19. Причест на љубовта (Причестување на Едниот)

Ти се обраќам Тебе, Единствена Животворна Троице: Бог-Татко, Бог-Мајка, Бог-Дух Свет во мене, во секој од нас.

Те молам Тебе, Света Троице моја, отвори ја во мене во полна мера Христовата Свест, Свеста на Љубовта, Свеста на Создателот, кој владее со својата реалност, кој свесно ја создава својата реалност, својот свет во секој миг со Љубов, од Љубов и заради Љубов.

Подари ми, Троице моја Животворна, доживување на Љубовта како највисоко насладување. Исполни ја секоја клетка од моето тело, секоја струна на мојата душа, секој неврон од мојата свест со овој Божествен тек на Благодат, Блаженство, Радост во највисок степен, кои никогаш порано не сум ги знаел.

Пробуди го мојот разум, моето тело и мојата душа за сочувствување на Вистината – на она што ја зголемува Љубовта во мене и околу мене во секој миг, што го зголемува самиот Живот како пројава на Љубовта во сите нејзини аспекти.

Пробуди ја мојата душа кон најсуптилните, високовибрациски фреквенции на Љубовта, засили го моето восприемање и сетилно доживување на Љубовта како тек

на радост, наслада, благодат, восхит, ликување, душевен трепет, восхиление, вознесение, вдахновение, преображение, исцелување и уште многу, многу страни и нијанси на Љубовта, кои ѝ стануваат достапни на мојата душа во ова вечно живеење на Празникот на Животот, кој е Љубов Апсолутна, Безусловна и Вечна. Љубов, која и е моја Природа.

Очисти го моето тело од сите токсини и нечистотии, туѓи елементи, кои го блокираат живеењето на Љубовта во мене, соѕидај го моето тело како чист сад за Светиот Дух, Нашиот Единствен Дух, Духот на Силата, Љубовта и Чедноста во мене.

Обнови го Единството и Целовитоста на мојата свест од раздвоените полови на ништожноста и величието, соединувајќи ги во единствен спектар, единствена палета на Љубов, Среќа, соработка и сосоздавање.

Отвори во мене, во сите нас Божествени дарови, таланти, пројавени во материјалниот свет, како начин за излевање на оваа Љубов врз оние околу нас, како начин на взаемно дејствување со другите луѓе, сосоздатели, животни, растенија, самата Жива Планета, новите цивилизации и сите форми на живот кои некогаш биле, се и ќе бидат.

Обнови, Троице моја животворна, единство во мене и целовитост со сè што постои во мене и надвор од мене.

Научи ме во сè и секогаш да ја прифаќам и да ја гледам Причината само во себе, непрефрлајќи ја одговорноста на никој друг.

Татко мој, Мајко моја, Духу мој, потсетете ме што значи да се биде љубено дете на Бога, на Бог-Татко, Бог-Мајка, Бог-Дух, пројавено во мојата единствена, неповторлива човечка форма, човечки живот.

Потсети ме, Господи, дека освоив неверојатна шанса во огромната лотарија на Животот – шанса да бидам себеси!

Дека таа форма на Љубов, која ми е достапна мене, која се отвора преку мене и само преку мене може да биде доживеана, збогатувајќи ја ризницата на Единиот Бог, на Единиот Живот, го очекува токму моето воплотување и пројавување на таа Љубов.

И дека ја примам оваа Љубов не по моите заслуги, туку по Твојата благодат и по милоста на Единиот Бог, по милоста на Единствената Животворна Троица. И од тоа оваа Љубов е уште послатка. И од тоа ова Чудо на Љубовта се доживува од мене уште посилно.

Свесен сум дека моите индивидуални напори не се доволни, никогаш не биле и никогаш нема да бидат доволни за да ја заслужат оваа Љубов, но јас

вложувам во тоа онолку напори колку што можам, откривајќи го Царството Божјо внатре во себе.

Примајќи го целосно сиот Највисок Потенцијал на Љубовта на Бога во мене – Татко, Мајка, Дух Единствен по благодат и милост, со чудо воскреснувајќи кон Вечниот Живот од онаа сива, гробна рутина на секојдневните работи, кои ме водеа кон смртта како кон природен исход. Со чудо воскреснувајќи кон Празникот на Животот, во кој секој миг е неповторлив и трае од сега кон сега, и понатаму – само сега – Вечно Сега!

Со чудо воскреснувајќи кон вистинската смисла на Животот на секој од нас – кон Љубовта.

Се отворам за Љубовта и со тек на благодат ја впивам со сето срце, со сета душа, со сиот свој разум, со сето свое тело, со сета своја волја, со сите чувства, со сите нишки на својата душа.

Ти благодарам, Татко мој, Мајко моја, Духу мој, за тоа што ме раѓате како Бог-Христос во мојата уникатна човечка форма токму сега, помазаник за Царството Божјо во мојата уникатна реалност, во Едното Виножито на Животот, чиј дел сме сите ние. Зашто Ние Сме Едно. Ние Сме Љубов.

Благодарам за оваа Љубов. Слава Ти, Боже!

Слава Ти, Единствена Животворна Троице Наша, Единствен Бог-Татко, Единствена Божица-Мајка и Единствен Дух на Светоста, Целосната Мудрост, Љубовта, Вистината и Силата во мене!

Слава Ти, Духу Свети, Духу Единствен, Кој ме исполнува токму сега и ги истиснува сите стравови, вознемирености, грижи, ја пробудува секоја клетка од моето тело, секој неврон од мојата свест, секоја нишка од мојата душа, секоја моја внатрешна струна кон Вечниот Живот!

Слава Ти, Брате наш, Исусе Христе! Слава Ти, Господе наш!

Слава на сите нас што го избравме патот на Љубовта како највисока вредност, Слободата на Духот, Единството, Целовитоста и што ја прифативме Причината во себе, што во секој миг носиме одговорност за својата реалност и ги совладуваме вештините за владеење со себеси, владеење со светот, создавање на светот и раѓање на Љубовта во секој момент, како највисока вистинска смисла на Животот!

Амин. Нека биде така и веќе се исполни. Слава на Љубовта!

Искажи ја оваа Причесна на Љубовта гласно, или прочитај ја неколкупати во себе. Затоа што ОВА Е ЗА ТЕБЕ, Мој млад богу, Мој брате, Моја сестро, Мој возљубен пријателе.

13. Обнови ја својата Целовитост (Целомудрие). „Ја објавувам својата волја: Ја обновувам својата Целовитост во Духот: ги прифаќам во себе Бога Дух и Бога Татко и Бога Мајка и Светото Дете Божјо и Изворот Животворен. Ги соединувам преку себе половите на дуалната свест – ништожноста на човекот и Величието на Бога, немоќта и Силата, разделеноста и Единството, борбата и Согласноста, лагата и Вистината, стравот и Љубовта, смртта и Животот во Едното Виножито на Животот – исцелувајќи го прародителскиот грев на одвојување на човекот од Бога, отпуштајќи го срамот од ништожноста и гордоста на суетата на своето мало јас што го прикриваше, преродувајќи се од јас во Единственото Ние. Сè е во Мене. Сè веќе постои. И Ние Сме Едно. Ние Сме Љубов. Ние Сме Живот. Амин“.

Внимание! Секој чекор од Живата Технологија на Љубовта е самостојна вештина која во конкретна ситуација – дури и сама – може да те исполни со Љубов!

Затоа има смисла да ги совладаш сите како вештини на Новата Свест, Свеста на Создателот, и да ги применуваш како самостојни алатки од твојот широк арсенал на Мајстор на Божествената Љубов – според ситуацијата.

Како? Да посакаш и да изјавиш волја за тоа. А потоа да набљудуваш како сè ќе почне да се развива и да се склопува за исполнување на таа волја.....

Вечниот Живот настапи, и сега на тебе е да одлучиш како ќе го ЖИВЕЕШ.