56. Al-Waaqia

1Besuk nalikane dina qiyamat kelakon

2Kelakone dina qiyamat mau ora bakal goroh

3Ing dina iku kenyataan ngasorake (wong kafir) lan junjung (wong mukmin)

4Ing dina iku ana lindhu gedhe, bumi gonjang - ganjing

5Sakabehe gunung nganti padha ajur kabeh

6Nganti dadi bleduk kang mabul - mabul

7Ing kono sira diperang dadi telung warna

8Kang sapisan golongan tengen, iku wong begja banget

9Kang kapindho golongan kiwa, iku wong cilaka banget

10Kaping telu wong kang dhisik dhewe anggone nglakone becik (para nabi)

11Yaiku wong kang kecedhak Allah

12Bakal diganjar suwarga Na'im

13WOng mangkono mau kang akeh ummat kuna

14Dene ummat zaman wekasan iki mung sethithik

15Dheweke ana suwarga padha linggih ing kursi kang dipaesi emas lan berlian

16Padha sendhen adhep - adhepan karo kancane

17Dheweke diladeni bocah enom kang ora bisa tua

18Padha ngladekake gelas, ceret lan pangomben kang dijupuk saka banyu kang mili

19Anggone ngombe mung enak, tanpa mendem utawa ngelu

20Lan ngladekake wong - wohan akeh tur warna - warna bisa milih

21Lan uga ngladekake daging manuk kang bisa milih

22Ana widadari kang paningale padha kocak

23Kaya dene mutiawa kang kasimpen becik

24Tumanjak ganjaraning kabecikan kang wis padha dilakoni

25Ana suwarga ora tau krungu celathu hala kang dadi dosa

26Mung krungu pangucap, "Wilujeng, wilujeng" kang ngresepake

27Denen golongan tengen, begja banget golongan tengen

28Manggon ing suwarga kang ana wite Widora tanpa eri

29Lan ana wite gedhang kang susun - susun

30Kang eyub salawase

31Lan ana banyu umbu anget salawase

32Lan ana woh - wohane akeh tur warna - warna

33Ora tau entek ora usah tuku (kena jupuk sak karepe)

34Lan ana kasur kandel kang empuk

35Allah gawe sarupaning widadari mau tanpa lahir dhisik (saka guwa garbaning ibu)

36Pada Ingsun dadhekake perawan selawase

37Padha sih tresna, kang nomerampak

38Padha Ingsun paringake dadi jodhone golongan tengen

39Ummate (nabi) zaman kuna

40Lan para umat kang wekasan iki

41Lan golongan kiwa, sapa ta golongan kiwa

42Padha disiksa angin samun (kang panas banget) lan banyu kang umop

43Lan anan pepeteng saka kukus kang ireng banget

44Ora pisan adhem lan ora nyenengake

45Nalika urip ana donya uripe padha leluwihan

46Lan dheweke terus - terusan anggone nindhakake dosa gedhe

47Lan padha ngucap, "Apa nyata besuk yen aku wis mati sarta dadi lemah, lan dadi balung, jarene bakal diuripake maneh

48Apa dene bapak - bapakku zaman kuna, apa hiya diuripake maneh

49Sira dhawuha, "Para bapakmu ing zaman kuna, lan para turunanmu kang saiki durung ana

50Besuk dina Qiyamat kang wis tinamtokake dening Allah, bakal padha dikumpulake

51He wong kang padha kesaar maido pangandikaning Allah

52Sawise mangkono sira padha mangan wohe kayu zaqum

53Nganti padha kebak wetenge

54Nuli padha ngombe weang kang panas gegirisi

55Anggone ngombe kaya onta kang ngelak banget

56Iki pangancame Allah marang para wong kafir, kelakone besuk dina qiyamat

57Ingsun (Allah) iki kang gawe awakira, yagene sira padha ora ngandel (dina qiyamat)

58Kapriye panemunira bab nuthfah marang peranakane wong wadon? (banjur dadi bayi)

59Kang gawe bayi mau sira apa Ingsun

60Ingsun nemtokake mati marang sira kabeh, Ingsun kuwasa, ora ana kang bisa murungake karsaningsun

61Sanadyan Ingsun kersa gawe wong kang rupane ceples (padha) sarta disalini rupa sedhengah rupa kang sira ora weruh mesthi kaleksanan

62Sira wis weruh bakale manungsa kawitan (hiya iku lemah) yagene sira ora padha niti periksa (yengingsun iki kawasa)

63Kapriye panemumu bab angginmu tetanen

64Kang nukulake wiji iku sira apa Ingsun

65Umpama ana parenge karsa ningsun, metune woh mau Ingsun gawe gabug mesthi kelakon. sira banjur getun

66Pangucapmu, "Aku iki kapitunan

67Aku iki dipenet rizkiku

68Kapriye panemumu bab banyu udan kang padha sira ombe

69Kang nurunake banyu udan saka mega, sira apa Ingsun

70Upama ana parenge karsaningsun, banyu udan Ingsun dadekake asin mesthi kelakon. Yagene ora padha gedhe panuwunmu

71Kapriye panemumu, mungguh geni anggonira ngurubake

72Kang nganakake kayu sira apa Ingsun

73Geni iku Ingsun anggo sasmitaning (geni nerika) lan dianggo kabungahaning wong kang padha melaku

74Mulane sira nyebutho Maha Suci asmaning Pangeranira kang Maha Agung

75Ingsun supata kelawan panggonan metune lan suruping lintang

76Manawa sira weruh, supata mau supata gedhe

77Kang didhawuhake marang sira iku Quran kang mulya

78Tinuli ana kitab kang rineksa (Lauhil Mahfudz)

79Ora bakal anggeplok Qur'an kajaba wong kang padha suci, (saka hadast cilik lan gedhe)

80Diturunake saka Allah pangerane wong sajagad

81Apa sira padha ngremehake utawa maido Qur'an iki

82Sira ganthi rizki (kang diparingake Allah) kanti gorohake (Allah)

83Ya gene nalika nywane mayit lagi tekan gurung

84Ing kono sira mung padha ngedeleng marang mayit

85Ingsun luwih cedhak marang wong lelaku mau tinimbang sira, ewodene sira padha ora weruh

86Ya gene yen sira ngaku ora kawengku wasesaning Allah

87Teka ora bisa balekake nyawa marang wadhage, yen pengakuira temen, mara sira balekna nyawa mau

88Manawa mayit mau ewone wong kachedak ing Allah

89Matine mesthi kepenak kanthi bungah lan oleh ganjaran suwarga kanikmatan

90Dene yen kalebu golongan tengen

91Wong mau mesthi selamet amarga sira klebu golongan tengen

92Dene yen hewone wong maido pangandikanging Allah kang padha kesasar

93Mesthi kecemplung wedang kang umop (panas banget)

94Lan diobong ana neraka

95(Kang kasebut iki) satemene keyakinan kang bener

96Mulane sira nyebuto Maha Suci asmaning Pangeranira kang Maha Agung