17. Ләззат

Ләззат дегеніміз қате, азғындық, ұят нәрсе деп есептеу қалыптасқан еді. Егер біз руханият, махаббат, қасиеттілік және Құдай туралы сөз қозғасақ, бұл міндетті түрде қасірет пен ұлы азап жайында болуы тиіс деп саналды.

Құдай – бұл ең алдымен, Ләззат. Мәсіх бізге 10 өсиет қалдырды. Және бұл «кісі өлтірме және ұрлық қылма» туралы емес – олар Мұсаның өсиеттері, Көне Өсиеттің өсиеттері. Ал Мәсіх болса Жаңа Өсиеттің 10 өсиетін қалдырды. Олардың 1 өсиеті Махаббат туралы, ал 9-ы – Рақат өсиеттері. Ал Рақат дегеніміз не? Рақат – бұл ләззаттың ең жоғарғы дәрежесі.

Бар болғаны, Мәсіх бізге Ләззатқа апаратын ерекше жолды көрсетеді. Біз үйренген жолды емес. Ол былай дейді – ләззат пен ләззаттың арасы жер мен көктей, және Сенің сыртқы қайнарлардың есебінен тәніңді рақаттандырған әлгі ләззатың: қомағайлық, нәпсіқұмарлық, зинақорлық, алкоголь, есірткі, ойын-сауық, өзгелерге билік жүргізу – Сені күйретіп, қуатыңды түбімен жеп тауысты (есіңе салайын, ол Саған 120 жылға берілген еді, ал Сен оны демалыс күндері – түгелдей – құртып жіберуге тырыстың)). Оның үстіне мұны ләззат деп атау да қиын еді, сыртқы ләззаттар әрдайым қанағатсыздықтың табын қалдыратын, Саған әрқашан аз болып көрінетін, Сен олардан көбірек нәрсе күтіп – дәмеленетінсің, ал соңында – көңілің қалатын. Және сайын сайын мұндай ләззат

барған сайын ләззаты азайып, көмескіленіп, жоққа айналатын. Ләззат алу қабілетінің өзі жоғалатын. Негізінде, бұл тәтті қаптамадағы ащы дәм еді.

Бірақ Мәсіх айтқандай, Сенің болмысыңа тән сондай бір Ләззат, Жоғарғы Ләззат бар – ол ешқандай сыртқы нәрсеге тәуелді емес, және ол Сен білген барлық сыртқы қызықтардан әлдеқайда қуатты ғана емес, – нағыз ләззат-Ләззат, Рақат дәрежесіндегі ләззат болып табылады, әрі ол кемел қанағат пен толықтық сезімін сыйлап қана қоймай, әр кез сайын барған сайын күшейіп, сан алуан бола түседі. Бұл – шынайы – абсолютті, шартсыз, мәңгілік – Махаббаттан, Құдайы Қуат сезімінен, Ақиқаттың Өзін сезінуден – өзіңнің Құдайы табиғатыңмен, Құдаймен, ішіңдегі Ләззаттың қайнар Көзінің Өзімен тұтасудан туатын Ләззат.

Мәсіх дәл осы Рақат күйін Құдай Патшалығы деп атайды және бұған күмәнданбауымыз үшін, мұның қандай да бір сыртқы аңызға айналған жұмақ елі емес, ішкі жан-күй туралы екенін арнайы қосып айтады:

«Өйткені, міне, Құдай Патшалығы өз іштеріңде».

Иә, бұл Ләззат бізден белгілі бір күш-жігерді, ерік-жігер танытуды талап етеді, сондықтан қасиетті әкейлер ол туралы бұл ащы қаптамаға оралған тәттілік дейді. Бірақ ойланып қарашы, ерік, Өзіңді билеу – өздігінен-ақ

ләззат беретін дүние. Нәтижесінде біз мінсіз формуланы аламыз: Ләззатты арттыратын ләззат. Ерік – бұл ләззат, орыс тілінде «воля» сөзінің бостандықтың да синонимі болуы бекер емес. Ерік – бұл ләззат, өйткені ешбір сыртқы азғырулар Саған билік жүргізе алмайтынын, өз назарыңа, тәніңнің құмарлықтарына Өзің иелік ететініңді және оларды микрофлораң мен гормондарыңа (жын-шайтан деп оқы) емес, Өзіңе қажет нәрсеге бағыттай алатыныңды сезіну сондай ғанибет. Шынайы еркін болу, осы еркіндікті сезіну, осы еркіндіктен ләззат алу қандай тамаша! Ақша мен сыртқы билік беретін елестің орнына Нағыз Еркіндікке ие болу. Өйткені түптеп келгенде, ақша мен сыртқы билік – бұл құлдық нәпсіні қанағаттандырудың ғана тәсілі. Нағыз Еркіндік пен шынайы Ләззат үшін оның ешқайсысы да – ақша да, билік те – қажет емес, Нағыз Еркіндік пен шынайы Ләззат үшін тек Өзіңді билей алу ғана қажет.

Міне, осы Ләззат үшін әулиелер дүниеден безіп, аскезаға кетіп, ораза тұтып, үзіліссіз дұға ету, бағана үстінде тұру және түнгі құлшылық ету ерліктерін жасады – өз ішіндегі Құдаймен тұтасудың Ләззаты, Жоғарғы Ләззаты үшін. Және осы Шапағатты, барлық Құдайы кемелдігіндегі осы Рақатты жинап, ұрпақтар сабақтастығымен Рух Қазынасын толтырған олардың қызметінің арқасында, Сен екеумізге өмір сүру бақыты бұйырған осы уақыт үшін, қасиетті әкейлер мен Мәсіхтің Өзі «келер заман» деп атаған уақыт үшін, – әулиелердің жиынтық

ерлігінің арқасында, бізге – бүгінде – бұл Ләззат дерлік тегін бұйырып отыр.

Сенен тек Мәсіхтің Махаббат Причастиесін өтіп, ерік-жігеріңді білдіру және ішіңдегі Құдаймен тұтасып, тәнің мен жаныңды тазарту ғана талап етіледі – сырттай оразамен, сырттай тыйылумен, ал іштей – Ақиқат пен Рухтың нағыз той-мейрамымен, ішіңдегі Құдайы Қатысудың Тірі Сөзімен, Құдаймен Ішкі Сұхбаттың Тірі Сөзімен, бастан кешірілетін тереңдігінің байлығы, күші мен реңктерінің алуан түрлілігі жағынан өзіне теңдессіз Махаббат Ләззатымен – жан толқынысынан бастап Экстазды Рақат пен Ақиқаттың Құдайы Шапағатына дейін, ол Біртұтас Қазіргі сәтте, бүкіл Бар Болмыспен Тұтасу актісінде, Саған Болмыстың бүкіл көпөлшемді және көпәлемді көрінісін ашады. Құдайдың Болмысын, Рухтың Болмысын, бүкіл Әлемнің Болмысын ашады, ол – осы сәтте Сен мұны анық көріп, бүкіл болмысыңмен сезінесің – барлығы, тұтастай, Сенің Ішіңде қамтылған. Өйткені Біз – Бірміз.

Құдай – бұл Ләззат. Және Құдай біздің Жиынтық Ең Жоғарғы Әлеуетіміз ретінде Саған бұл Ләззатты жеке еңбегің үшін емес, Құдайдың Мейірімімен сыйлайды, Сенің жаныңды да, тәніңді де, ақыл-ойыңды да барлық азаптардан, қорқыныштар мен ауырсынулардан, күнәнің осы бүкіл еріксіздігінен және сыртқы нәрселерге тәуелділіктен, Саған таңылған әрі санасыз түрде қабылданған сенімдер мен көзқарастардың зынданынан сатып алып, – Өзінің Құдайы Санасына Қосылудың қарапайым актісімен және

Сенің тарапыңнан – бүкіл Адамзаттың күнәлары үшін, адамның өз шынайы табиғатынан алшақтау тәжірибелерінің барлығы үшін көз жұмған, көне адам болып өліп, Құдайланған және Қасиетті Жаңа Адам болып қайта тірілген Мәсіхтің, Ұжымдық Мәсіхтің осы Өтемдік Құрбандығын сезінуімен және қабылдауымен азат етеді – Мәңгілік Өмір үшін және Махаббаттың, Қуаттың, Ақиқаттың Құдайы қасиеттерінен Мәңгі Ләззат алу үшін әрі Ананың сарқылмас Молшылығында Әкемен Мәңгілік бірлесе жарату үшін қайта тірілген – Сенің ішіңде қайта тірілген, Менің сүйікті досым.