51. Adh-Dhaariyaat

1Waxaan ku dhaartay (dabeylaha) ku fida meel fog oo ballaaran

2Haddana (duruurahaa) xambaarsan culayska (roobka)

3Haddana (doon)yahaa sida fudud u socda

4Haddana kuwaa (malaa’igta) ku qaybiya (risiqa, roobka, iwm) Amarkeenna

5Waxa la idiinku gooddiyey hubaal waa xaqiiq dhab ah

6Oo xaqiiq abaal marintu waa la hubaa inay dhaceyso

7Waxaan ku dhaartay samada waddooyinka badan leh

8Hubaal waxaad idinku kaga sugan tihiin hadal kala duwan

9Waxaa laga duwaa kan isaga iska duwa

10Nacladi ha ku dhacdo beenalayaasha

11Kuwa ku sugan guluf (colaadeed) ee iyagu maahsan

12Waxay weydiiyaan: Waa goorma Maalinta Abaal marintu

13Waa Maalin Naarta lagu jarribi doono

14Dhadhamiya caddibiddiina. Kanu waa waxaad degdegsanayseen

15Hubaal, Kuwa ka dhowrsada xumaha waxay ku sugnaan doonaan Beero iyo ilo

16Iyagoo qaadanaya waxa uu Rabbigood siiyey. Hubaal waxay ahaayeen ka hor (arrin)kaasi sama falayaal

17Waxay seexan jireen in yar habeenkii

18Oo waqtiyada suxuurta waxay weydiisanayeen dambi dhaaf

19Oo maalkooda waxaa ahaa qayb uu ku leeyahay weydiistaha iyo kaan wax heysan

20Oo dhulka waxaa ugu sugan calaamooyin kuwa leh yaqiin

21Iyo nafahiinna (sidoo kale), ee mawaydaan haddaba arkeyn

22Oo samada bay jirtaa risiqiinna iyo waxa la idiin yaboohay

23Ee waa igu Rabbiga samada iyo arlada, waa la hubaayoo Xaq weeye, sida aad u hadashaanba

24Ma kuu yimid warka martidii Ibraahiim ee sharafta lahayd

25Waa tii ay u soo galeen, oo yidhaahdeen: waa nabad, wuxuu yidhi: nabad. (waxaad tihiin) qolo aan la garaneyn

26Markaasuu u laabtay dhinac xagga reerkiisii oo keenay dibi buuran oo shiilan

27Oo u soo dhoweeyey (isagoo leh): Mawaydaan cunayn

28Markaas baa waxaa ka galay dareen cabsi ah. Waxay yidhaahdeen: Ha cabsan, oo waxay ugu bishaareeyeen wiil aqoon leh

29Markaas bay soo aadday haweeneydiisii iyadoo yaabban, oo iska dharbaaxday wejigeeda, oo tidhi: Ma habar ma dhasho ah oo duqowday

30Waxay yidhaahdeen: Sidaas buu leeyahay Rabbigaa. Hubaal, waa Isaga Xakiimka ,Wax kasta Ogaha ah

31Wuxuu yidhi: Muxuu haddaba xaalkiinnu yahay kuwayahow la soo diray

32Waxay yidhaahdeen: Hubaal waxaa naloo soo diray qolo dambiilayaal ah

33Si aan ugu soo dirno korkooda dhagaxyo dhoobo ah

34Looga soo calaameeyey xagga Rabbigaa xadgudbayaasha

35Markaas baan ka soo bixinnay halkaa wixii ku jiray ee mu’miniin ah

36Kamase aanu helin gudaheeda wax aan aheyn hal guri oo muslimiin ah

37Oo waxaan uga tagnay halkaa Calaamo5 kuwa ka cabsada cadaabta xanuunka badan

38Oo Muuse (calaamad baa ku sugan), markaan u dirnay Fircoon isagoo wata Xujo Cad

39Wuuse jeestay isagoo ay la jiraan ciidammadiisii oo yidhi: Waa saaxir ama nin waalan

40Markaas baan qabannay isaga iyo askartiisiiba oo xoog ugu tuurnay badda isagoo eedeysan

41Oo Caad (waxaa ku sugan calaamo), markaan ku dirnay dabayl wax halaagta

42Wax kama tegin ay ku timid inay ka dhigtay maahee digada oo kale

43Oo Thamuud (calaamaa ku sugan), markii lagu yidhi: Raaxeysta in muddo yar ah

44Waxayse ka madax adeygeen Amarka Rabbigood, markaasaa waxaa qabtay danab xoog leh iyagoo arkayey

45Sidaa darteed waa awoodi waayeen inay soo kacaan, isumana gargaari karin

46Oo qolodii Nuux iyaga hortood (waxaa ku sugan calaamo), hubaal waxay ahaayeen qolo caasiyaal ah

47Oo samada waxaan ku dhisnay awood Oo hubaal waa Annaga kuwa waasiciya

48Oo arlada Waxaanu ka yeellay gogol fidsan, Ee fiicanaa haddaba diyaariyuhu

49Oo wax walba Waxaan ka abuurnay lammaan, si aad u waano qaadataan

50Ee u carara xagga7 Allaah, hubaal waxaan idiin ahay dige cad ka yimid Xaggiisa

51Oo ha u yeelina Allaah, Ilaah kale oo la dhig ah. Hubaal Waxaan idiin ahay diga cad ka yimid Xaggiisa

52Waa sidaase, ma jiro Rasuul u yimid kuwii iyaga ka horreeyey oo aysan odhan: waa Saaxir, ama nin waalan

53Miyey iskula dardaarmeen arrintani8? Mayee’ waa qolo xadgudub badan

54Ee iskaga jeeso iyaga, kaama saarna eed

55Oo wad waanada waxay runtii waanadu anfacdaa mu’miniinta

56Oo uma aanu abuurin Jinka iyo insiga waxaan ahayn inay i caabudaan

57Kama doonayo wax risiq ah oo kama doonayo inay i quudiyaan

58Hubaal, waa Allaah Irsaaqaha, Rabbiga iska leh Awoodda sare, Xoog Badnaha ah

59Oo hubaal kuwa gar ma qaatayaasha ah waxay la kulmi doonaan saami la mid ah saamigii asxaabtood, ee waxba yey dalbin in aan u soo dedejiyo

60Ee hoog waxaa leh kuwa xaqa diida, kaasoo kaga iman doona Maalintoodaasi loogu gooddiyey