54. Al-Qamar

1Saacaddu way soo dhowaatay, oo dayaxii u kala dhanbalmay labo gabal

2Oo haddii ay arkaan mucjiso, waxay u jeestaan dhinac, oo yidhaahdaan: Waa sixir is daba taxan

3Oo way beeniyaan oo raacaan waxa xun ay nafahoodu rabaan. Oo arrin kasta wuxuu leeyahay meel uu ku sugnaado

4Oo dhab ahaan waxaa u yimid warar ku dheehan waano (iyo digniino)

5Xikmad xeel dheer; maxayse u tartaa digidi (xaq diid)

6Ee iskaga jeeso; Maalinta uu baaquhu ugu baaqi doono wax daran oo baas

7Iyagoo arag dulleysan, ka soo baxaya qubuurahooda iyagoo la moodo ayax faafay

8U degdegaya dhinaca baaqaha, gaaladu waxay odhan:Tani waa Maalin daran

9Iyaga hortood Qolodii Nuux baa beeniyey, markaasay beeniyeen addoonkayagii oo yidhaahdeen: waa nin waalan, oo la handaday

10Markaasuu baryey Rabbigi (isagoo leh): Waa la iga adkaadaye ii soo hiilli

11Markaas baan ka soo furnay albaabadii daruuraha biyo da’aya oo badan

12Oo ka soo burqinnay dhulka ilo (biyo ah). markaasay biyihii (cirka iyo dhulka) is qabteen oo ku kulmeen arrin la qaddaray

13Oo waxaan (Nuux) ku qaadnay taasi (Doonni) laga sameeyey Alwaax iyo masaamiir

14Ku socota indhahayaga hortood, oo abaalgud u ah kan isagu la diiday

15Oo dhab ahaan Waxaan uga tagnay si ay u ahaato Calaamad, ee ma jiraa mid ku waantoobi

16Ee Sidee bay (mid daran) u aheyd cadaabteydii iyo digniinaheygii

17Oo dhab ahaan waxaan ka yeelnay Qur'aanka mid sahlan si loo xusuusto, mase jiraa mid ku waantoobi

18Caad waxay beenisay (Xaqa), ee sidee bay (mid daran) u aheyd cadaabteydii iyo digniinaheygii

19Hubaal Waxaan ku soo dirnay dushood dabeylo duufaan ah maalin naxsgieed is daba joogo

20Iyadoo u majaxaabineysa dadka4 sida inay ahaayeen geedo timir jirriddoodii la rujiyey

21Ee sidee bay (mid daran) u aheyd cadaabteydii iyo digniinaheygii

22Oo dhab ahaan Waxaan ka yeelnay Qur’aanka mid sahlan si loo xusuusto, mase jiraa mid ku waantoobi

23Thamuud waxay beenisay digniinihii

24Markaasay waxay yidhaahdeen: Ma qof keliya ah ee naga mid ah! miyaan raacnaa? Hubaal waxaanu markaas xaqiiq ku sugnaan habow iyo dhibaato

25Ma waxaa Wacdiga lagu soo dejiyey isaga oo nalaga dhex doortay? Mayee, waa beenlow isla weyn

26Berri bay ogaan doonaan, waa kee beenalaha, islaweynaha ah

27Hubaal Waxaan soo direynaa Hal lagu imtixaani ee dhugo iyaga oo samir yeelo

28Oo u sheeg in biyuhu yihiin qayb dhexdooda ah, mid walbaa leeyahay cabbid maalin gaar ah

29Waxayse u dhawaaqeen saaxiibkood, oo soo qaatay (seef) oo (Hashii) dilay

30Ee Sidee bay (mid daran) u aheyd cadaabteydii iyo digniinaheygii

31Hubaal Waxaan ku ridnay dushood Qeylo keliya, markaasay waxay noqdeen sida jabad burburay ee dhulka laga xaaqo

32Oo dhab ahaan Waxaan ka yeellay Qur'aanka mid sahlan si loo xusuusto, ee ma jiraa mid ku waantoobi

33Qoonkii Luud baa beeniyey digniinihii

34Hubaal Waxaan ku ridnay duufaan dhagaxyo wadata Reer Luud ma’ahee, waa aan badbaadinnay waaberiga hortiis

35Nicmo Xaggayaga ah, sidaas oo kale baan u abaal marinnaa kan isagu shukriya

36Oo dhab ahaan wuxuu uga digay qolodiisii Qabashadayada daran, waxayse ka murmeen digniinihii

37Oo dhab ahaan Waxay ku dadaaleen inay ka jeediyaan martidiisii, waxaanse cameynay indhahooda, ee dhadhamiya cadaabteyda iyo digniinaheyga

38Oo dhab ahaan cadaab sugnaansho leh baa qabtay isla waabernimadiiba

39Ee dhadhamiya Cadaabteyda iyo Digniinaheyga

40Oo dhab ahaan Waxaan ka yeellay Qur’aanka mid sahlan si loo xusuusto, ee ma jiraa mid ku waantoobi

41Oo dhab ahaan Digniinihu waxay u yimaadeen qoladii Fircoon

42(Way) beeniyeen Aayadahayagii oo dhan, markaas baan qabannay Qabasho Awood Badane. Karaan Badan

43Ma gaaladiinna baa ka fiican kuwakani mise waxaad heysataan cafis idiinku qoran Kutabaha(yaga)

44Mise waxay leeyihiin: Waxaanu innagu nahay ciidan dhan oo is taageeri

45Durba ciidankooda waa la jabin oo dabaday jeedin doonaan

46Balse, Saacadda waa waqtiga loo qabtay, oo Saacaddu waxay ahaan mid aad u daran oo qaraar

47Hubaal, denbiilayaasha waxay ku sugan yihiin habow iyo dhibaato

48Maalintaa marka wejiyadooda lagu dhex jiidi doono Naarta: Dhadhamiya taabashada Naarta

49Hubaal Waxaan wax kasta ku abuurnay Qaddar

50Oo Amarkayagu ma aha waxaan ahayn sida ilbiriqsi

51Oo dhab ahaan Waxaan horay u hallignay kuwii idin la midka ahaa ee ma jiraan mid uun isagu ku waantoobi

52Oo wax kastoo ay faleen waxay ku yaalliin kutubta (qoran)

53Oo wax waliba yar iyo weynba way qoran yihiin

54Hubaal, kuwa iska jira (xumaha), waxay ku sugnaan Beero iyo webiyo

55Fadhi sharfeed run ah oo u dhow Boqorka Awooda wax walba