77. Al-Mursalaat

1Waa igu dabeylaha la isaga soo daba diro joogto (danaha aadmiga) awgi

2Waa igu dabaylaha sida daran u kaca

3Ee u kaxeeya daruuraha meelahooda looga tala galay

4Kuwa kala saara (Xaqa iyo baadilka) kala saarid dhan

5Misna waa igu malaa’igta keena Waxyiga

6Si loo caddeeyo (Xaqa), ama loo digo

7Hubaal, waxa la idiinku gooddiyo waa wax dhacaya

8Ee marka xiddiguhu beelaan nuurkooda

9Oo marka samada u kala dhambalmanto gaballo

10Oo marka buuraha la firdhiyo boor sidi

11Oo marka Rususha loo soo kulmiyo waqtigii loo qabtay

12Maalintee baa muddadaa loo qabtay

13Maalinta kala baxa

14Oo maxaa ku ogeysiiyey waxa ay Maalinta kala baxu tahay

15Hoog Maalintaas waxaa leh xaq diidayaasha

16Miyaanaan halaagin facyadii hore

17Misna waxaan raacin doonnaa kuwa (facyada) dambe

18Sidaas oo kale baan u galnaa denbiilayaasha

19Hoog Maalintaas waxaa leh xaq diidayaasha

20Miyaanaan idinka abuurin biyo liita

21Markaas yeelin meel aamin ah gudaheed (riximka)

22Ilaa muddo go’an

23Sidaa baan wax u qaddarnay oo Annagaa u fiican kuwo wax qaddara

24Hoog Maalintaas waxaa leh xaq diidayaasha

25Miyaanaan ka dhigin dhulka mid qaada oo ku filan

26Kuwa nool iyo kuwa mowtanba

27oo ka yeelin dhulka dhexdiisa buuro sugan oo dhaadheer, oo aan idinka waraabinin biyo macaan

28Hoog Maalintaas waxaa leh xaq diidayaasha

29Aada waxaad beenin jirteen

30Aada hoos (qiiqa Naarta ah) oo seddex laamood leh

31Oo aan harsi laheyn, waxnana ka tareyn ololka dabka

32Hubaal Waxay (Naartu) tuurtaa dhimbilo daran oo daaro oo kale ah

33Aad mooddo awr aydin ah

34Hoog Maalintaas waxaa leh xaq diidayaasha

35Kanu waa Maalin aysan hadli doonin

36Oo aan idan la siin doonin si ay u cudurdaartaan

37Hoog Maalintaas waxaa leh xaq diidayaasha

38Kani waa Maalinta kala Baxa. Waa idin soo kulminnay idinka iyo kuwii horreeyeyba

39Ee haddii aad tab degtaan, haddaba tab dega Aniga lidkay

40Hoog Maalintaas waxaa leh xaq diidayaasha

41Hubaal kuwa ka dhowrsada xumaha waxay ku sugnaan hoosas iyo ilo

42Iyo midho_waxay doonaan ah

43Cuna oo cabba si raaxo leh waa waxaad camalsan fali jirteen darteed

44Sidaas oo kale baan u abaal marinnaa sama falayaasha

45Hoog Maalintaas waxaa leh xaq diidayaasha

46Cuna oo raaxeysta in yar. Hubaal, waxaad tihiin denbiilayaal

47Hoog Maalintaas waxaa leh xaq diidayaasha

48Oo marka lagu yidhaahdo: Rukuuca ma ay rukuucaan

49Hoog Maalintaas waxaa leh xaq diidayaasha

50Ee warkee bay kan kaddib iyagu rumeyn doonaan