19. Sevgi Birliyi (Birin Birliyi)

Mən Sənə üz tuturam, Vahid Həyatverici Üçlük: Ata-Tanrı, Ana-Tanrı, içimdə, hər birimizdə olan Müqəddəs Ruh-Tanrı.

Səndən diləyirəm, mənim Müqəddəs Üçlüyüm, içimdə Məsih Şüurunu, Sevgi Şüurunu, öz reallığına sahib olan, hər an öz reallığını, öz dünyasını Sevgi ilə, Sevgidən və Sevgi naminə şüurlu şəkildə yaradan Yaradan Şüurunu kamil şəkildə aç.

Mənə bəxş et, mənim Həyatverici Üçlüyüm, Sevgini ən uca zövq kimi yaşamağı. Bədənimin hər hüceyrəsini, ruhumun hər telini, şüurumun hər neyronunu əvvəllər heç vaxt dadmadığım bu İlahi Lütf, Səadət, ən ali dərəcəli Sevinc axını ilə doldur.

Ağlımı, bədənimi və ruhumu Həqiqəti duymağa oyat – o Həqiqəti ki, hər an içimdə və ətrafımda Sevgini artırır, Həyatın özünü bütün təzahürlərində Sevginin təcəssümü kimi çoxaldır.

Ruhumu Sevginin ən zərif, ən yüksək tezlikli vibrasiyalarına oyat, Sevginin bir axın kimi qavranılmasını və hissi yaşantısını gücləndir –

sevinc, həzz, lütf, vəcd, təntənə, qəlb həyəcanı, qanadlanma, ucalma, ilham, çevrilmə, şəfa və ruhum üçün Həyat Bayramının bu əbədi yaşantısında əlçatan olan Sevginin daha neçə-neçə yönləri və çalarları axını kimi; o Həyat Bayramı ki, Mütləq, Şərtsiz və Əbədi Sevgidir. O Sevgi ki, elə mənim Təbiətimdir.

Bədənimi içimdəki Sevgi yaşantısını bloklayan bütün zərərli maddələrdən, çirklərdən, yad ünsürlərdən təmizlə, bədənimi içimdəki Müqəddəs Ruh, Vahid Ruhumuz, Qüdrət, Sevgi və Saflıq Ruhu üçün pak bir qab kimi bərqərar et.

Şüurumun Vəhdətini və Bütövlüyünü heçlik və əzəmətin pərakəndə qütblərindən yenidən qur, onları Sevgi, Xoşbəxtlik, əməkdaşlıq və birgə yaradıcılığın vahid spektrində, vahid palitrasında birləşdir.

İçimdə, hamımızda bu Sevgini ətrafa saçmaq vasitəsi kimi, digər insanlarla, şərik-yaradıcılarla, heyvanlarla, bitkilərlə, Canlı Planetin özü ilə, yeni sivilizasiyalarla və nə vaxtsa olmuş, olan və olacaq bütün həyat formaları ilə qarşılıqlı əlaqə tərzi kimi maddi dünyada təcəssüm edən İlahi töhfələri, istedadları aşkara çıxar.

Bərpa et, mənim Həyatverici Üçlüyüm, içimdəki vəhdəti və daxilimdəki və xaricimdəki bütün varlıqla bütövlüyü.

Mənə hər şeydə və həmişə məsuliyyəti başqa heç kimin üzərinə atmadan Səbəbi yalnız Özümdə görməyi və qəbul etməyi öyrət.

Atam, Anam, Ruhum, mənə bənzərsiz, təkrarsız insan cildimdə, insan həyatımda təcəssüm etmiş Tanrının, Ata-Tanrının, Ana-Tanrının, Ruh-Tanrının sevimli övladı olmağın nə demək olduğunu xatırladın.

Mənə xatırlat, Ya Rəbb, Həyatın nəhəng lotereyasında inanılmaz bir şans – Özüm olmaq şansını qazandığımı!

Mənə əlçatan olan, mənim tərəfimdən açılan və Vahid Tanrının, Vahid Həyatın xəzinəsini zənginləşdirərək yalnız mənim tərəfimdən yaşana bilən Sevgi formasının məhz bu Sevginin mənim vasitəmlə təcəssümünü və təzahürünü gözlədiyini xatırlat.

Və bu Sevgini öz xidmətlərimə görə deyil, Sənin lütfünlə və Vahid Tanrının mərhəməti ilə, Vahid Həyatverici Üçlüyün mərhəməti ilə aldığımı. Və buna görə də bu Sevgi daha şirindir. Və buna görə də bu Sevgi Möcüzəsi mənim tərəfimdən daha parlaq yaşanır.

Dərk edirəm ki, bu Sevgiyə layiq olmaq üçün mənim fərdi səylərim yetərli deyil, heç vaxt yetərli olmayıb və heç vaxt yetərli olmayacaq, lakin mən

içimdə Tanrının Səltənətini açaraq, buna bacardığım qədər çox cəhd göstərirəm.

İçimdəki Tanrı Sevgisinin — Atanın, Ananın, Vahid Ruhun bütün Ən Uca Potensialını lütf və mərhəmətlə tam şəkildə alaraq, məni təbii sonluq kimi ölümə aparan gündəlik işlərin o boz, məzar sükutundan Əbədi Həyata möcüzəvi şəkildə dirilərək. Hər anın təkrarsız olduğu və indidən indiyə, daha sonra isə yalnız indiyə — Əbədi İndiyə qovuşduğu Həyat Bayramına möcüzəvi şəkildə dirilərək!

Hər birimizin Həyatının həqiqi mənasına — Sevgiyə möcüzəvi şəkildə dirilərək.

Mən Sevgiyə açılıram və lütf axını ilə onu bütün qəlbimlə, bütün ruhumla, bütün idrakımla, bütün bədənimlə, bütün iradəmlə, bütün duyğularımla, ruhumun bütün zərrələri ilə qəbul edirəm.

Sənə şükür edirəm, Atam, Anam, Ruhum, məni indi, elə bu an öz bənzərsiz insan cildimdə Tanrı-Məsih olaraq, öz bənzərsiz reallığımda, hamımızın bir parçası olduğumuz Vahid Həyat Göyqurşağında Tanrı Səltənətinə məsh edilmiş kimi doğduğunuz üçün. Çünki Biz Birik. Biz Sevgiyik.

Bu Sevgiyə görə şükürlər olsun. Şan olsun Sənə, İlahi!

Şan olsun Sənə, Vahid Həyatverici Üçlüyümüz, Vahid Ata-Tanrı, Vahid Ana-Tanrıça və içimdəki Vahid Müqəddəslik, Bütöv Hikmət, Sevgi, Həqiqət və Qüdrət Ruhu!

Şan olsun Sənə, Müqəddəs Ruh, Vahid Ruh, Hansı ki, elə indicə məni doldurur və bütün qorxuları, təşvişləri, həyəcanları qovub çıxarır, bədənimin hər hüceyrəsini, şüurumun hər neyronunu, ruhumun hər lifini, daxili varlığımın hər telini Əbədi Həyata oyadır!

Şan olsun Sənə, Qardaşımız İsa Məsih! Şan olsun Sənə, Rəbbimiz!

Ən ali dəyər kimi Sevgi yolunu, Ruhun Azadlığını, Vəhdəti, Bütövlüyü seçən və Səbəbi özündə qəbul edən, hər an öz reallığı üçün məsuliyyət daşıyan və özünə hakim olma, dünyaya hakim olma, dünya yaratma və Həyatın ən ali həqiqi mənası kimi hər anda Sevgi doğurma vərdişlərinə yiyələnən hamımıza eşq olsun!

Amin. Qoy belə olsun və artıq gerçəkləşdi. Şan olsun Sevgiyə!

Bu Sevgi Qovuşmasını ucadan söylə, yaxud bir neçə dəfə ürəyində oxu. Çünki BU SƏNİN HAQQINDADIR, Mənim gənc tanrım, Mənim qardaşım, Mənim bacım, Mənim sevimli dostum.

13. Bütövlüyünü (Saflığını) bərpa et. «Mən öz iradəmi bəyan edirəm: Mən Ruhda öz Bütövlüyümü bərpa edirəm: mən öz içimdə Ruh Tanrını və Ata Tanrını və Ana Tanrını və Müqəddəs Tanrı Övladını və Həyatverici Mənbəyi qəbul edirəm. Mən ikili şüurun qütblərini – insanın heçliyi ilə Tanrının Əzəmətini, acizlik ilə Qüdrəti, ayrılıq ilə Vəhdəti, mübarizə ilə Razılığı, yalan ilə Həqiqəti, qorxu ilə Sevgini, ölüm ilə Həyatı Vahid Həyat Göyqurşağında öz varlığımla birləşdirirəm – insanın Tanrıdan ayrılması kimi ilk günahı sağaldaraq, heçlik utancını və onu ört-basdır edən kiçik mən-imin təkəbbürünü buraxaraq, mən-dən Vahid Biz-ə yenidən doğularaq. Hər şey Məndədir. Hər şey artıq var. Və Biz Birik. Biz Sevgiyik. Biz Həyatıq. Amin».

Diqqət! Canlı Sevgi Texnologiyasının hər bir addımı müstəqil bir bacarıqdır ki, konkret vəziyyətdə – hətta təkbaşına – səni Sevgi ilə doldura bilər!

Buna görə də onların hamısını Yeni Şüurun, Yaradan Şüurunun vərdişləri kimi mənimsəmək və İlahi Sevgi Ustasının zəngin cəbbəxanasından müstəqil alətlər kimi vəziyyətə uyğun tətbiq etmək mənalıdır.

Necə? İstəmək və buna iradə bəyan etmək. Sonra isə hər şeyin bu iradənin yerinə yetirilməsi yolunda necə açılmağa və formalaşmağa başladığını müşahidə etmək.....

Əbədi Həyat gəldi və indi onu necə YAŞAYACAĞINA qərar vermək sənin ixtiyarındadır.