1. Chiyambi

Mnzanga wokondedwa! Ndikupereka moni kwa iwe. Ndikuyankhula nawe kuchokera kumwamba kwa Chikondi chopanda malire ndi Chikhulupiriro mwa Iwe monga cholengedwa Chaumulungu. Ndikulakalaka kwambiri kukuthandiza Iwe kukumbukira Iwe Mwini Weniweni. Wachikondi, Wamphamvu, Wa luso lolenga, Wachoonadi, womasuka ku mantha, kudzilanda mlandu, kuipidwa ndi mkwiyo, ndi zizolowezi zonsezo zoipa zomwe zikufotokozedwa bwino ndi magawo atatu (malo atatu a masautso): kuvutika, kuchita mantha ndi kusakonda.

Ndikufuna kukuthandiza. Koma sindingayende njira yako m’malo mwako. Chifukwa chake, pamaso pako pali chiwonetsero chaching’ono cha mapu a njira ikudzayo, kuti uthe kuzindikira komwe uli, koma osalemetsa kumvetsa kwako ndi zambiri panopa. Nthawi idzafika, ndipo ifika posachedwa kwambiri, pamene iwe mwini udzatha kujambula mapu akoako – pamodzi ndi magawo onse a njira yako odziwika ndi iwe mwini, opangidwa ndi nkhani zambiri ndi zochitika zochititsa chidwi zomwe unakumana nazo. Inde, zochitika zochititsa chidwi. Chifukwa tsopano waima pakhomo la Masewero-ulendo waulemerero kwambiri ndi wosangalatsa koposa m'chilengedwe chonse – poyamba pokhala ngati mkaidi wa dziko losakoma mtima ndi lowopsa, kulengeza chifuniro chako Chaumulungu pa ufulu wokhala womasuka ndikukhala Mlengi Wozindikira wa chilengedwe chako chonse.

Powerenga chiwonetserochi, yesetsa kumvetsa zinthu zofunika kwambiri, kudzifunsa ndi kudziyankha mafunso ofunika koposa – zina zonse zidzaonjezedwa. Ngati china chake chikuwoneka kwa iwe

chosamveka kapena chotsutsana, ingodutsapo pamenepo, udzabwereranso pambuyo pake pamene chithunzi chonse chidzaululika pamaso pako, ndipo iwe, powelenganso (mwinanso nthawi zingapo), udzapeza kumveketsa kofunikira ndi masomphenya akoako pankhaniyi. Sindikudzinenera mwanjira iliyonse kukhala chowonadi chotheratu kwa iwe, ndimalemekeza kwambiri kusankha kwako kwaufulu ndi chifuniro chako kuti ndisamakukakamize chilichonse cha masomphenya anga a dziko. Makamaka chifukwa m'chithunzi changa cha dziko munthu aliyense ali wolondola m'chowonadi chake, palibe chowonadi chabwino kwambiri kapena chowona koposa, koma chowonadi chilichonse chimabereka chenicheni chakecho, dziko lakelake, ndikupeza zifukwa zofunikira zotsimikizira ndikupangadi zowona zenizeni zochichirikiza. Funso sili lakuti chowonadi chako, chithunzi chako cha dziko, ndi cholondola bwanji, koma lakuti chowonadi chako chimakusangalatsa bwanji. Zochita zenizeni ndiye muyeso wa chowonadi, ndipo zochita zanga zikuwonetsa kuti chowonadi changa chimagwira ntchito ndithu – chandipatsa chisangalalo ine ndi anthu ozungulira ine, amene, ngati utafuna, tsiku lina nawenso udzakhala mmodzi wa iwo.