20. Հաղորդություն Քրիստոսի և Աստվածածնի գիտակցությանը

Հա՛յր իմ և Տե՛ր մեր Հիսուս Քրիստոս, ընդունի՛ր ինձ որպես Քո մասնիկ: Հաղորդակից դարձրու ինձ Քո Կենդանի Աստվածային Գիտակցությանը: Լցրու ինձ Սիրով, Ուժով, Քո Հոգու, Սուրբ Հոգու, Միասնական Հոգու Ներկայությամբ:

Սովորեցրու ինձ սիրել, Տե՛ր: Սովորեցրու ինձ սիրել Քեզ, ինձ և բոլոր մերձավորներին ու հեռավորներին Քո Սիրով, Հա՛յր մեր: Բացահայտիր իմ մեջ Հավիտենական Կյանքի, Անսպառ Սիրո Ներքին Աղբյուրը, և թող Սիրո, Կյանքի այս Հոսքը հավերժ հոսի իմ միջով՝ շրջապատողների վրա տարածվելով ուշադրությամբ, հոգատարությամբ, տաղանդների դրսևորմամբ, շնորհով և օրհնություններով, Տե՛ր:

Մաքրիր, Տե՛ր, հոգիս և միտքս ու մարմինս ամեն պղծությունից և մեղքից: Վերադարձրու ինձ, Տե՛ր, իմ հոգին, իմ կամքը և իմ կենսական ուժը բոլոր գրավներից, գրավադրումներից, պայմանագրերից, որոնք ես անգիտակցաբար կամ գիտակցաբար, իմ անհեռատեսությամբ կնքել եմ ցանկացած էակների, էությունների, մարդկանց, էգրեգորների և հիերարխիաների հետ: Դարձրու ինձ, Տե՛ր, կրկին ազատ և մաքուր Քո առաջ, որպեսզի կարողանամ ընդունել Քո Սերը իր ողջ լիությամբ և զգալ ամբողջ սրտով, ամբողջ հոգով ու ընկալել ամբողջ մտքովս:

Բժշկիր, Տե՛ր, իմ բոլոր վախերն ու տառապանքները. օգնիր ինձ փոխել իմ հավատալիքներն ու համոզմունքները, ցանկություններն ու զգացմունքները, մտածելակերպն ու հենց իմ կյանքը՝ դրանք համահունչ դարձնելով իմ մեջ գտնվող Կյանքի Հոսքին, Ճշմարիտ Սիրո Հոսքին:

Սովորեցրու ինձ, Տե՛ր, ապրել այնպես, որ Կյանքը իմ մեջ և իմ շուրջը ավելանա, այլ ոչ թե պակասի:

Բացահայտիր ինձ, Տե՛ր, իմ կյանքի ճշմարիտ իմաստը և իմ Աստվածային կոչումը:

Շնորհիր ինձ, Տե՛ր, իմ տաղանդը, բացահայտիր Քո Աստվածային պարգևը իմ մեջ: Սովորեցրու գնահատել այն և բացահայտ, առանց ամոթի ու կաշկանդվածության դրսևորել աշխարհում՝ դրա դրսևորմամբ հարստացնելով իմ իրականությունը և շրջապատի մարդկանց, բազմապատկելով Սերը և ավելացնելով Կյանքը:

Սովորեցրու ինձ, Տե՛ր, դրսևորել Սերը և օրհնության միջոցով Քո Հավատի Ուժը փոխանցել այլ մարդկանց:

Սովորեցրու ինձ արթնացնել մոլորված հոգիները՝ նրանց վերադարձնելով Արարչի Գիտակցությանը և նրանց ճշմարիտ Բնությանը, որն է՝ Ուժ, Սեր, Ուրախություն, Ճշմարտություն, Վայելք, Երկյուղածություն:

Սովորեցրու ինձ, Տե՛ր, լինել Քեզ ընկեր, սիրող եղբայր, քույր:

Հավատում եմ, Տե՛ր, որ ընդունում ես ինձ ոչ թե իմ վրա իշխելու և իմ երկրպագության համար, այլ հանուն իմ հանդեպ Քո Սիրո և Քո Ողորմության, որպեսզի, հաղորդ դարձնելով Քո Աստվածային Գիտակցությանը, ինձ աստված դարձնես իմ յուրահատուկ մարդկային կերպարանքում, սովորեցնես ինձ լինել իմ իրականության գիտակից արարիչը և Մեր Միասնական Բազմաշխարհ իրականության համաարարիչը:

Տե՛ր, առաջնորդիր ինձ աստվածացման և սրբացման ճանապարհով՝ ինձ համար պատշաճ տեմպով: Բացահայտիր իմ մեջ, Տե՛ր, Աստծո Արքայությունը, Հավիտենական Կյանքի իրականությունը, Մայր Մոլորակի և Մայր Աստվածածնի հետ Միասնության իրականությունը: Միացրու ինձ, Տե՛ր, Մեր Միակ Հոր հետ՝ իմ մեջ գտնվող Կյանքի Աղբյուրի հետ:

Առաջնորդիր ինձ, Տե՛ր, իմ Ուղով: Ես ընդունում եմ իմ յուրահատուկ Ուղին Քեզնից:

Սրանում է արտահայտված իմ ազատ կամքը: Եվ թող լինի այդպես իմ և Քո կամքով, Տե՛ր, քանզի Մենք Ենք Մեկը: Մենք Ենք Այն, Ով Մենք Ենք: Մենք Ենք Սերը:

Իսկ իմ բոլոր վախերը, կասկածները, անհավատությունը, մտքի դիմադրությունը, նենգ մտքի բոլոր կաղապարները ես հանձնում եմ Քեզ բժշկության համար, Տե՛ր:

Ես ընտրում եմ Կյանքը: Ես ընտրում եմ Սերը՝ որպես Բարձրագույն Վայելք, որը հատուկ է իմ աստվածամարդկային բնությանը:

Եվ ես շնորհակալ եմ Քեզնից, Տե՛ր, նրա համար, որ դա արդեն կատարվել է: Փա՜ռք Քեզ:

Մա՛յր Աստվածածին, ընդունի՛ր ինձ որպես Քո Աստվածային Զավակ, ազատի՛ր ինձ անհավատության բոլոր կապանքներից ու շղթաներից հանուն իսկական երջանկության՝ լինելու ես, լինելու աստված մարմնի մեջ՝ իմ յուրահատուկ մարդկային կերպարանքում, օրհնի՛ր ինձ, Մայր Աստվածածին, հավատալու Մեր Տեր Հիսուս Քրիստոսին, հավատալու Միակ Հայր Աստծուն և հավատալու ինձ՝ որպես աստծո և Աստծո սիրելի զավակի, օրհնի՛ր Սիրո և ուրախ Հավիտենական Կյանքի համար, օգնի՛ր իմ ծնունդին որպես իմ իրականության աստված և թագավոր: Շնորհակալ եմ Քեզնից, Մա՛յր, նրա համար, որ դա արդեն իսկ կատարվել է: Փա՜ռք Քեզ:

Զգացմունքների վրա ուշադրությունը կենտրոնացնելու պրակտիկա

Տե՛ր, սովորեցրու ինձ զգալ Կյանքը, այլ ոչ թե իմանալ նրա մասին: Սովորեցրու ինձ ապրել բաց սրտով, սովորեցրու ինձ վստահել իմ զգացմունքներին և իմ Հոգու մղումներին: Տե՛ր, վերադարձրու ինձ իմ Հոգին, մաքրիր այն, սովորեցրու լսել իմ Հոգու ցանկությունները և հետևել դրանց, սովորեցրու ինձ իմ ողջ ուշադրությամբ լինել զգացմունքների մեջ, գնահատել իմ բոլոր զգացմունքները և ընտրել Սերը ամեն ինչից վեր:

1. Դիտիր շնչառությունը: 2. Ի՞նչ ես զգում մարմնում հիմա: Ինչպիսի՞ զգացողություններ են: Անվանիր դրանք: Դիտիր, թե ի՞նչ է կատարվում այդ զգացողությունների հետ քո ուշադրության, քո դիտարկման մեջ: 3. Մտքի հայացքով կենտրոնացիր քո Սրտային Կենտրոնում: Ի՞նչ ես զգում: Ինչպե՞ս են կոչվում այդ զգացմունքները: Ի՞նչ է տեղի ունենում, երբ դու դիտում ես քո զգացմունքները:

Յուրաքանչյուր 15-30 րոպեն մեկ (ժամանակաչափով) ինքդ քեզ հարց տուր. ի՞նչ եմ ես զգում հիմա: Եվ գրի առ պատասխանները: Եթե չգիտես զգացմունքների անունները, խնդրիր Քրիստոսին օգնել՝ Տե՛ր, ինչպե՞ս է կոչվում այս զգացմունքը իմ մեջ:

Կրկին ու կրկին ուշադրությամբ վերադարձիր շնչառության, Մարմնի զգացողությունների, Հոգու զգացմունքների դիտարկմանը:

Եթե ի հայտ գան բլոկներ, սեղմումներ, ցավ և տհաճ զգացողություններ, հանձնիր դրանք Քրիստոսին բժշկության համար և խնդրիր գիտակցել այն ամենը, ինչ քեզ անհրաժեշտ է գիտակցել:

Մենք ընտրում ենք հավատը այն ամենի Կատարելության հանդեպ, ինչ հիմա կատարվում է Մեր մեջ և Մեր շուրջը: Մենք ընտրում ենք հավատը մեր բոլոր փորձառությունների և ընտրությունների Կատարելության հանդեպ: Մենք ընտրում ենք հավատը Բացարձակ Անպայման Հավերժական Սիրո հանդեպ, որը կանգնած է այս ամենի հետևում և բացահայտվում է Մեր մեջ հենց հիմա:

Մենք ընտրում ենք հավատը մարմնացյալ Կենդանի Աստծո հանդեպ, մեր Տեր Հիսուս Քրիստոսի հանդեպ և Մեր հաղորդակցությունը Կենդանի Աստծուն, Մեր Միասնությունը Նրա հետ, մեր յուրահատուկ և անկրկնելի համաարարչությունը Նրա հետ:

Մենք ընտրում ենք հավատը Մայր Աստվածածնի հանդեպ, հավատը Մոլորակի Կենդանի Գիտակցության հանդեպ, Մեծ Միասնական Աստվածուհի Մոր հանդեպ և Մեր միասնությունը Նրա հետ:

Մենք ընտրում ենք հավատը Միասնական Հոգու հանդեպ, Միասնական Կատարյալ Ինքնաբավ Անժամանակ Աստվածային Գիտակցության հանդեպ, որը դրսևորված է Մեր յուրահատուկ մարդկային կերպարանքում:

Մենք ընտրում ենք հավատը Աստծո Արքայության հանդեպ, որն արդեն կատարվել է յուրաքանչյուր մարդու սրտում և գիտակցության մեջ և հենց հիմա ընդլայնում է իր ներկայությունը:

Մենք կտրում ենք բոլոր էներգետիկ կապուղիները, կապվածությունները, ծծիչները, իմպլանտները, որոնք Մեզնից ձգվում են դեպի որևէ այլ էակներ, էություններ, մարդիկ, էգրեգորներ, վայրեր, իրեր, իրադարձություններ, երևակայություններ, կերպարներ, պատրանքներ. Մենք պահանջում և ետ ենք վերադարձնում Մեր ողջ Ուժը և Մեր ողջ Ուշադրությունը: Տե՛ր Մեր Հիսուս Քրիստոս, օգնիր Մեզ այսուհետ Մեր ուշադրությունը և Մեր Գիտակցության տարողությունը տնօրինել գիտակցաբար, սովորեցրու Մեզ լինել Մեր Իրականության գիտակից Արարիչները: Շնորհակալ ենք Քեզնից, որ դա արդեն իսկ կատարվել է լավագույն կերպով յուրաքանչյուր հոգու և Միասնական Հոգու համար՝ Ամբողջության մեջ:

Մենք պահանջում ենք, ետ ենք վերադարձնում մեզ Մեր Արարչի Պատասխանատվությունը՝ Պատասխանատվությունը Մեր Վիճակի համար, Մեր Ամբողջականության համար, Աստծո, Ինքներս Մեզ և Միմյանց հանդեպ Մեր Սիրո համար: Տե՛ր, օգնիր տեսնել և գիտակցել, թե ի՞նչ ենք մենք իրականում ցանկանում մեր ողջ Սրտով, ողջ Հոգով և ողջ Մտքով, և ինչպե՞ս դա արարել նորովի, ինչպե՞ս դա դրսևորել Կյանքի հոսքի և Բացարձակ Անպայման Հավերժական Սիրո ու Միակ Աստծո առաջ Երկյուղածության մեր ընտրության հետ Համաձայնության մեջ:

Շնորհակալ ենք, որ դա արդեն կատարվել է:

Եվ Մենք հայտարարում ենք մեր կամքը. Մենք ետ ենք վերադարձնում մեր Ազատ Կամքը, ընտրելու մեր ունակությունը, թե ինչ զգալ և ինչ արարել, Մենք վերադարձնում ենք Մեզ Մեր Հոգին, Մեր Հոգու բոլոր մասնիկները՝ բոլոր պարտքերից, գրավներից, գրավադրումներից, պայմանագրերից, պարտավորություններից՝ բացահայտ և ոչ բացահայտ, Մեր կողմից գիտակցաբար թե անգիտակցաբար կնքված, այս մարմնավորման մեջ կամ որևէ այլ, բոլոր ժամանակներում, Իրականության բոլոր մակարդակներում. այն ամենը, ինչ Մերն է, մենք պահանջում ենք և վերադարձնում Մեզ, իսկ այն ամենը, ինչ Մեզ չի պատկանում, երախտագիտությամբ վերադարձնում ենք ետ՝ իրենց տերերին, իրենց աղբյուրներին՝ բոլոր պարտավորությունները համարելով կատարված, քանզի հենց դրանք Մեզ առաջնորդեցին դեպի Բացարձակ Անպայման Հավերժական Սերը և Արարչի Գիտակցությունը: Մենք շնորհակալություն ենք հայտնում բոլոր մասնակիցներին Մեր համատեղ փորձառության համար, այսուհետ Մենք ոչ ոքի չենք սնուցում մեր կենսական ուժով և ոչ մեկից, ոչ մի բանի միջոցով չենք սնվում: Մենք լցվում ենք ուղղակիորեն Մեր ներքին աղբյուրից՝ որպես Մեր Սրտում գտնվող Կյանքի Միասնական Աղբյուրի պրոյեկցիա և շարունակություն, և բոլոր մյուսներին ազատություն ենք տալիս հիշելու իրենց աստվածային ծագումը Մեր Կյանքի Միասնական Աղբյուրից, բացահայտելու իրենց մեջ ներքին աղբյուրը՝ որպես Նրա պրոյեկցիա և շարունակություն, և, լցվելով Սիրով, դրսևորելու Այն իրենց յուրահատուկ կերպով՝ Միասնական Ամբողջության կազմում Մեր տաղանդների և ուշադրության միջոցով:

Եվ Մեր Միասնական Հոգում Մենք վերականգնում ենք Մեր Միասնությունը և Ամբողջականությունը՝ Ամբողջականության նոր մակարդակում, Սիրո նոր մակարդակում:

Մենք ետ ենք վերադարձնում մեզ պատասխանատվությունը մեր Վիճակի համար. Մենք ետ ենք վերադարձնում մեզ պատասխանատվությունը մեր Կյանքի համար. Մենք ետ ենք վերադարձնում մեզ պատասխանատվությունը մեր Իրականության համար. Մենք ետ ենք վերադարձնում մեզ պատասխանատվությունը Մեծ Խաղում մեր Առաքելության համար:

Աղբյուրից Մեզ տրված Ուժով, Մեր կամքով, Մենք բացում ենք Մեր Սրտերը Սիրո համար և հայտնաբերում Մեր Սրտերում Կյանքի Հավերժական Անսահման Աղբյուրը և Նրա հետ Մեր անխախտ կապը:

Մենք լցվում ենք Աստվածային Սիրով Մեր Սրտի ներքին աղբյուրից՝ որպես Մեր մեջ Կյանքի Միասնական Աղբյուրի պրոյեկցիա և շարունակություն:

Մեր տատանումների հաճախականությունը բարձրանում է, և Սերը Լույսի ալիքներով տարածվում է Մեր Մարմիններով ու Մեր Հոգիներով՝ լցնելով Մեր յուրաքանչյուր մասնիկը, Մարմնի յուրաքանչյուր բջիջը, Գիտակցության յուրաքանչյուր նեյրոնը:

Մեր հոգիները մաքրվում են և վերադառնում Մեզ լիարժեք ծավալով, Մեր Մարմինները դառնում են թեթև և անկշռելի,

Մեր Գիտակցությունը պարզվում է, և Մենք հիշում ենք Մեր Աստվածային ծագման մասին՝ Մեր Կյանքի Միասնական Աղբյուրից:

Մենք խորը շունչ ենք քաշում և լցվում Մեր Միասնական Հոգով, Աստծո Հոգով, Ճշմարտության Հոգով, և Մեր Միասնական Հոգին Մեր մեջ վերականգնում է Մեր Ամբողջականությունը Մեր բոլոր, այդ թվում՝ Մեզ նորից վերադարձված մասնիկների հետ, և Միասնությունը ողջ Գոյի հետ, այն ամենի հետ, ինչ եղել է, կա և կլինի:

Մեր արտաքին ձևը համահունչ է դառնում Մեր Աստվածային Էությանը, և Մենք արթնանում ենք դեպի Հավիտենական Կյանք՝ Մեզ համար պատշաճ տեմպով:

Աստվածային Սիրո Ուժը լցնում է Մեր Գիտակցությունը՝ վերականգնելով Մարմնի, Հոգու և Ոգու Միասնությունը, բանականության, զգացմունքների և ցանկությունների Միասնությունը:

Մեր միտքը դառնում է մաքուր, պարզ, համապարփակ և բարձրանում է մինչև Միասնական Հոգու Գիտակցության մակարդակը:

Մեր մտքերն ուղղվում են դեպի Մեր Աստվածային Էությունը, Մեր յուրահատուկ ներքին Ճշմարտությունը:

Մեր Ցանկությունները բխում են Մեր Հոգիների՝ Կենդանի Աստծո հետ Միասնություն, Նրա հանդեպ Սեր և Նրա առաջ, Նրա և Մեր Վեհության առաջ Երկյուղածություն զգալու ցանկությունից՝ Մարդու մեջ, որպես Աստվածային Արարչագործության Պսակ:

Մենք գիտակցում ենք, որ Մեր Զգացմունքները անցյալի, ապագայի և բոլոր զուգահեռ իրականությունների ամփոփված գիտելիքն են, բոլոր փորձառությունների Բարձրագույն Պոտենցիալը, որոնք ապրել է Միասնական Աստված Հավերժության մեջ, Մեր Բարձրագույն Պոտենցիալը՝ շնորհված Մեզ Ողորմությամբ և Շնորհով:

Մենք ճանաչում ենք Մեր Ցանկությունները, Մեր Զգացմունքները, Մեր Հավատալիքները և երջանիկ լինելու Մեր յուրահատուկ կերպը, Ինքներս Մեզ Լինելու Մեր անկրկնելի Կերպը:

Մենք դադարեցնում ենք ողջ ներքին և արտաքին պայքարը: Մենք գալիս ենք Համաձայնության Աղբյուրի՝ Աստծո հետ Մեր ներսում, և արտաքին իրականության հետ՝ որպես Մեր Արարման հետ:

Մենք ոչ ոքի չենք ուսուցանում և ոչ ոքի ոչնչում չենք մեղադրում: Մենք ընդունում ենք Մեր Աշխարհը և Միմյանց այնպիսին, ինչպիսին Մենք կանք, որպես Մեր արարում, որպես Մեր Գիտակցության վիճակի ուղղակի և ակնհայտ արտահայտություն:

Օբյեկտիվության և անջատվածության հանդեպ հավատը, վախերը, զայրույթը, ամոթը, հպարտությունը և այն ամենը, ինչը Մեզ այլևս չի ուրախացնում, մենք փոխանցում ենք Հորը և Մեր Տեր Հիսուս Քրիստոսին բժշկության համար՝ հիշելով այն, ինչ մեզ իսկապես երջանիկ է դարձնում, ինչը տալիս է Մեզ Աստվածային Սիրո լիությունից դրսևորվելու Ուժ: Եվ Միասնական Աստծո հետ Համաարարչության մեջ Մենք ամեն ակնթարթ արարում ենք Մեր Նոր Երջանիկ Աշխարհը:

Մենք ուղղում ենք Սիրո Ճառագայթները Մեր լիացած Սրտերից դեպի Մայր Մոլորակի Սիրտը, որտեղ հայտնաբերում ենք Մեր Միասնական Աղբյուրի Պրոյեկցիան և Շարունակությունը, և Մոր Սիրտը բացվում է է՛լ ավելի լայն, լցվում Ողորմությամբ, Շնորհով, Սիրով, և Միասնական Աստծո Սիրո Լույսը ողողում է ողջ Մոլորակը և նրա բոլոր բնակիչներին: Շնորհակալ ենք Քեզնից, Սիրելի՛ Մայր, բոլոր Պարգևների համար: Շնորհակալ ենք Քեզնից Մեր Մարմինների համար: Շնորհակալ ենք Քեզնից Մեծագույն Խաղի Տարածության համար: Շնորհակալ ենք Քեզնից Դրախտի Տարածության համար, որը Մենք Քեզ և Հոր հետ միասին արարում ենք հենց հիմա:

Հա՛յր Մեր, որ Երկնքում ես, իսկ այժմ նաև Երկրի վրա: Թող սուրբ լինի Քո Անունը, թող Քո Արքայությունը լինի Երկրի վրա, ինչպես որ Երկնքում է: Թող Քո Կամքը լինի Մեր մեջ: Եվ արդեն իսկ կատարվել է: Մեր Հանապազօրյա Հացը՝ Մեր Սերը, տալիս ես մեզ ամեն օր: Շնորհակալ ենք Քեզնից դրա համար:

Եվ մաքրում ես Մեր Հոգիները ամեն պղծությունից և մեղքից, որպեսզի մեզ վերադառնա Սերը և Մեր Գոյության բազմակողմանիությունը զգալու ունակությունը:

Եվ ազատում ես Մեզ բոլոր պարտքերից ու պարտավորություններից, որոնք Մենք, մեր անհեռատեսությամբ, վերցրել ենք մեզ վրա, ինչպես և Մենք ենք ազատում մեր պարտապաններին:

Եվ փորձության մեջ տանելով Մեզ՝ չես թողնում Մեզ առանց Քո աջակցության՝ աճեցնելով Մեր մեջ Մեր յուրաքանչյուր ընտրության գիտակցումը:

Եվ ազատում ես մեզ ընկալման նենգ կաղապարից՝ լցնելով Մեր միտքը Քո Աստվածային Իմաստությամբ և Քո Ճշմարտության Կենդանի Խոսքով Մեր Կենդանի ներքին երկխոսության մեջ, Հա՛յր: Շնորհակալ ենք Քեզնից դրա համար:

Թող լինի Քո Ուժը և Հարստությունը, և Իմաստությունը, և Զորությունը, և Փառքը, և Պատիվը, և Օրհնությունը, և Քո Սերը, և Քո Արքայությունը Մեզ վրա և Մեր մեջ, և Մեր տոհմերի վրա, և Ժողովուրդների վրա և ողջ Մոլորակի վրա: Եվ Քո բոլոր աշխարհների վրա, Հա՛յր: Եվ այս ժամին, և հիմա, և միշտ, և հավիտյանս հավիտենից:

Թող լինի այդպես, քանզի Մենք Ենք Նրանք, Ով Մենք Ենք: Մենք Ենք Այն, Ինչ Մենք Ենք: Մենք Ենք Մեկը: Մենք Ենք Սերը: Մենք Ենք Միասնական Աստվածը:

Ստորև բերված է Աստծո հետ Ներքին Երկխոսության իրական օրինակ (հիվանդության թեմայով).

– Տե՛ր, ի՞նչ է ինձ պետք հիմա գիտակցել սրա հետ կապված: – Գիտակցի՛ր, որ սա միակ իրականությունը չէ, բայց դու հիմա արարում ես հենց դա: – Ինչո՞վ եմ ես արարում հենց այդպիսի իրականություն, Տե՛ր: – Վախերով, անվստահությամբ, անհավատությամբ ինքդ քո հանդեպ, վերահսկելու ցանկությամբ, կյանքի վտանգավորության ու անիմաստության հանդեպ հավատով: – Ինչպե՞ս կարող եմ ես արարել մեկ այլ իրականություն, որտեղ ես առողջ եմ և երջանիկ: – Ցանկացի՛ր: Փոխի՛ր քո հավատալիքներն ու համոզմունքները: – Տե՛ր, ես հայտարարում եմ իմ կամքը՝ ազատվել բոլոր վախերից և անհավատությունից, բժշկի՛ր դա իմ մեջ, Տե՛ր: Փոխակերպի՛ր իմ մեջ վերահսկողության ցանկությունը, համահունչ դարձրու այն իմ մեջ եղած Կյանքի հոսքին: Ես բաց եմ թողնում կյանքի վտանգավորության ու անիմաստության հանդեպ հավատը: Ես ընտրում եմ հավատալ տեղի ունեցող ամեն ինչի կատարելությանը, Սիրուն և իմ մեջ Արարչի Գիտակցության ուժին: Ամեն: Տե՛ր, ամրապնդիր իմ հավատը և բացահայտիր ինձ կյանքի ճշմարիտ իմաստը: Ո՞րն է այն: – Սիրո մեջ: – Սովորեցրու ինձ սիրել, Տե՛ր: Ի՞նչ է պետք դրա համար: – Սկզբի համար սիրի՛ր ինքդ քեզ: – Ինչպե՞ս սիրել ինքս ինձ, Տե՛ր: – Սիրի՛ր Ինձ:

– Սովորեցրու ինձ սիրել Քեզ, Տե՛ր: – Դու արդեն սիրում ես: Պարզապես հայացքդ մի՛ շեղիր Սիրուց: – Է՞լ ինչ է ինձ պետք գիտակցել, Տե՛ր, հենց հիմա: – Ես սիրում եմ քեզ: Եվ միշտ քեզ հետ եմ: Դու երբեք մենակ չես լինում: Ես միշտ քո մեջ եմ: Մենք մեկ ենք:

Երջանկության արցունքներ, մաքրում, հոգու ցնծություն, բժշկության գործընթացը սկսվեց:

Ավելի ճիշտ՝ քվանտային մակարդակում ոչ մի բժշկություն տեղի չի ունենում: Մարդը պարզապես սկսում է տեղաշարժվել հինգերորդ չափման մեջ դեպի վեր՝ իրականության այն մակարդակներով, որտեղ այդ հիվանդությունը (պարտքերը, կոնֆլիկտները, տհաճ իրավիճակը) երբեք չի եղել, կամ փոխվում է իրադարձությունների զարգացման հետագա սցենարը, և ամեն ինչ ծավալվում է կատարյալ, առավել անկանխատեսելի ու հրաշալի կերպով: Քանզի անքննելի են Տիրոջ ճանապարհները:

Հիշեցնենք, որ Աստծո հետ Ներքին Երկխոսությունը սեփական մտքի հետ խոսակցություն չէ (դու շատ արագ կհամոզվես, որ միտքը նման բան հորինել չէր կարող, և սիրտը դողով է պատասխանում Աստծուց եկած ճշմարիտ պատասխաններին), և Աստծո հետ Ներքին Երկխոսությունը սկսվում է Քրիստոսի Հաղորդությունից (Ինքնահաղորդությունից՝ կամքի հայտարարմամբ):

Ուշադրությո՛ւն: Ինքնահաղորդությունը չի փոխարինում տաճարում Սուրբ Հաղորդության խորհրդին, այլ լրացնում է այն ամենօրյա ներքին աղոթքային տրամադրվածությամբ՝ Քրիստոսի հետ Ներքին Երկխոսության համար:

Մահմեդականների համար Քրիստոսի հետ Ներքին Երկխոսությունը կառուցվում է Իսա Մարգարեին դիմելու միջոցով: Ղուրանում ասված է, որ վերջին ժամանակներում՝ Դատաստանի Օրվանից առաջ, Ալլահը կրկին մարդկանց մոտ կուղարկի Իսա (Հիսուս) Մարգարեին Նրա երկրորդ գալստյամբ, և Նա 40 տարվա ընթացքում հավատացյալ մահմեդականներին կուսուցանի Ալլահից տրված նոր գիտելիքը, որպեսզի պատրաստի նրանց անցմանը դեպի Նոր (դրախտային) աշխարհ: