74. Al-Muddaththir

1Midkani ku dadanow (dharka)

2Kac oo dig

3Oo Rabbigaa waa inaad weyneyso

4Oo maryahaaga waa inaad daahiriso

5Oo fadarada waa inaad ka fogaato

6Oo wax ha u bixin si aad u hesho wax ka badan

7Oo Rabbigaa dartiis , samir yeelo

8Ee marka Buunka la afuufo

9Taasi waxay ahaan Maalin aad u Daran

10Gaalada aan u fududeyn

11Isu kaanna daa aniga iyo kaan abuuray isagoo keli ah (qaawan)

12Oo aan siiyey hanti aad u ballaaran

13Iyo wiilal ag jooga oo garabkiis ah

14Oo aan u hagaajiyey arrinkiisa hagaag

15Oo waliba wuxuu damcaa inaan u siyaadiyo

16Ma jirto, hubaal wuxuu ka hor yimaadaa Aayadahayaga

17Waxaan yeeli doonaa cadaab dhibaato leh inay qabsato

18Hubaal waa uu fekaray, oo wax qoolay

19Se nacaladi ha ku dhacdee! Sidee wax u qoolay

20Mar kale, nacladi ha ku dhacdee, sidee wax u qoolay

21Markaas waa uu fiirshay

22Markaa wejiga kaduuday oo uruuriyey

23Haddana dhabarka jeediyey oo is kibriyay

24Markaasuu yidhi: Kani wax kale maahee waa sixir laga soo minguuriyey kuwo kale

25Kanu ma aha waxaan aheyn hadal Aadmi

26Waxaan ku tuuri doonaa Saqaro (Naar)

27Oo Maxaad ka og tahay waxa ay Saqaro tahay

28Ma reebto waxna kamana tagto cidna

29Waxay doorisaa jirka oo gubtaa

30Waxaa kor jooga sagaal iyo toban

31Oo kama aanu dhigin waardiyada Naarta waxaan ahayn malaa'ig, oo uma aanu yeelin tiradooda waxaan ahayn imtixaan ahaan gaalada,_si ay ehlu-Kitaabku u yaqiinsadaan, oo mu’miniintu u kororsadaan Iimaan_, oo aanay kuwaa la siiyey Kitaabka iyo mu’miniinta u shakiyin, iyo in kuwaa uu quluubtoodu ku jiro cudur iyo gaalada u yidhaahdaan: Muxuu Allaah uga jeedaa tusaalahan? Sidaas buu Allaah u lumiyaa kii uu doono, oo u hanuuniyaa kii uu doono. Oo ma jir wax og ciidammada Rabbigaa Isaga maahee. Oo (Naar) tani wax kale ma aha aan aheyn waano ku socota dadka

32Mayee, waxaan ku dhaartay dayaxa

33Iyo habeenka marka uu tago

34Iyo waagu marka uu caddaado

35Hubaal iyadu (Naarta) waa mid ka mid ah balaayooyinka waaweyn

36Digniin ku socota dadkaa dhimanaya

37Ku socota mid kastoo idinka mid ah ee doonaya inuu hormaro ama ku haro gadaal

38Naf walbaa waxaa loogu heystaa curaar waxay galabsato

39Qolada midigta maahee

40Beero gudaheed, waxay iska wareysan

41Xaalka dambiilayaasha

42Maxaa idin keenay Naarta Saqaro

43Waxay odhan: Kama aynu mid aheyn kuwa tukada

44Oo ma aannu quudin jirin miskiinka

45Oo waxaanu gali jirnay waxyaalo been ahoo aan jirin la jirka kuwaa gala baadilka

46Oo waxaan beenin jirnay Maalinta abaal marinta

47Jeer ay noo timid geeridu

48Marka shafeecada kuwa shafeeca waxba uma tari doonto

49Ee maxaa heysta iyaga oo ay uga jeestaan (qaadashada) waanada

50Sida inay yihiin dameero duur joog ah oo didsan

51Ee ka soo cararay libaax

52Bal, qof walba oo ka mid ahi iyaga wuxuu rabaa in la siiyo waraaqo fidsan

53Mayee! balse, kama cabsadaan Aakhirada (Ciqaabka Ilaahay)

54Mayee, hubaal waa waano

55Ee mid kastoo raba ha ku waano qaato

56Oo kama ay waano qaadan doonaan in Allaah doono maahee; waa Isaga Rabbiga, mudan inay aadmigu ka cabsadaan, oo mudan inuu Dambi Dhaafo