Galatians 6
مشيني ترجمو: ھن روايت جو اڃا تائين توھان جي ٻوليءَ ۾ ترجمو ٿيل ڪونھي
1اي ڀائرؤ! جيڪڏھن ڪو ماڻھو ڪنھن گناھہ ۾ پڪڙجي پوي، تہ اوھين جيڪي روحاني آھيو، سو اھڙي ماڻھوءَ کي نرميءَ واري روح سان سڌاريو؛ ۽ پنھنجو پاڻ تي پڻ نظر رکو، متان اوھين پاڻ بہ آزمائش ۾ پئجي وڃو.
2اوھين ھڪٻئي جا بار کڻو، ۽ ائين ڪري اوھين مسيح جي شريعت کي پورو ڪندؤ.
3ڇاڪاڻتہ جيڪڏھن ڪو ماڻھو پاڻ ڪجھہ بہ نہ ھوندي بہ پاڻ کي ڪجھہ سمجھي ٿو، تہ ھو پاڻ کي ڌوڪو ڏئي ٿو.
4پر ھر ڪو پنھنجي ئي ڪم کي پرکي، پوءِ کيس رڳو پنھنجي بابت فخر ڪرڻ جو سبب ملندو، ڪنھن ٻئي جي مقابلي ۾ نہ.
5ڇاڪاڻتہ ھر ڪنھن کي پنھنجو ئي بار کڻڻو پوندو.
6جيڪو ڪلام جي تعليم حاصل ڪري ٿو، سو تعليم ڏيندڙ سان سڀني سٺين شين ۾ ڀاڱيڀائيوار ٿئي.
7ڌوڪو نہ کائو: خُدا ٺـٺول جو نشانو نہ ٿو بڻجي سگھي، ڇاڪاڻتہ انسان جيڪي پوکيندو، اھو ئي لڻندو.
8جيڪو پنھنجي جسماني خواھشن لاءِ پوکي ٿو، سو جسم مان ئي تباھي لڻندو؛ پر جيڪو روح لاءِ پوکي ٿو، سو روح مان دائمي زندگي لڻندو.
9۽ اچو تہ اسين چڱائي ڪرڻ ۾ ھمت نہ ھاريون، ڇاڪاڻتہ جيڪڏھن دلشڪست نہ ٿينداسين، تہ پوري وقت تي فصل لڻنداسين.
10تنھنڪري، جيئن اسان کي موقعو ملي، اچو تہ سڀني سان ڀلائي ڪريون، خاص ڪري ايمان واري گھر ٻار سان.
11ڏسو تہ مون اوھان ڏانھن پنھنجي ئي ھٿ سان ڪيڏا وڏا اکر لکيا آھن!
12جيڪي ماڻھو ظاھري طرح پنھنجو اثر قائم ڪرڻ گھرن ٿا، سي ئي اوھان کي طھر ڪرائڻ تي مجبور ڪن ٿا، ۽ اھو رڳو مسيح جي صليب جي ڪري ستايا وڃڻ کان بچڻ لاءِ ڪن ٿا.
13ڇاڪاڻتہ اھي جيڪي طھر ٿيل آھن، سي پاڻ بہ شريعت تي عمل نٿا ڪن، پر اھي اوھان جو طھر ان لاءِ ڪرائڻ گھرن ٿا تہ جيئن اوھان جي جسم تي فخر ڪري سگھن.
14پر شل مان پنھنجي خداوند عيسيٰ مسيح جي صليب کان سواءِ ٻئي ڪنھن بہ شيءِ تي فخر نہ ڪريان، جنھن جي وسيلي دنيا منھنجي لاءِ صليب تي چاڙھي وئي آھي، ۽ مان دنيا لاءِ.
15ڇالاءِجو نہ ختنو ڪجھہ آھي ۽ نہ بيختني، بلڪ اھم ڳالھہ نئين پيدائش آھي.
16۽ جيترا ھن قاعدي تي ھلندا، تن سڀني تي بلڪ خدا جي اسرائيل تي سلامتي ۽ رحمت ھجي.
17ھاڻي کان پوءِ ڪوبہ مون کي تڪليف نہ ڏئي، ڇالاءِجو مان پنھنجي بدن تي عيسيٰ جا نشان کڻي ھلان ٿو.
18اي ڀائرو! اسان جي خداوند عيسيٰ مسيح جو فضل اوھان جي روح سان گڏ ھجي. آمين.
ذريعو: Berean Standard Bible
WEBREATH · 11:11
«He himself gives everyone life and breath and everything else» — Acts 17:25
Breath is one for all: everyone lives by it, whoever they are and whatever they believe. Every day at 11:11 local time people stop for sixty seconds, breathe, and thank GOD for the breath — each in their own words, each within themselves. In that minute we are One Breath.
WEBREATH — the Minute at 11:11, your own local time — we are One Breath