, а сега и на Земјата. Да се свети Името Твое, да пребива Царството Твое на Земјата, како и на Небото. Да биде Волјата Твоја во Нас. И веќе се исполни! Лебот Наш Насушен – Љубовта Наша, ни ја даваш за секој ден. Ти благодариме за тоа!

И ги очистуваш Душите Наши од секаква скверна и грев, за да ни се врати способноста да ја чувствуваме Љубовта и разновидноста на Нашето Битие.

И нè ослободуваш од сите долгови и обврски што Ние, по свое недомислие, сме ги презеле врз себе, како што и Ние им ги простуваме на нашите должници.

И, воведувајќи Нè во искушение, не нè оставаш без Твојата поддршка, одгледувајќи ја во Нас свесноста за секој Наш избор.

И нè избавуваш од лукавиот шаблон на перцепција, исполнувајќи го Нашиот разум со Твојата Божествена Премудрост, и со Живото Слово на Твојата Вистина во Нашиот Жив внатрешен дијалог, Оче! Ти благодариме за тоа!

Нека биде Силата Твоја и Богатството, и Премудроста, и Јакоста, и Славата, и Честа, и Благословот и Љубовта Твоја, и Царството Твое врз Нас и во Нас, и врз Нашите родови, и врз Народите и врз целата Планета! И врз сите Твои светови, Оче! И сега и секогаш и во вечни векови.

Нека биде така, зашто Ние Сме Оние, Кои Што Сме. Ние Сме Тоа, Што Сме. Ние Сме Едно. Ние Сме Љубов. Ние Сме Едниот Бог.

Подолу е наведен реален пример за Внатрешен Дијалог со Бога (на тема болест)

– Господи, што треба сега да освестим во врска со ова? – Освести дека ова не е единствената реалност, но ти токму неа ја создаваш сега. – Со што создавам токму таква реалност, Господи? – Со стравовите, несигурноста, неверието во себе, желбата за контрола, верата во опасноста и бесмисленоста на животот. – Како можам да создадам друга реалност, каде што сум здрава и среќна? – Посакај. Промени ги своите верувања и убедувања. – Господи, ја изјавувам својата волја: да се ослободам од сите стравови и неверие, исцели го ова во мене, Господи! Преобрази ја во мене желбата за контрола, доведи ја во склад со протокот на Животот во мене. Ја отпуштам верата во опасноста и бесмисленоста на животот. Избирам да верувам во совршенството на сè што се случува, во Љубовта и силата на Свеста на Создателот во мене. Амин. Господи, зацврсти ја мојата вера и отвори ми ја вистинската смисла на животот. Во што е таа? – Во Љубовта. – Научи ме да љубам, Господи. Што е потребно за тоа? – Засакај се себеси за почеток. – Како да се засакам себеси, Господи? – Љуби Ме Мене.

– Научи ме да Те љубам Тебе, Господи! – Ти веќе љубиш. Само не тргај го погледот од Љубовта. – Што уште треба да освестим, Господи, токму сега? – Те сакам. И секогаш сум со тебе. Никогаш не си сама. Јас сум секогаш во тебе. Ние сме – едно.

Солзи од среќа, очистување, ликување на душата, процесот на исцелување започна.

Поточно, на квантно ниво никакво исцелување не се случува. Човекот едноставно почнува да се движи во петтата димензија нагоре по нивоата на реалноста, каде што оваа болест (долгови, конфликти, непријатна ситуација) никогаш не постоела, или пак се менува натамошното сценарио на развој на настаните, и сè се одвива на совршен и најнепредвидлив и чудесен начин. Зашто неиспитливи се патиштата Господови!

Да потсетиме дека Внатрешниот Дијалог со Бога – не е разговор со сопствениот ум (многу брзо ќе се увериш дека умот не би можел да измисли такво нешто, а срцето со трепет одговара на вистинските одговори од Бога), и Внатрешниот Дијалог со Бога започнува со Христовото Причестување (Самопричестување со изјавување на волјата).

Внимание! Самопричестувањето не ја заменува тајната на Светата Причест во храмот, туку ја надополнува со секојдневно внатрешно молитвено усогласување за Внатрешен Дијалог со Христос.

За муслиманите, Внатрешниот Дијалог со Христос се гради преку обраќање кон Пророкот Иса. Во Куранот е речено дека во последните времиња пред Судниот Ден, Алах повторно ќе го испрати кај луѓето Пророкот Иса (Исус) во Неговото второ доаѓање, и Тој во текот на 40 години ќе ги подучува правоверните муслимани на ново знаење од Алах за да ги подготви за преминот во Новиот (рајски) свет.