86. અત-તારિક

1સોગંદ છે આકાશના અને રાતમાં પ્રગટ થનારના

2તમને ખબર પણ છે કે તે રાતમાં પ્રગટ થનાર શું છે

3તે ચમકતો તારો છે

4કોઇ (જીવ) એવો નથી જેના ઉપર દેખરેખ રાખનાર (ફરિશ્તા) ન હોય

5માનવીએ જોવું જોઇએ કે તે કઇ વસ્તુથી પેદા કરવામાં આવ્યો છે

6તે એક ઉછળતા પાણીથી પેદા કરવામાં આવ્યો છે

7જે પીઠ અને છાતી વચ્ચેથી નીકળે છે

8ચોક્કસપણે તે (અલ્લાહ) તેને ફરીવાર લાવવા પર શક્તિમાન છે

9જે દિવસે ગુપ્ત રહસ્યોની તપાસ થશે

10તો નહીં હોય તેની પાસે કંઇ શક્તિ, ન સહાયક

11વરસાદવાળા આકાશના સોગંદ

12અને ફાટવાવાળી જમીનના સોગંદ

13વાસ્તવમાં આ (કુરઆન) સંપૂર્ણ ફેસલો કરવાવાળો કલામ છે

14આ ઠઠ્ઠા-મજાક (ફાયદા વગરની) વાત નથી

15ખરેખર ઇન્કારીઓ યુક્તિ કરી રહ્યા છે

16અને હું પણ એક યુક્તિ કરી રહ્યો છું

17તુ ઇન્કારીઓને સમય આપ, તેમને થોડાક દિવસ છોડી દે