70. Al-Ma'aarij
durung ana terjemahan ing basa sampeyan — nuduhake basa Inggris
1Sawijining wong, anjaluk siksa kang mesthi bakal tiba
2Tumrap para kafir, ora ana wong bisa nulak
3Saka Allah kang Kagungan dalaning munggah
4Para malaikat lan ruh (Jibril) padha munggah marang Allah ing sadina ingkang kadaripun sarupi kaliyan tahun. [padha munggah marang panggonan tumuruning parentahing Allah. Kelakone siksa mau tinamtokake ana ing dina Qiyamat yaiku dina kang ukurane tahun]
5(Muhammad) sira shabara kelawan tenteram
6Pangrasane dheweke siksa iku isih lawas banget kelakone
7Nanging Ingsun ngarani wis cedhak
8Ing dina samangsa langite kaya jer - jeran tembaga
9Dene gunung - gunung kaya kapuk mabul - mabul
10Lan ora ana wong tetakon marang sanake
11Padha deleng marang sanake nanging ora wani takon, pangarep - arepe siksa mau wurunga sarana nyahosake anak - anake
12Sarta rabine (garwane) tuwin sadulure
13Lan nyahosake batihe kang dadi wewengkone
14Upama duwea saisining bumi kaduga nyaosake kabeh tumuli (pangarep - arepe) diselametake saka siksa
15Ora pisan - pisan! sayekti iku geni mulad - mulad
16Nglonyomake kulit
17Ngundang - ngundang kang mungkur (ora percaya Allah) lan mlengos (marang nabi)
18Sarta anumpuk - numpuk tuwin anyinggahake bondho
19Sayekti manungsa iku tinitah sarwa angewuhake
20Samangsa kataman kojur ngersula
21Lan samongsa kataman begja, cethil
22Kajaba wong kang padha sholat
23Kang tetep olehe padha sholat
24Sarta kang ing sajeroning bandhane ana saperangan kang tartamtu (kanggo zakat)
25Tumrap para kang anjajaluk sarta wong kasrakat
26Lan kang padha ngandel anane dina Qiyamat
27Lan kang padha wedi siksaning Pangerane
28Awit ora ana wong kuasa mesthi kalis siksaning Pangerane
29Sarta padha angreksa marang awak-kawirangane
30Kajaba tumrap bojone utawa wong kang dadi darbeke iku dudu larangan
31Sapa wonge nerajang (cumbana) wong saliyane iku wong kang mlangkah wates
32Lan kang padha tuhu ora nyidrani sasanggemane lan rumeksa barang titipan
33Lan kang padha dadi seksi (ing Pangadilan) kelawan saktemene
34Lan padha ngelakoni sholat tetep ana waktune
35Wong kang mangkono mau bakal manggon ana suwarga kinurmatan
36Wong kafir padha rebut dujung ngrungokake pituturira apa gunane ora mekolehi marang awake
37Padha grombolan ana ing kiwanira lan tengenira
38Ana siji - sijine wong kafir mau padha kepengin dilebokake ing suwarga Na'im
39Tangeh yen kelakon, sayekti Ingsun dadekake dheweke saka rang padha diweruhi
40Ingsun supata demi Pangeraning Wetan lan Kulon (Panggon metu lan surupe srengenge) sayekti temen Ingsun iki kuwasa
41Bisa nyalini gawe manungsa liya kang becike ngungkuli dheweke mukal yen Ingsun ora bisa
42Mulane dheweke iku togna wae karo ben padha selulub ana ing panasaran sarta abungah - bungah nganti tumeka dinane kang diancamake siksa
43Dinane dheweke padha metu saka kuburan kelawan gagancangan kaya dene amlayoni kang tinuju (marani brahalane)
44Pandelenge padha tumungkul nistha bakal tumiba marang dheweke, dina iku dina qiyamat kang diancamake marang dheweke
sumber: Unknown
WEBREATH · 11:11
«If you are thankful, I will give you more» — Quran 14:7
Breath is one for all: everyone lives by it, whoever they are and whatever they believe. Every day at 11:11 local time people stop for sixty seconds, breathe, and thank GOD for the breath — each in their own words, each within themselves. In that minute we are One Breath.
WEBREATH — the Minute at 11:11, your own local time — we are One Breath