90. अल-बलाद

1हामीलाई यस नगर (मक्का) को कसम ।

2र तपाई यसै नगरमा त बस्नु हुन्छ ।

3र मानवीय बाबु र उसको सन्ततिको कसम ।

4निःसन्देह हामीले मानिसलाई धेरै दुःखमा पैदा गरेका छौं ।

5के उसले यो ठान्दछ कि उसमाथि कसैको नियन्त्रण छैन ।

6भन्दछ कि मैले धेरै माल सम्पत्ति खर्च गरिदिएँ ।

7के उसलाई यो लाग्दछ कि कसैले उसलाई देखेन ।

8के हामीले उसलाई दुईटा आँखा दिएनौं ।

9र जिब्रो र दुईटा ओठ (दिएनौं)

10र उसलाई दुवै मार्ग पनि देखायौं ।

11त उसले त्यो घाटीमा पस्न सकेन

12र तिमीलाई के थाहा कि त्यो घाटी के हो

13(कसैको) गरदनलाई (दासत्वबाट) मुक्ति दिलाउनु ।

14वा भोकको दिन खाना खुवाउनु ।

15कुनै नातेदार अनाथलाई

16वा धूलधूसरित (फकिर) भिक्षुलाई ।

17अनि ती मानिसहरूमा शम्मिलित हुन सक्थ्यौ जसले ईमान ल्याउँछन् र एक अर्कालाई धैर्य राख्न र दया गर्नुको निम्ति शिक्षा दिन्छन् ।

18यी मानिसहरू नै दायाँ हातवाला हुन् ।

19र जसले हाम्रा आयतहरूलाई मानेनन् उनीहरू बायाँ हातवाला हुन् ।

20यिनीहरूमाथि नै आगो हुनेछ जो चारैतिरबाट घेरेको हुनेछ ।