70. Al-Macaarij

1Mid wax dalbaya2, baa dalbay cadaabta ku dhaceysa

2Gaalada, ma jiro cid celin karta

3Ka iman xagga Ilaahay, Rabbiga waddooyinka kor loogu koro leh

4Xaggiisay u koraan Malaa’igta iyo Ruuxu Maalin qaddarkeedu dhan yahay konton kun oo sano

5Ee Samir yeelo _samir wanaagsan

6Hubaal waxay u arkaan wax aad u fog

7Oo waxaan u aragnaa mid aad u dhow

8Maalinta ay samadu noqon doonto sida maar shuban

9Oo buuruhu noqon doonaan sida cudbi la dhilay

10Oo Saaxiib iswareysan doonin saaxiib

11Inkastoo laga yeelayo inay is arkaan. dambiilahu wuxuu jeclaan inuu isaga furto cadaabka Maalintaasi carruurtiisa

12Iyo xaaskiisa iyo walaalki

13Iyo kuwa u xiga qaraabo ahaan ee siiya meeluu hoydo

14Iyo waxa dhulka jira oo dhan markaas si uu isagu u badbaado

15Mayee! Hubaal waa Naar ololeysa

16Ka soo jiideysa Madaxa

17Waxay u yeedhi kan jeestay ee Xaqa diiday

18oo maal kulmiyey markaa oo afka u xidhay

19Hubaal Aadmigu waxaa lagu abuuray sabar yaraan iyo degdegsiinyo

20Marka uu dhib taabto waa murugoodaa

21Oo marka uu khayr helo waa masuugaa

22Kuwa tukada mooyaane

23Ee daa’ima salaaddooda

24Oo ah kuwa maalkooda uu ugu jiro qayb la yaqaan

25Kan tuugsada, iyo kan aan wax heysan

26Oo ah kuwaa rumeysan Maalinta is abaal marinta

27Ee iyagu ka baqa cadaabta Rabbigood

28Hubaal Cadaabta Rabbigaa waa wax aan aamin laga aheyn

29Oo ah kuwa ilaaliya xubnahooda gaarka ah

30Xagga xaasaskooda ma’ahee ama kuwaa ay gacmahoodu midig hantaan,_oo (markaa) hubaal ma laha wax eed ah

31Kiise isagu doona inuu intaas dabo maro, kuwaa weeye kuwa xadgudbayaasha ah

32Iyo kuwaa ilaaliya ammaanooyinkooda iyo ballamahooda

33Kuwaa iyagu si toosan u guta markhaa- tiyadooda

34Oo ah kuwa iyagu xafida oo dhowra salaaddooda

35Kuwaas waxay geli doonaan Beeraha Jannada iyagoo sharfan

36Muxuuse arrinkoodu yahay kuwaa Xaqa diida waa iyaga u soo degdega hareeraheeda’e

37Xagga midigta iyo bidixda koox koox u jooga

38Ma wuxuu qof walba oo iyaga ka mid ahi rabaa in laga yeelo inuu galo Jannada barwaaqada ah

39Mayee, hubaal Waxaan ka abuurnay waxa ay og yihiin

40Mayee se! Waxaan ku dhaartay Rabbiga bariyada iyo galbeedyada inaan xaqiiq Karno

41Inaan ku beddelno (Kuwo kale) oo ka wanaagsan; oo ma nalaga adkaan doono

42Ee isaga tag iyaga keligood inay ku socdaan waxyaalo aan jirin oo been ah oo iska cayaaraan, jeer ay qaabilaan fool ka fool Maalintooda loogu gooddiyo

43Maalinta ay ka soo bixi doonaan qu- buuraha iyagoo degdegaya sida inay u tartarmayaan calaamo loo taagay

44Indhahoodu rogan yihiin, dulli baa dabooli doona (korka oo dhan)! Taasu waa Maalintii loogu gooddiyey