Hebrews 13

1Birodarlik muhabbatida sobit qolinglar.

2Musofirnavozlikni unutmanglar, zero shunday qilib ba’zilar bilmagan holda farishtalarni mehmon qilganlar.

3Zindonbandlarni ular bilan birga zanjirband bo‘lgandek, xorlanganlarni esa o‘zlaringiz jismonan azob chekayotgandek yodda tutinglar.

4Nikoh hamma tomonidan e’zozlansin va nikoh to‘shagi bulg‘anmasin, zero buzuqlar va zinokorlarni Xudo hukm qiladi.

5Turmushingiz pulparastlikdan xoli bo‘lsin, bori bilan qanoatlaninglar, zero Xudoning O‘zi: «Seni aslo tashlab ketmayman, aslo tark etmayman», — degan.

6Shuning uchun biz dadillik bilan: «Rabbiy mening madadkorimdir, men qo‘rqmayman. Inson menga nima qila olardi?» — deymiz.

7Sizlarga Xudoning kalomini so‘zlagan yo‘lboshchilaringizni yodda tutinglar. Ularning hayot yo‘li oqibatiga nazar solib, e’tiqodlaridan ibrat olinglar.

8Iso Masih kecha, bugun va toabad O‘shadir.

9Har xil va begona ta’limotlarga berilib ketmanglar; zero qalbning taomlar bilan emas, inoyat bilan mustahkamlangani ma’quldir, bu taomlar ularga rioya qilganlarga hech qanday naf keltirmagan.

10Bizning shunday bir qurbongohimiz borki, chodirda xizmat qiluvchilarning undan yeyishga haqlari yo‘qdir.

11Oliy ruhoniy hayvonlarning qonini gunoh qurbonligi sifatida Muqaddas joyga olib kirsa-da, ularning jasadlari qarorgoh tashqarisida yoqib yuboriladi.

12Shuningdek, Iso ham xalqni O‘z qoni bilan muqaddas qilish uchun shahar darvozasidan tashqarida azob chekdi.

13Shunday ekan, U chekkan haqoratni o‘z zimmamizga olib, qarorgoh tashqarisiga, Uning huzuriga chiqaylik.

14Zero, bu yerda bizning boqiy shahrimiz yo‘q, balki biz kelajak shaharni intizorlik bilan kutmoqdamiz.

15Binobarin, Iso orqali Xudoga hamisha hamdu sano qurbonligini, ya’ni Uning nomini e’tirof etuvchi lablar mevasini nazr qilaylik.

16Yaxshilik qilishni va o‘zgalar bilan baham ko‘rishni unutmanglar, zero bunday qurbonliklardan Xudo mamnun bo‘lur.

17Rahnamolaringizga itoat qilinglar va ularga bo‘ysuninglar, zero ular hisobot beruvchi zotlar kabi jonlaringiz ustidan bedor tururlar. Toki ular buni hasrat bilan emas, quvonch ila bajarsinlar, chunki buning sizlarga hech qanday nafi bo‘lmas.

18Biz uchun ibodat qilinglar; vijdoni pok ekanimizga va har jihatdan munosib umr kechirishga intilayotganimizga aminmiz.

19Huzuringizga tez orada qaytarilishim uchun ibodat qilishingizni esa ayniqsa qattiq o‘tinib so‘rayman.

20Endi abadiy ahd qoni orqali qo‘ylarning ulug‘ Cho‘poni — Rabbimiz Isoni o‘liklar orasidan tiriltirgan tinchlik Xudosi,

21Uning irodasini bajo keltirishingiz uchun sizlarni har bir xayrli narsa bilan kamolga yetkazsin. Va U O‘z huzurida xushnudlik baxsh etuvchi narsani Iso Masih orqali bizda bajo keltirsin; Unga to abad shon-sharaflar bo‘lsin. Omin.

22Ey birodarlar, sizlarga o‘tinib aytamanki, ushbu pand-nasihat so‘zimga sabr-bardosh qilinglar, zero men sizlarga qisqagina qilib yozdim.

23Bilib qo‘yinglarki, birodarimiz Timo‘tiy ozodlikka chiqarildi. Agar u tez orada yetib kelsa, men u bilan birga sizlarni ko‘rgani boraman.

24Barcha rahnamolaringizga va barcha muqaddaslarga salom yetkazinglar. Italiyadagilar sizlarga salom yo‘llamoqdalar.

25Inoyat barchangiz bilan bo‘lsin.