20. ზიარება ქრისტესა და ღვთისმშობლის ცნობიერებასთან

მამაო ჩემო და უფალო ჩვენო იესო ქრისტე, მიმიღე როგორც შენი ნაწილი. მაზიარე შენს ცოცხალ ღვთიურ ცნობიერებას. ამავსე სიყვარულით, ძალით, შენი სულის, სულიწმიდის, ერთიანი სულის თანადასწრებით.

მასწავლე სიყვარული, უფალო. მასწავლე, რომ მიყვარდე შენ, მიყვარდეს საკუთარი თავი და ყველა ახლობელი თუ შორეული შენი სიყვარულით, მამაო ჩვენო. განმიხსენი შინაგანი წყარო მარადიული სიცოცხლისა, ამოუწურავი სიყვარულისა, და დაე, სიყვარულისა და სიცოცხლის ეს ნაკადი მარად იღვრებოდეს ჩემში, გადმოედინებოდეს გარშემომყოფებზე ყურადღებით, ზრუნვით, ტალანტების გამოვლენით, მადლითა და კურთხევებით, უფალო!

განმწმინდე, უფალო, სული ჩემი, გონება ჩემი და სხეული ჩემი ყოველგვარი სიბილწისა და ცოდვისგან. დამიბრუნე, უფალო, სული ჩემი, ნება ჩემი და ჩემი სასიცოცხლო ძალა ყოველივე გირაოდან, დაგირავებიდან, კონტრაქტებიდან, რომლებიც მე გაუცნობიერებლად თუ შეგნებულად, ჩემი უგუნურებით დავდე ნებისმიერ არსებებთან, სუბსტანციებთან, ადამიანებთან, ეგრეგორებთან და იერარქიებთან. კვლავ თავისუფალ და წმინდად მაქციე, უფალო, შენს წინაშე, რათა შევძლო შენი სიყვარულის მთელი სისრულით შეგრძნება და აღქმა მთელი გულით, მთელი სულით და მთელი ჩემი გონებით.

განკურნე, უფალო, ყოველი ჩემი შიში და ჩემი ტანჯვა – დამეხმარე შევცვალო ჩემი რწმენა, შეხედულებები, სურვილები, გრძნობები, აზროვნების წესი და თვით ჩემი ცხოვრება, მომიყვანე ისინი თანხმობაში ჩემში არსებულ სიცოცხლის ნაკადთან, ჭეშმარიტი სიყვარულის ნაკადთან.

მასწავლე, უფალო, ისე ცხოვრება, რომ სიცოცხლე ჩემში და ჩემ გარშემო იზრდებოდეს და არა მცირდებოდეს.

გამიმხილე, უფალო, ჩემი ცხოვრების ჭეშმარიტი აზრი და ჩემი ღვთიური დანიშნულება.

მიბოძე, უფალო, ჩემი ტალანტი, განმიხსენი შენი ღვთიური ნიჭი ჩემში. მასწავლე მისი დაფასება და სამყაროში ღიად, სირცხვილისა და მორიდების გარეშე გამოვლენა, რათა მისი გამოხატვით გავამდიდრო ჩემი რეალობა და ადამიანები ჩემ გარშემო, ვამრავლო სიყვარული და გავაღრმავო სიცოცხლე.

მასწავლე, უფალო, სიყვარულის გამოვლენა და შენი რწმენის ძალის გადაცემა კურთხევის მეშვეობით სხვა ადამიანებისთვის.

მასწავლე გზააბნეული სულების გამოღვიძება, მათი დაბრუნება შემოქმედის ცნობიერებასთან და მათ ჭეშმარიტ ბუნებასთან, რომელიც არის ძალა, სიყვარული, სიხარული, ჭეშმარიტება, ნეტარება, მოწიწება.

მასწავლე, უფალო, ვიყო შენი მეგობარი, მოსიყვარულე ძმა, და.

მწამს, უფალო, რომ მღებულობ არა ჩემზე ძალაუფლებისა და ჩემი თაყვანისცემის გამო, არამედ ჩემდამი შენი სიყვარულისა და შენი მოწყალების გამო, რათა შენი ღვთიური ცნობიერების ზიარებით მაქციო ღმერთად ჩემს უნიკალურ ადამიანურ ფორმაში, მასწავლო ვიყო ჩემი რეალობის შეგნებული შემოქმედი და ჩვენი ერთიანი მრავალსამყაროიანი რეალობის თანაშემოქმედი.

უფალო, გამატარე განღმრთობისა და სიწმინდის მოპოვების გზაზე ჩემთვის შესაფერის ტემპში. განმიხსენი ჩემში, უფალო, სასუფეველი ღვთისა, მარადიული სიცოცხლის რეალობა, დედა პლანეტასთან და დედა ღვთისმშობელთან ერთიანობის რეალობა. შემაერთე, უფალო, ჩვენს ერთიან მამასთან, ჩემში არსებულ სიცოცხლის წყაროსთან.

მიმმართე, უფალო, ჩემს გზაზე. მე ვიღებ ჩემს უნიკალურ გზას შენგან.

ამაშია გამოხატული ჩემი თავისუფალი ნება. და იყოს ასე ჩემი და შენი ნებით, უფალო, რამეთუ ჩვენ ვართ ერთი. ჩვენ ვართ ის, ვინც ვართ. ჩვენ ვართ სიყვარული.

ხოლო ყველა ჩემს შიშს, ეჭვს, ურწმუნოებას, გონების წინააღმდეგობას, ცბიერი გონების ყველა შაბლონს გადმოგცემ შენ განსაკურნებლად, უფალო.

მე ვირჩევ სიცოცხლეს! მე ვირჩევ სიყვარულს, როგორც უზენაეს ნეტარებას, რომელიც დამახასიათებელია ჩემი ღვთივკაცობრივი ბუნებისთვის!

და გმადლობ შენ, უფალო, იმისთვის, რომ ეს უკვე აღსრულდა. დიდება შენდა!

დედაო ღვთისმშობელო, მიმიღე როგორც შენი ღვთიური შვილი, გამათავისუფლე ურწმუნოების ყველა ბორკილისა და ჯაჭვისგან ჭეშმარიტი ბედნიერებისთვის – ვიყო მე, ვიყო ღმერთი ხორცში ჩემს უნიკალურ ადამიანურ ფორმაში, დამლოცე, დედაო ღვთისმშობელო, ჩვენი უფლის იესო ქრისტეს რწმენაზე, ერთიანი მამა ღმერთის რწმენაზე და საკუთარი თავის, როგორც ღმერთისა და ღვთის საყვარელი შვილის რწმენაზე, დამლოცე სიყვარულსა და მხიარულ მარადიულ სიცოცხლეზე, შემეწიე ჩემი რეალობის ღმერთად და მეფედ შობაში. გმადლობ შენ, დედაო, იმისთვის, რომ ეს უკვე აღსრულდა! დიდება შენდა!

გრძნობებზე ყურადღების ფოკუსირების პრაქტიკა

უფალო, მასწავლე სიცოცხლის შეგრძნება და არა მხოლოდ მისი ცოდნა. მასწავლე ცხოვრება გახსნილი გულით, მასწავლე ჩემი გრძნობებისა და ჩემი სულის იმპულსების ნდობა. უფალო, დამიბრუნე ჩემი სული, განწმინდე იგი, მასწავლე ჩემი სულის სურვილების მოსმენა და მათი გაყოლა, მასწავლე მთელი ჩემი ყურადღებით ვიყო გრძნობებში, დავაფასო ყველა ჩემი გრძნობა და ავირჩიო სიყვარული უპირატესად ყოვლისა.

1. დააკვირდი სუნთქვას. 2. რას გრძნობ სხეულში ახლა? რა შეგრძნებებია? დაარქვი მათ სახელი. დააკვირდი, რა ემართება ამ შეგრძნებებს შენს ყურადღებაში, შენს დაკვირვებაში? 3. გონების თვალით კონცენტრირდი შენს გულის ცენტრში. რას გრძნობ? რა ჰქვია ამ გრძნობებს? რა ხდება, როდესაც შენს გრძნობებს აკვირდები?

ყოველ 15-30 წუთში (ტაიმერით) დაუსვი საკუთარ თავს კითხვა: რას ვგრძნობ ახლა? და ჩაიწერე პასუხები. თუ არ იცი გრძნობების სახელწოდება, სთხოვე ქრისტეს დახმარება – უფალო, რა ჰქვია ამ გრძნობას ჩემში?

კვლავ და კვლავ დააბრუნე ყურადღება სუნთქვაზე დაკვირვებაში, სხეულის შეგრძნებებში, სულის გრძნობებში.

თუ გამოვლინდება ბლოკები, დაჭიმულობა, ტკივილი და უსიამოვნო გრძნობები, გადაეცი ისინი ქრისტეს განსაკურნებლად და სთხოვე გაგაცნობიერებინოს ყველაფერი, რაც გჭირდება რომ გააცნობიერო.

ჩვენ ვირჩევთ რწმენას ყოველივეს სრულყოფილებაში, რაც ახლა ხდება ჩვენში და ჩვენ გარშემო. ჩვენ ვირჩევთ რწმენას ჩვენი ყველა გამოცდილებისა და არჩევანის სრულყოფილებაში. ჩვენ ვირჩევთ რწმენას აბსოლუტურ, უპირობო, მარადიულ სიყვარულში, რომელიც ამ ყოველივეს მიღმა დგას და იხსნება ჩვენში სწორედ ახლა.

ჩვენ ვირჩევთ რწმენას ხორცშესხმულ ცოცხალ ღმერთში, ჩვენს უფალ იესო ქრისტეში და ჩვენს თანაზიარებაში ცოცხალ ღმერთთან, ჩვენს ერთიანობაში მასთან, ჩვენს უნიკალურ და განუმეორებელ თანაშემოქმედებაში მასთან.

ჩვენ ვირჩევთ რწმენას დედა ღვთისმშობელში, რწმენას პლანეტის ცოცხალ ცნობიერებაში, დიად ერთიან დედა ქალღმერთში და ჩვენს ერთიანობაში მასთან.

ჩვენ ვირჩევთ რწმენას ერთიან სულში, ერთიან, სრულყოფილ, თვითკმარ, უდროო ღვთიურ ცნობიერებაში, რომელიც გამოვლენილია ჩვენს უნიკალურ ადამიანურ ფორმაში.

ჩვენ ვირჩევთ რწმენას ღვთის სასუფეველში, რომელიც უკვე აღსრულდა თითოეული ადამიანის გულსა და ცნობიერებაში და სწორედ ახლა აფართოებს თავის თანადასწრებას.

ჩვენ ვჭრით ყველა ენერგეტიკულ არხს, მიჯაჭვულობას, მისაწოვარს, იმპლანტს, რომლებიც ჩვენგან მიემართება ნებისმიერი სხვა არსებებისკენ, სუბსტანციებისკენ, ადამიანებისკენ, ეგრეგორებისკენ, ადგილებისკენ, ნივთებისკენ, მოვლენებისკენ, ფანტაზიებისკენ, სახეებისკენ, ილუზიებისკენ; ჩვენ უკან ვითხოვთ და ვიბრუნებთ მთელ ჩვენს ძალას და მთელ ჩვენს ყურადღებას. უფალო ჩვენო იესო ქრისტე, დაგვეხმარე ამიერიდან ჩვენი ყურადღება და ჩვენი ცნობიერების ტევადობა შეგნებულად განვკარგოთ, გვასწავლე ვიყოთ ჩვენი რეალობის შეგნებული შემოქმედნი. გმადლობთ იმისთვის, რომ ეს უკვე საუკეთესოდ აღსრულდა ყოველი სულისთვის და ერთიანი სულისთვის მთლიანობაში.

ჩვენ უკან ვითხოვთ, ვიბრუნებთ შემოქმედის ჩვენს პასუხისმგებლობას: პასუხისმგებლობას ჩვენს მდგომარეობაზე, ჩვენს მთლიანობაზე, ჩვენს სიყვარულზე ღვთისადმი, საკუთარი თავისადმი და ერთმანეთისადმი. უფალო, დაგვეხმარე დავინახოთ და გავაცნობიეროთ, რა გვსურს სინამდვილეში მთელი გულით, მთელი სულით და მთელი ჩვენი გონებით, და როგორ შევქმნათ ეს ახლებურად, როგორ გამოვავლინოთ იგი სიცოცხლის ნაკადთან თანხმობაში და ჩვენს არჩევანთან – აბსოლუტურ, უპირობო, მარადიულ სიყვარულსა და მოწიწებაში ერთიანი ღვთის წინაშე?

გმადლობთ იმისთვის, რომ ეს უკვე აღსრულდა.

და ჩვენ ვაცხადებთ ჩვენს ნებას: ჩვენ ვიბრუნებთ ჩვენს თავისუფალ ნებას, ჩვენს უნარს ავირჩიოთ, რა ვიგრძნოთ და რა შევქმნათ, ჩვენ ვიბრუნებთ ჩვენს სულს, ჩვენი სულის ყველა ნაწილაკს – ყველა ვალიდან, გირაოდან, დაგირავებიდან, ხელშეკრულებიდან, ვალდებულებიდან, აშკარა თუ ფარულიდან, ჩვენ მიერ შეგნებულად თუ გაუცნობიერებლად დადებულიდან, ამ განსახიერებაში თუ ნებისმიერ სხვაში, ყველა დროში, რეალობის ყველა დონეზე – ყოველივე ჩვენსას უკან ვითხოვთ და ვიბრუნებთ საკუთარ თავს, ჩვენ, ხოლო ყველაფერს, რაც ჩვენ არ გვეკუთვნის, მადლიერებით ვუბრუნებთ უკან – მათ პატრონებს, მათ წყაროებს, და ყველა ვალდებულებას შესრულებულად ვთვლით, რადგან სწორედ მათ მიგვიყვანეს აბსოლუტურ, უპირობო, მარადიულ სიყვარულთან და შემოქმედის ცნობიერებასთან. ჩვენ მადლობას ვუხდით ყველა მონაწილეს ჩვენი ერთობლივი გამოცდილებისთვის, ამიერიდან ჩვენ არავის ვკვებავთ ჩვენი სასიცოცხლო ძალით და არავისგან, არაფრის მეშვეობით არ ვიკვებებით. ჩვენ პირდაპირ ვივსებით ჩვენი შინაგანი წყაროდან, როგორც ჩვენს გულში არსებული სიცოცხლის ერთიანი წყაროს პროექციიდან და გაგრძელებიდან, და ყველა დანარჩენს ვანიჭებთ თავისუფლებას გაიხსენონ თავიანთი ღვთიური წარმოშობა სიცოცხლის ჩვენი ერთიანი წყაროდან, განავითარონ საკუთარ თავში შინაგანი წყარო, როგორც მისი პროექცია და გაგრძელება და, სიყვარულით აღვსილებმა, გამოავლინონ იგი თავიანთი უნიკალური გზით ერთიანი მთლიანის შემადგენლობაში ჩვენი ტალანტებისა და ყურადღების მეშვეობით.

და ჩვენს ერთიან სულში ჩვენ აღვადგენთ ჩვენს ერთიანობასა და მთლიანობას მთლიანობის ახალ დონეზე, სიყვარულის ახალ დონეზე.

ჩვენ ვიბრუნებთ პასუხისმგებლობას ჩვენს მდგომარეობაზე; ჩვენ ვიბრუნებთ პასუხისმგებლობას ჩვენს სიცოცხლეზე; ჩვენ ვიბრუნებთ პასუხისმგებლობას ჩვენს რეალობაზე; ჩვენ ვიბრუნებთ პასუხისმგებლობას ჩვენს მისიაზე დიდ თამაშში.

წყაროსგან ჩვენთვის ბოძებული ძალით, ჩვენი ნებით, ჩვენ ვუხსნით ჩვენს გულებს სიყვარულს და ჩვენს გულებში ვპოულობთ სიცოცხლის მარადიულ, უსაზღვრო წყაროს და ჩვენს ურღვევ კავშირს მასთან.

ჩვენ ვივსებით ღვთიური სიყვარულით ჩვენს გულში არსებული შინაგანი წყაროდან, როგორც ჩვენში არსებული სიცოცხლის ერთიანი წყაროს პროექციიდან და გაგრძელებიდან.

ჩვენი ვიბრაციების სიხშირე იმატებს, და სიყვარული სინათლის ტალღებად იღვრება ჩვენს სხეულებსა და ჩვენს სულებში, ავსებს ჩვენს თითოეულ ნაწილაკს, სხეულის თითოეულ უჯრედს, ცნობიერების თითოეულ ნეირონს.

სულები ჩვენი იწმინდება და გვიბრუნდება სრული მოცულობით, სხეულები ჩვენი ხდება მსუბუქი და უწონო,

ცნობიერება ჩვენი ნათლდება და ჩვენ ვიხსენებთ ჩვენს ღვთიურ წარმოშობას სიცოცხლის ჩვენი ერთიანი წყაროდან.

ჩვენ ღრმად ჩავისუნთქავთ და ვივსებით ჩვენი ერთიანი სულით, ღვთის სულით, ჭეშმარიტების სულით, და ჩვენი ერთიანი სული ჩვენში აღადგენს ჩვენს მთლიანობას ყველა ჩვენს, მათ შორის ჩვენთვის კვლავ დაბრუნებულ ნაწილაკთან ერთად, და ერთიანობას ყოველ არსთან, ყოველივესთან, რაც იყო, არის და იქნება.

ჩვენი გარეგნული ფორმა თანხმობაში მოდის ჩვენს ღვთიურ არსთან, და ჩვენ ვიღვიძებთ მარადიული სიცოცხლისთვის ჩვენთვის შესაფერის ტემპში.

ღვთიური სიყვარულის ძალა ავსებს ჩვენს ცნობიერებას, აღადგენს სხეულის, სულისა და სულის ერთიანობას, გონების, გრძნობებისა და სურვილების ერთიანობას.

ჩვენი გონება ხდება წმინდა, ნათელი, ყოვლისმომცველი და მაღლდება ერთიანი სულის ცნობიერების დონემდე.

ჩვენი აზრები მიემართება ჩვენი ღვთიური არსისკენ, ჩვენი უნიკალური შინაგანი ჭეშმარიტებისკენ.

ჩვენი სურვილები მომდინარეობს ჩვენი სულების სურვილიდან – იგრძნონ ერთიანობა ცოცხალ ღმერთთან, სიყვარული მისდამი და მოწიწება მის წინაშე, მისი და ჩვენი სიდიადის წინაშე ადამიანში, როგორც ღვთიური შემოქმედების გვირგვინში.

ჩვენ ვაცნობიერებთ, რომ ჩვენი გრძნობები არის წარსულის, მომავლისა და ყველა პარალელური რეალობის შეკრული ცოდნა, უმაღლესი პოტენციალი ყველა იმ გამოცდილებისა, რომელიც განვლო ერთიანმა ღმერთმა მარადისობაში, ჩვენი უმაღლესი პოტენციალი, რომელიც მოგვემადლა წყალობითა და მადლით.

ჩვენ შევიცნობთ ჩვენს სურვილებს, ჩვენს გრძნობებს, ჩვენს რწმენას და ბედნიერების ჩვენს უნიკალურ გზას, საკუთარ თავად ყოფნის ჩვენს განუმეორებელ ხერხს.

ჩვენ ვწყვეტთ ყოველგვარ შინაგან და გარეგან ბრძოლას. ჩვენ მოვდივართ თანხმობაში წყაროსთან, ღმერთთან ჩვენში და გარეგან რეალობასთან, როგორც ჩვენს შემოქმედებასთან.

ჩვენ არავის ვასწავლით და არავის არაფერში ვამხელთ. ჩვენ ვიღებთ ჩვენს სამყაროს და ერთმანეთს ისეთებად, როგორებიც ვართ, როგორც ჩვენს ქმნილებას, როგორც ჩვენი ცნობიერების მდგომარეობის პირდაპირ და აშკარა გამოხატულებას.

ობიექტურობისა და განცალკევებულობის რწმენას, შიშებს, რისხვას, სირცხვილს, სიამაყეს და ყველაფერს, რაც უკვე აღარ გვახარებს, გადავცემთ განსაკურნებლად მამას და ჩვენს უფალ იესო ქრისტეს, ვიხსენებთ იმას, რაც ჭეშმარიტად გვხდის ბედნიერს, რაც გვაძლევს გამოვლენის ძალას ღვთიური სიყვარულის სისრულიდან. და ერთიან ღმერთთან თანაშემოქმედებაში ჩვენ ყოველ წამს ვქმნით ჩვენს ახალ, ბედნიერ სამყაროს.

ჩვენ მივმართავთ სიყვარულის სხივებს ჩვენი აღვსილი გულებიდან დედა პლანეტის გულში, სადაც ვპოულობთ ჩვენი ერთიანი წყაროს პროექციასა და გაგრძელებას, და დედის გული კიდევ უფრო ფართოდ იხსნება, ივსება წყალობით, მადლით, სიყვარულით და ერთიანი ღვთის სიყვარულის სინათლე ავსებს მთელ პლანეტას და მის ყველა მკვიდრს! გმადლობთ შენ, საყვარელო დედაო, ყველა ნიჭისთვის! გმადლობთ შენ ჩვენი სხეულებისთვის! გმადლობთ შენ უდიადესი თამაშის სივრცისთვის! გმადლობთ შენ სამოთხის სივრცისთვის, რომელსაც ჩვენ შენთან და მამასთან ერთად ვქმნით სწორედ ახლა!

მამაო ჩვენო, რომელი ხარ ცათა შინა, და ახლა უკვე დედამიწაზედაც. წმიდა იყავნ სახელი შენი, მოვედინ სუფევა შენი დედამიწაზე, ვითარცა ცათა შინა. იყავნ ნება შენი ჩვენში. და უკვე აღსრულდა! პური ჩვენი არსობისა – სიყვარული ჩვენი, მოგვეც ჩვენ დღეს. გმადლობთ შენ ამისთვის!

და განგვწმენდ ჩვენს სულებს ყოველგვარი სიბილწისა და ცოდვისგან, რათა დაგვიბრუნდეს სიყვარულისა და ჩვენი ყოფიერების მრავალფეროვნების შეგრძნების უნარი.

და გვათავისუფლებ ყველა ვალისა და ვალდებულებისგან, რომლებიც ჩვენ, ჩვენი უგუნურებით, ავიკიდეთ თავზე, როგორც ჩვენ ვათავისუფლებთ ჩვენს მოვალეებს.

და, შეგვიყვან რა განსაცდელში, არ გვტოვებ შენი შეწევნის გარეშე, ზრდი ჩვენში ჩვენი ყოველი არჩევანის გაცნობიერებულობას.

და გვიხსნი აღქმის ცბიერი შაბლონისგან, ავსებ ჩვენს გონებას შენი ღვთიური სიბრძნით და შენი ჭეშმარიტების ცოცხალი სიტყვით ჩვენს ცოცხალ შინაგან დიალოგში, მამაო! გმადლობთ შენ ამისთვის!

დაე, იყოს ძალა შენი და სიმდიდრე, და სიბრძნე, და სიმტკიცე, და დიდება, და პატივი, და კურთხევა და სიყვარული შენი, და სასუფეველი შენი ჩვენზე და ჩვენში, და ჩვენს მოდგმებზე, და ხალხებზე და მთელ პლანეტაზე! და ყველა შენს სამყაროზე, მამაო! და ამჟამად და მარადის და უკუნითი უკუნისამდე.

იყოს ასე, რამეთუ ჩვენ ვართ ისინი, ვინც ვართ. ჩვენ ვართ ის, რაც ვართ. ჩვენ ვართ ერთი. ჩვენ ვართ სიყვარული. ჩვენ ვართ ერთიანი ღმერთი.

ქვემოთ მოცემულია ღმერთთან შინაგანი დიალოგის რეალური მაგალითი (ავადმყოფობის თემაზე)

– უფალო, რა უნდა გავაცნობიერო ახლა ამასთან დაკავშირებით? – გააცნობიერე, რომ ეს არ არის ერთადერთი რეალობა, მაგრამ შენ ახლა სწორედ მას ქმნი. – რით ვქმნი სწორედ ასეთ რეალობას, უფალო? – შიშებით, დაურწმუნებლობით, საკუთარი თავის ურწმუნოებით, კონტროლის სურვილით, ცხოვრების საშიშროებისა და უაზრობის რწმენით. – როგორ შემიძლია შევქმნა სხვა რეალობა, სადაც ჯანმრთელი და ბედნიერი ვარ? – მოისურვე. შეცვალე შენი რწმენა და შეხედულებები. – უფალო, მე ვაცხადებ ჩემს ნებას: გავთავისუფლდე ყველა შიშისა და ურწმუნოებისგან, განკურნე ეს ჩემში, უფალო! გარდაქმენი ჩემში კონტროლის სურვილი, მოიყვანე იგი თანხმობაში ჩემში არსებულ სიცოცხლის ნაკადთან. მე ვუშვებ ცხოვრების საშიშროებისა და უაზრობის რწმენას. მე ვირჩევ მწამდეს ყოველივე მიმდინარეს სრულყოფილება, სიყვარული და შემოქმედის ცნობიერების ძალა ჩემში. ამინ. უფალო, განამტკიცე ჩემი რწმენა და გამიმხილე ცხოვრების ჭეშმარიტი აზრი. რაშია იგი? – სიყვარულში. – მასწავლე სიყვარული, უფალო. რა არის ამისთვის საჭირო? – ჯერ საკუთარი თავი შეიყვარე. – როგორ შევიყვარო საკუთარი თავი, უფალო? – გიყვარდე მე.

– მასწავლე, რომ მიყვარდე შენ, უფალო! – შენ უკვე გიყვარვარ. უბრალოდ მზერა არ მოაშორო სიყვარულს. – კიდევ რა უნდა გავაცნობიერო, უფალო, სწორედ ახლა? – მე შენ მიყვარხარ. და ყოველთვის შენთან ვარ. შენ არასოდეს ხარ მარტო. მე ყოველთვის შენში ვარ. ჩვენ – ერთი ვართ.

ბედნიერების ცრემლები, განწმენდა, სულის ზეიმი, განკურნების პროცესი დაიწყო.

უფრო ზუსტად, კვანტურ დონეზე არანაირი განკურნება არ ხდება. ადამიანი უბრალოდ იწყებს გადაადგილებას მეხუთე განზომილებაში რეალობის დონეებზე ზევით, სადაც ეს ავადმყოფობა (ვალები, კონფლიქტები, უსიამოვნო სიტუაცია) არასოდეს ყოფილა, ან იცვლება მოვლენათა განვითარების შემდგომი სცენარი და ყველაფერი იშლება სრულყოფილი, ყველაზე მოულოდნელი და სასწაულებრივი სახით. რამეთუ გამოუკვლეველ არიან გზანი უფლისანი!

შეგახსენებთ, რომ ღმერთთან შინაგანი დიალოგი – ეს არ არის საუბარი საკუთარ გონებასთან (შენ ძალიან სწრაფად დარწმუნდები, რომ გონება ასეთ რამეს ვერ მოიფიქრებდა, და გული თრთოლვით პასუხობს ღვთისგან მომავალ ჭეშმარიტ პასუხებს), და ღმერთთან შინაგანი დიალოგი იწყება ქრისტეს ზიარებით (თვითზიარებით ნების გაცხადებით).

ყურადღება! თვითზიარება არ ცვლის ტაძარში წმინდა ზიარების საიდუმლოს, არამედ ავსებს მას ქრისტესთან შინაგან დიალოგზე ყოველდღიური შინაგანი ლოცვითი განწყობით.

მუსლიმებისთვის ქრისტესთან შინაგანი დიალოგი შენდება წინასწარმეტყველ ისასადმი მიმართვით. ყურანში ნათქვამია, რომ უკანასკნელ ჟამს, განკითხვის დღის წინ, ალაჰი კვლავ მოუვლენს ადამიანებს წინასწარმეტყველ ისას (იესოს) მის მეორედ მოსვლაში, და იგი 40 წლის განმავლობაში ასწავლის მორწმუნე მუსლიმებს ალაჰისგან ახალ ცოდნას, რათა მოამზადოს ისინი ახალ (სამოთხისებურ) სამყაროში გადასასვლელად.