75. Al-Qiyaama

1Mayee, waxaan ku dhaartay Maalinta Qiyaamaha

2Oo mayee, waxaan ku dhaartay nafta is eedda

3Ma wuxuu aadmigu moodaa inaanaan isu keeni doonin lafahiisa

4Haayoo, Waxaan karnaa inaan sinno oo sidoodii ka yeelno farahiisa oo dhan

5Bal! Aadmiga wuxuu rabaa inuu beeniyo waxa ka horreeya (ee sugaya)

6Wuxuu weydiiyaa: Waa Goorma Maalinta Qiyaamaha

7Ee marka araggu wareero

8Oo dayaxu madoobaado

9Oo qorraxda iyo dayaxa la isu keeno

10Aadmigu wuxuu Maalintaaas odhan: Xaggee loo cararaa

11May! Ma jiro agab (meel la magan galo)

12Xagga Rabbigaa (Keliya) buu ahaan Maalintaa meesha agabka ah

13Aadmiga Maalintaas waxaa loo sheegi wuxuu hormarsaday iyo wuxuu dib marsaday

14Bal! Aadmigu wuxuu ku ahaan doonaa markhaati naftiisa lidkeed

15Inkastoo uu keeno cudurdaarradiisa

16Ha ku dhaqaajin carrabkaaga si aad ugu degdegto (akhrintiisa)

17Hubaal waa xil Annaga na (saaran) inaan ku ururino laabtaada oo kuu akhrino

18Ee marka aan akhrinno raac akhriskiisa

19Markaas Annagga bayna na saaran tahay caddeyntiisu

20Mayee se, waxaad jeceshihiin noloshatan (adduunka) ee durba tageysa

21Oo dayacdaan Aakhirada

22Wejiyo qaar Maalintaas waxay ahaan doonaan kuwo ifaya oo nuur leh

23Iyagoo eegaya xagga Rabbigood

24Oo Wejiyo (kale), Maalintaas waxay ahaan doonaan kuwo kuduudsan

25Waxay hubtaa in laga yeeli doono inay ku dhacdo belaayo aad iyo aad u weyn

26Mayee, markay (naftu) soo gaarto mirgiga (iyadoo sii baxeysa)

27Oo la yidhaahdo: Yaa ku tufi

28Oo yaqiinsado inay tahay (waqtigii) tagidda

29Oo sakaraadkii loo geeyo sakaraad

30Waa xagga Rabbigaa Maalintas halka laysu wadaaa

31Marka ma uu rumeyn (Xaqa) mana tukan

32Laakiinse wuu beeniyey (Xaqa) oo dhabarka jeediyey

33Markaas wuxuu aaday xagga ehelkiisa isagoo u socda si kibir iyo faan leh

34Dhowaa hooggaagu oo dhowaa

35Haddana dhowaa hoggaagu oo dhowaa

36Ma wuxuu Aadmigu moodaa in looga tegi doono bilaash (ujeeddo la'aan)

37Miyuusan aheyn mani-nool oo la dhibciyo

38Markaas uu noqday xinjir, uu abuuray oo qaab wanaagsan u yeelay

39Oo ka dhigay labo nooc, lab iyo dheddig

40Miyuusan Kaasi (Allaah) awoodin inuu soo nooleeyo maytida