89. Аль-Фажр

1Таңгаант

2Онтүнгөант

3Жуп менен такка ант

4Жана өтүп жаткан түнгө ант

5Ушул(айтылганд)арда акылдуу адам үчүн (канааттандырарлык) ант бар болсо керек эле

6Раббиң Аад коомун эмне кылганын көрбөдүңбү

7(Түркүктүү Ирамды) (эмне кылганынчы)

8Ага окшогону эч бир өлкөдө жаратылбаган эле

9Жана өрөөндө (үй куруу үчүн) аска зоолорду ойгон Самуд коомун (Раббиң эмне кылганын көрбөдүңбү)

10Кубаттуу аскерлердин ээси Фираунду (кандай жазалаганын көрбөдүңбү)

11Алар (ар кайсы) өлкөлөрдө чектен чыгып кетишкен

12жана бузукулукту көбөйтүшкөн болчу

13Раббиң алардын башына ар түрдүү азаптарды жаадырды

14Чынында, Раббиң көзөмөлдөп туруучу

15Раббиси инсанды (байлык менен) сынап, ага жоомарттык көргөзсө жана нээмат берсе “Раббим мени урматтады” дейт

16Ал эми, аны (кембагалдык менен) сынап, ырыскысын ченеп берсе, “Раббим мени кордоду” дейт

17Жок! Силер жетимди ызааттабайсыңар

18Кедейди тамактандырууга (бири-бириңерди) үгүттөбөйсүңөр

19Жана (жетимге тиешелүү) мурасты суктук менен жейсиңер

20Жана мал-дүйнөнү жан-дилиңер менен сүйөсүңөр

21Жок! Качан (Кыямат башталып) жер катуу титирегенде

22жана Раббиң менен периштелер сап-сап болуп келгенде

23Ошол күнү тозок жакын алып келингенде, дал ошол күнү гана (каапыр) инсан (бул дүйнөдөгү каталарын) эстейт. Бирок, эми (бул) эстөө ага пайда берсе кана

24(Ошондо ал) “Кана эми, (Акыреттеги) жашоомо (кандайдыр сооп) алып келген болсом!” дейт

25Ал күнү Аллаһ азаптагандай эч ким азаптай албайт

26Аллаһ байлагандай эч ким байлай албайт

27О,тынч- бейпил жан

28(Менден) ыраазы болгон жана (Мени) ыраазы кылган абалда Раббиңе кайткын

29Менин (жакшы) пенделериме кошулгун

30жана Менин Бейишиме киргин