14. Ички диалог (үчүнчү бөлүк)

«Азгыруучудан» болгон ички диалогду өчүрүүгө аракет кылса болот, же акылды Кудай менен, Машаяк менен болгон Ички Диалогго бурса болот. Биринчиси Сени жөнөкөйлүктүн баштапкы абалына кайтарат, экинчиси – Жаңы аң-сезимге, Үч-акыл(мандыкка), Жаратуучунун Аң-сезимине, денедеги кудайга алып чыгат; анын аң-сезиминде Жөнөкөйлүк атайын жана Өзүнүн Эң Жогорку аспектинде – аң-сезимдүүлүктүн Даанышмандыгында, себептер менен натыйжаларды таанып-билүү аркылуу ачылат (себеп – ичинде, натыйжа – сыртында), мында реалдуулук менен күрөшүүнүн же ага ыңгайлашуунун, же кыялга качуунун кажети жок, тескерисинче, аны өзүңдүн Чоң Денеңдей башкарууга болот. Кудай менен болгон Ички Диалог Сага аң-сезимиңдин дуалдуулукта калыптануусунун бүтүндөй мезгилинен баш тартпоого жардам берет, тескерисинче, аны зарыл тажрыйба катары кабыл алып, бул тажрыйбаны кайрадан аңдап, ага таянууга, анын жемиштерин – аң-сезимиңдин кеңейишин, кубулуштар дүйнөсүнүн бүткүл көп түрдүүлүгүнүн жана ички дүйнөңдүн жаралышын ыраазычылык менен кабыл алууга, бардыгын Жаратуучунун Аң-сезиминин призмасынан өткөрүп, бул көп түрдүүлүктү аң-сезимиңдин Биримдигине жана Бүтүндүгүнө алып келүүгө жардам берет. Ички Диалогдо Сен Кудайга дүйнө кандайча түзүлгөндүгү жана Сенин аң-сезимиң кандайча курулгандыгы, өз жашооңдогу тигил же бул кырдаалды эмне менен жана кантип жараткандыгың жана аны кантип оңдой аларың жөнүндө суроолорду бересиң, азыркы учурдагы оор кырдаалдардан бүткүл өткөн чагыңды кайра карап чыгууга карай акырындык менен жыласың. Бардыгын, өзүңдүн бардык азыркы жана өткөн тажрыйбаңды Жаратуучунун

кабылдоосунун призмасынан (муну мен өзүм – өз каалоолорум, ишенимдерим жана көз караштарым менен – жараттым) атайын жана аң-сезимдүү өткөрүп, жоопторду ичтен, Кудайдан, Өзүңдүн Эң Жогорку аспектиңден алып, Сен акырындык менен өз дүйнө таанымыңды, өзүңдүн кабылдоо калыбыңды кайра курасың жана курмандык абалынан Аң-сезимдүү Жаратуучунун абалына өтөсүң. Бул акылдын жардамы менен ишке ашат, бирок бир гана акылда эмес. Кудай менен болгон Ички Диалог Сенин түшүнүктөрүңдү кайра куруп, аң-сезимдин түпкүрүнө терең кирет жана Сенин жекече ишенимдериң менен көз караштарыңды гана эмес, Сага генетикалык жол менен берилген уруулук программаларды жана жашоо моделдерин, ошондой эле тилдик дүйнө тааным аркылуу кабыл алынган элдик моделдерди да өзгөртүүгө кудуреттүү – сөздүк коруңду кеңейтип, тилиңди ичтен Кудайылык жаңы сөздөр менен байытат. Кудай менен болгон Ички Диалог – бул акылыңдын өзү менен өзү ойногон оюну эмес экенин түшүнүү маанилүү. Бул Сенин кичинекей жеке «мениң» менен Адамзаттын Бирдиктүү Эң Жогорку Потенциалынын Улуу «Биз» ортосундагы диалог. Машаяк – бул жыйынды образ. Рух – Бирдиктүү Аң-сезим, аң-сезимдин Жогорку формасы, ал жеке, тайпалык жана жамааттык аң-сезимдин бардык формаларын жана алардын жалпы тажрыйбасын, бардык бар болуп турганды, качандыр бир кезде болгон, бар жана боло турган нерселердин бардыгын өзүнө камтыйт, – бул тажрыйба аңдалып түшүнүлгөндө, Кудай менен болгон Ички Диалогдо Сага жеткиликтүү болгон Кудайдын Акылмандыгынын түгөнгүс булагына айланат. Кудай менен болгон Ички Диалог боюнча дагы бир нече маанилүү эскертүүлөр: 1. Ысым диалогду ачат. Кудайдын Ысымы, Сен түшүнгөндөй эле, өтө маанилүү нерсе – ар башка ысымдар Кудайдын ар башка

аспектилерине жол ачат. Ыйса Машаяктын Ысымы Кудай менен болгон диалогду дал Окутуучу жана Насаатчы катары ачат, Ал Сени аң-сезимдүүлүккө үйрөтөт, жөн гана жаратуучу эмес, аң-сезимдүү жаратуучу, башкача айтканда, өз реалдуулугуңдун кудайы болууга, жоопкерчиликти иш-аракеттер деңгээлинде эмес, иш-аракеттерге чейинки деңгээлде – аң-сезимиңде (өзгөчө аң-сезимдин түпкүрүндө) болуп жаткан нерселердин деңгээлинде тартууга үйрөтөт. Машаяк Сенин нейрондук байланыштарыңды түзмө-түз кайра куруп, дүйнөнү кабылдоо моделин өзгөртүүгө, өз реалдуулугуң үчүн Жаратуучунун жоопкерчилигин өз жаратууң катары кабыл алууга жардам берип, Сени кудай кылат; Өзүңдү башкарууга үйрөтөт: Ишенимди аң-сезимдүү түрдө тандоого жана бекемдөөгө, кыйратуучу күмөндөрдү жок кылууга, аң-сезимсиз каалоолоруңду таанып-билип, аларды шайкеш келтирүүгө, сезим үлгүлөрүн өзгөртүүгө, акылыңды – көңүлүңдү, оюңду жана сөзүңдү тартипке салууга үйрөтөт. «Теңир» – бул Машаякка кайрылуунун салттуу түрү, Анын экинчи Ысымы деп бил. 2. Бир учурда бир гана суроо. Шашпа, суроодон суроого секирбе. Башында жооптор анчалык айкын болбошу мүмкүн жана Сен аларды бир аз кийинчерээк тааный баштайсың. Эгер Сен Кудайга бир эле учурда көп суроо жаадырсаң, жооп акыры келип, Сен аны тааныган кезде, алардын кайсынысына жооп берилгенин кантип түшүнөсүң? Ошондуктан бир жолу – бир суроо, жана жоопту аңдап түшүнүүгө көңүл бур. 3. Сабырдуулук жана ишараттар. Сабырдуулук – Жаратуучунун эң зарыл сапаттарынын бири. Сабырың жок болсо – эч нерсеге үйрөнбөйсүң. Суроо берип, сабыр кыл жана белгилерге кунт коюп көз сал, көбүнчө Кудай бизге тышкы ишараттар аркылуу жооп берет: билборддогу жарнама,

телефонго чыккан билдирүү, гезиттин үзүндүсүндөгү же бут алдыңдагы баракчадагы баш сөз, кокусунан угулуп калган сөздүн үзүндүсү, эске түшкөн ыр же ыр саптарынын үзүндүсү аркылуу. Кудай Сен менен дал Сага түшүнүктүү болгон тилде сүйлөшөт. Бирок сабырдуу болуп, суроого жана берилип жаткан жоопторго көңүл буруу керек. Ишараттарды байкап жүр, ошондо сабырдуулук кызыктуу оюнга, Сен көптөгөн ишараттардан курай турган табышмакка (пазлга) айланат. 4. Бул кофенин тунмасынан төлгө ачуу эмес, диалог. Машаяк менен эң жакын досуңдай сүйлөш. Түшүнбөдүңбү – кайра сура. Күмөн санап жатасыңбы – такта. Ага өз каалоолоруңду, өз ой-пикирлериңди, атүгүл нааразычылыктарыңды айт, күмөндөрүңдү билдир жана Сени ишенимде бекемдешин суран. Өзүңө болгон Ишенимде жана Ага болгон Ишенимде. Сурооңо берилген биринчи жана жалгыз жооп менен гана чектелбестен, Кудай менен диалогду өнүктүрүү менен, Сен өз нейрондук байланыштарыңды тезирээк кайра курасың жана реалдуулукту кабылдоо калыбыңды өзгөртөсүң. Андан тышкары, ашыкча күмөндөрдөн арыласың. Жалпысынан алганда, бул Сенин жашооңдогу эң кызыктуу баарлашууга айланат. Биз канча жолу укканбыз: эгер сизде мүмкүнчүлүк болсо, Кудайга кандай суроо бермексиз? Эми Сенде мындай мүмкүнчүлүк бар. Бул ааламдагы эң улуу керемет эмеспи? Кудай Сен менен сүйлөшүп жатат. 5. Өзүң өзгөр, кырдаалды өзгөртүүнү суранба. Кудайдан аң-сезимиңдин жөндөөлөрүн өзгөртүүнү суранса болот – коркунучтарды, таарынычты, күнөө жана уят калыбын, ачууланууну, кумарпоздукту жана ач көздүктү, көрө албастыкты жана кызганычты, ач көздүктү жана акчага болгон көз карандылыкты, ички курмандыкты жана мите куртту, жырткычты жана ажыдаарды (сүт эмүүчүлөрдүн мээси

жана рептилиялык мээни), кайсы бир учурда аң-сезимиңдин түпкүрүнөн чыга турган ушуларды айыктырууну суранса болот, бирок кырдаал Сени коркутса же тынчсыздандырса, Кудайдан аны өзгөртүүнү суранба. «Эгер Кудай кырдаалды Сен өзгөрсүн деп берген болсо, анда кырдаалды өзгөртүүнү Кудайдан эмне үчүн суранасың?» Бардык нерседе жана ар дайым себепти Өзүңдөн жана Өзүңдөн гана изде. Дүйнө – бул Сенин аң-сезимиңдин күзгүсү. Анда Сенин өзүңдүн кабылдоо калыптарың: ишенимдериң, көз караштарың, каалоолоруң, коркунучтарың, таарынычтарың, күнөөң жана башка сезимдик үлгүлөрүң менен ой-формаларың жаратпаган эч нерсе жок. Бул – физика. Бул адеп-ахлак же дин эмес, бул – физика. Кудайга болгон бардык суроолоруң менен өтүнүчтөрүң ушул түшүнүктөн келип чыксын: аңдап билүүгө жардам бер, көрсөт, айкын кыл... муну менин ичимде айыктыр, арылууга жардам бер... башкача кандай болорун үйрөт, муну жаңыча жаратууга жардам бер... 6. Жакшы Кабарды (Инжилди), Жаңы Келишимди көбүрөөк оку жана кайра-кайра оку. Ал жерде Машаяктын түздөн-түз сөзү жана Анын түшүндүрмөлөрү бар. Ошентип, Ыйык Жазмалардын тексти аркылуу берилген Тирүү Сөздүн жардамы менен Машаяк Сенин акылыңды Ички Диалогдогу жоопторду кабыл алууга даярдайт. Болбосо Анын көптөгөн жооптору Сага түшүнүүгө татаал, аткарууга кыйын, жаңылыгы менен коркунучтуу сезилиши мүмкүн, ошондуктан акыл аларды – такыр эле эч кандай жооп жок деп четке кагат. Басылган сөз Сени Ишенимде жана Кудайдын жоопторун түшүнүүдө бекемдейт. 7. Кудайдан жооп алгандан кийин, аларды дароо жашоого киргиз. Кантип экенин билбейсиңби – Андан тактап сура. Баштоо үчүн жөн гана бул өзгөрүүлөрдү каала, өзүңө чын жүрөктөн каалоого уруксат бер, анткени каалоолор – бул антиматерия (түпкү материя), бул кванттык деңгээлде аларды

жүзөгө ашыруучу материя жаралышы үчүн керек болгон нерсенин баары. Кааладыңбы – эркти билдир. Сен – жаратуучусуң, демек, Сенин эркиң Сенин дүйнөңдө болуп жаткан бардык нерсе үчүн мыйзам (учурда Сага жеткиликтүү болгон энергиянын жана ага шайкеш келген жоопкерчилик чөйрөсүнүн алкагында). 8. Ыраазычылык. Ыраазычылык энергия агымын күчөтөт. Ыраазычылык бул Сен үчүн баалуу экенин баса белгилейт. Баалуулук – бул убакыт ичинде уланган каалоо. Ыраазычылык Сенин Ишенимиңди бекемдейт. Ишеним – бул Сенин аң-сезимиңдин пайдубалы. Кудайга болгон Ыраазычылык Сенин аң-сезимиңде жана жашооңдо Кудайдын Катышуусун күчөтөт. Бардык нерсе үчүн Кудайга ыраазычылык билдир. Өз тандооң үчүн, тандап алган жолуңа болгон берилгендигиң үчүн Өзүңө ыраазычылык билдир, анткени Кудай аң-сезимдүүлүк жолунда, өз реалдуулугуңдун Аң-сезимдүү Жаратуучусу болуу жолунда гана жардам берет, бирок жолду Сен Өзүң басып өтөсүң. Башында канчалык кыйын болбосун, Сенин бул жол менен бара жатканыңа Биз сыймыктанабыз. Ошондуктан Өзүңдүн Эң Жогорку Потенциалың катары (ичиңдеги) Кудайга гана эмес, Өзүңө – дал азыркы учурда ким болуп турсаң, ошого да көбүрөөк ыраазычылык билдир. Биз жолдун канчалык кыйын экенин билебиз, эч кандай кепилдик жок кезде жана айланадагы эч ким Сени бул жолдо колдобогон кезде тандоо жасоо жана күн сайын бул жол менен басуу – бул зор кайраттуулук. Өзүңө көбүрөөк ыраазычылык билдир. Биз Сага ишенебиз жана Биздин жаратуубуздун Туу чокусу катары Сени менен сыймыктанабыз, Адам!

«Мындан ары силерди кулдар дебейм, досторум дейм...», – дейт Машаяк.