89. Al-Fajr

1Demi wayah bangun esuk

2Demi malem tanggal sepuluh (sasi Dzul Hijjah)

3Demi cacah genep lan cacah ganjil

4Demi wengi kang kawitan lan wekasan

5Anggoningsun supata mangkono mau (sing bisa ditampa) wong kang ana akale

6Sira apa ora andeleng Allah Pangeranira anggone numpes wong 'Aad

7(Bongsa) Iram, tur padha gagah prakosa lan gedhe dhuwur

8Kang ing negara (liyane) ora ana kang diparingi kaya mangkono

9Lan (marang bangsa) Tsamud, kang anatah watu ing jurang - jurang

10Lan anggone numpes Fir'aun kang duwe bala

11Kang atindak gumedhe ana ing negara - negara

12Banget anggone gawe rusak ana ing negarane

13Allah Pangeranira banjur nurunake siksa warna - warna marang dheweke

14Satemene Allah Pangeranira angawasake

15Wondene manungsa iku manawa dicoba dening Pangerane anyoba marang awake, nuli maringi kamulyan lan kamukten banjur kondha, "Pangeranku mulyakake aku

16Nanging samongsa dicoba (liyane) banjur rejekine dicumpi banjur kondha, "Pangeranku anginakake aku

17Ora! nangeng kowe padha ora gelem welas asih marang bocah yatim

18Lan ora akon aweh pangan marang wong miskin

19Lan padha ngukub tinggalane wong mati kelawan banget

20Lan padha dhemen banget bondho

21O, samongsa bumi rinemuk ajur - mumur

22Parentahe Pangeranira kaleksanan lan malaekat jejer - jejer

23Ing dina iku neraka Jahan ditekakake. Ing dina iku wong bakal eling nanging apa gunae eling iku

24Dheweke bakal kondha, "O, bok aku iki biyen duwea ngamal kanggo uripku saiki iki

25Ing dina iki ora ana wong bisa nguasani siksaning Allah

26Lan ora wong bisa nyentosani kaya anggone nyentosani Allah

27E, jiwa kang tentrem

28Sira baliya seba ing ngarsane Pangeranira, kelawan lega, tampa ganjaran, tur kalilan marga saka lakunira becik

29Sira malebua golongane para kawulaningsun kang becik

30Lan malebua ing suwarganingsun