70. Al-Ma'aarij

1Ang isang nagtatanong ay nagtanong tungkol sa Kaparusahan na napipinto

2Sa mga hindi sumasampalataya, na walang sinuman ang makakahadlang

3(Isang Kaparusahan) mula kay Allah, ang Panginoon ng mga daan ng Pag-akyat

4Ang mga anghel at ang ruh (Gabriel) ay umaakyat sa Kanya sa loob ng isang araw, na ang katumbas noon ay limampung taon

5Kaya’t maging matiyaga ka (o Muhammad ), sa pagtitiyaga na may magandang maaasam

6Katotohanang napag-aakala nila na ang Araw (ng Kaparusahan) ay malayo sa pangyayari

7Datapuwa’t napagmamalas Namin ito na (lubhang) malapit na

8Sa Araw na ang himpapawid (alapaap) ay matutulad sa maruming langis na kumukulo (o naaagnas na tanso o pilak, atbp)

9At ang kabundukan ay matutulad sa maninipis na himaymay ng lana

10At walang kaibigan ang magtatanong sa isang kaibigan

11Bagama’t sila ay biniyayaan na magkatinginan sa isa’t isa (alalaong baga, sa Araw ng Muling Pagkabuhay ang lahat ay makakakilala sa kanyang ama, mga anak at mga kamag-anak, datapuwa’t siya ay hindi mangungusap sa kanila o hihingi sa kanila ng tulong). Ang ninanais ng Mujrimun (mga makasalanan, kriminal, walang pananalig kay Allah at sa Kanyang Tagapagbalita na si Muhammad, atbp.) sa Araw na yaon ay matubos niya ang kanyang sarili sa Kaparusahan na ang kabayaran ay ang kanyang mga anak

12At kanyang asawa at kanyang kapatid

13At kanyang kamag-anak na nagbigay sa kanya ng masisilungan

14At ng lahat-lahat ng nasa kalupaan; kung ito ang makakapagligtas sa kanya

15Sa anumang kaparaanan, ito ay walang saysay! Katotohanang ito ay Apoy ng Impiyerno

16Na bumubunot (sa ganap na pagkatupok) ng anit

17At tumatawag: “O mga Kafir (walang paniniwala kay Allah, sa Kanyang mga Anghel, sa Kanyang Aklat, sa Kanyang mga Tagapagbalita, sa Araw ng Muling Pagkabuhay at sa Qadar [maka-Diyos na kahihinatnan]) at, O mga Mushrik (mga mapagsamba sa diyus-diyosan, walang pananalig sa Kaisahan ni Allah) na nag-aanyaya sa kanilang lahat na magsitalikod ( sa katotohanan ) at naglihis ng kanilang mukha (sa Pananampalataya).”

18At nagsipagtipon (ng mga kayamanan) at nagtago nito (tutol sa paggugol tungo sa Kapakanan ni Allah)

19Katotohanan, ang tao (na walang pananalig) ay nilikha na lubhang mainipin (walang pasensya)

20Na naiinis (walang kasiyahan) kung ang kasamaaan ay sumaling sa kanya

21At lubhang gahaman kung ang kasaganaan ay dumatal sa kanya

22Maliban sa mga matimtiman sa pananalangin

23Sila na namamalagi sa kanilang pagdalangin

24At sa kanilang kayamanan ay mayroong nakalaan

25Sa mga pulubi na humihingi at sa mga sawimpalad na nawalan ng ari-arian at kayamanan (at ang pinanggagalingan ng kanyang ikabubuhay ay naghigpit o umunti)

26At sila na nananangan sa katotohanan ng Araw ng Paghuhukom o Kabayaran

27At sila na may pangangamba sa Kaparusahan ng kanilang Panginoon

28SapagkatangKaparusahanngkanilangPanginoonayisang bagay na kabaligtaran ng kapayapaan at katahimikan

29At sila na nagpapanatili ng kanilang kalinisan (sa kapurihan, at umiiwas sa bawal na pakikipagtalik)

30Maliban sa kanilang mga asawa at sa mga (babaeng alipin) na angkin ng kanilang kanang kamay, (dito) sila ay hindi susumbatan

31Datapuwa’t ang sinuman na magnais ng higit pa rito, kung gayon, sila ang tunay na lumalabag (sa kautusan)

32At sila na nagpapanatili ng kanilang mga pangako at kasunduan

33At sila na naninindigan nang matatag sa kanilang mga patotoo

34At sila na nagbabantay sa kanilang pagdalangin nang mainam

35Sila nga ang papupurihan at magsisitahan sa Halamanan ng Kaligayahan (Paraiso)

36Kaya’t ano ang nagpapagulo sa mga hindi sumasampalataya at nagmamadali (alumpihit) na makinig sa iyo (o Muhammad), upang ikaw ay kanilang pasinungalingan at kutyain, at (gayundin) sa Aklat ni Allah (ang Qur’an)

37(Na nakaupo) sa mga pangkat, sa iyong kanan at sa iyong kaliwa (o Muhammad)

38At bawat isa kaya sa kanila ay umaasam na makakapasok sa Hardin ng Kaligayahan (Paraiso)

39Hindi, sa anupamang kaparaanan! Sila ay nilikha Namin mula sa sangkap na kanilang batid

40Narito! Ako ay nananawagan upang saksihan ang Panginoon ng lahat ng lugar sa Silangan at Kanluran, na katiyakang Aming magagawa

41Na palitan sila (sa pamamagitan ng iba) ng higit na mainam kaysa kanila; at Kami ay hindi nila magagapi sa Aming kapasiyahan

42Kaya’t hayaan sila na malubog sa walang saysay na pag- uusap at palibot-libot na paglalaro, hanggang sa sapitin nila ang Araw na sa kanila ay ipinangako

43Sa Araw na sila ay magsisilabas sa kanilang libingan na nagmamadali, na katulad ng pag-uunahan (karera) na marating ang punong pananda

44Na ang kanilang mga mata ay nakatungo sa lupa sa pangamba at pagkaaba, ang kahihiyan ang lumulukob sa kanila (ng buo). Ito ang Araw na sa kanila ay ipinangako! 910 ProPetA noe