1 Thessalonians 5
مشيني ترجمو: ھن روايت جو اڃا تائين توھان جي ٻوليءَ ۾ ترجمو ٿيل ڪونھي
1اي ڀائرو، وقتن ۽ زمانن بابت اوهان کي ڪجهه لکڻ جي ضرورت ناهي.
2ڇاڪاڻتہ اوهان پاڻ چڱيءَ طرح ڄاڻو ٿا تہ خداوند جو ڏينهن ائين ايندو جيئن رات جو چور.
3جڏهن ماڻهو چوندا هجن، ”امن ۽ سلامتي،“ تڏهن اوچتو مٿن بربادي اچي ڪڙڪندي، جيئن حامله عورت کي سور، ۽ اهي ڪڏهن بچي نہ سگهندا.
4پر اي ڀائرو، اوهان اونداهيءَ ۾ ناهيو جو اهو ڏينهن اوهان کي چور وانگر وٺي وڃي.
5ڇاڪاڻتہ اوهان سڀ نور جا ٻار ۽ ڏينهن جا ٻار آهيو؛ اسين نہ رات جا آهيون ۽ نہ اونداهيءَ جا.
6تنهنڪري اچو تہ اسين ٻين وانگر نہ سمهون، بلڪ جاڳندا رهون ۽ هوشيار رهون.
7ڇاڪاڻتہ جيڪي سمهن ٿا سي رات جو ئي سمهن ٿا، ۽ جيڪي نشو ڪن ٿا سي رات جو ئي مست ٿين ٿا.
8پر جيئن تہ اسين ڏينهن جا آهيون، اچو تہ ايمان ۽ محبت جو بڪتر پائي، ۽ نجات جي اميد جو خود پائي هوشيار رهون.
9ڇاڪاڻتہ خدا اسان کي غضب جي لاءِ مقرر نه ڪيو آهي، بلڪ ان لاءِ تہ پنهنجي خداوند عيسيٰ مسيح جي وسيلي نجات حاصل ڪريون.
10هن اسان جي خاطر پنهنجي جان ڏني تہ جيئن، کڻي اسين جاڳندا هجون يا ستا پيا هجون، ساڻس گڏ جيئرا رهون.
11تنهنڪري هڪٻئي کي تسلي ڏيو ۽ هڪٻئي کي ترقي ڏيو، جيئن اوهان ڪري به رهيا آهيو.
12اي ڀائرو، اسين اوهان کي گذارش ٿا ڪريون تہ جيڪي اوهان جي وچ ۾ محنت ڪن ٿا، ۽ خداوند ۾ اوهان جي سنڀال ڪن ٿا، ۽ اوهان کي نصيحت ڪن ٿا، تن کي مڃيو.
13۽ سندن ڪم جي ڪري، محبت سان کين تمام گهڻي عزت ڏيو. پاڻ ۾ صلح ۽ امن سان رهو.
14اي ڀائرو، اسين اوهان کي هدايت ٿا ڪريون تہ بي قائدن کي هدايت ڪريو، ڪمزور دلين کي آٿت ڏيو، لاچارن جي مدد ڪريو، ۽ سڀني سان صبر ۽ نرمي رکو.
15خبردار رهجو تہ ڪو به برائيءَ جو بدلو برائيءَ سان نہ ڏئي، پر سدائين هڪٻئي سان ۽ سڀني سان ڀلائي ڪرڻ جي پٺيان لڳا رهو.
16سدائين خوش رهو.
17بغير ناغي دعا ڪندا رهو.
18هر حالت ۾ شڪرگذاري ڪريو، ڇالاءِجو مسيح عيسيٰ ۾ اوهان جي باري ۾ خُدا جي اها ئي مرضي آهي.
19روح کي نه وسايو.
20نبوتن کي حقير نه ڄاڻو،
21پر سڀني ڳالهين کي پرکيو؛ جيڪا چڱي هجي تنهن کي مضبوطيءَ سان وٺي بيهو.
22هر قسم جي برائيءَ کان پري رهو.
23شل سلامتيءَ جو خُدا پاڻ اوهان کي مڪمل طور پاڪ ڪري، ۽ اوهان جو سڄو روح، جيءُ ۽ جسم اسان جي خداوند عيسيٰ مسيح جي اچڻ وقت بيعيب محفوظ رکيو وڃي.
24اوهان کي سڏڻ وارو وفادار آهي، ۽ هو ائين ئي ڪندو.
25اي ڀائرو، اسان جي لاءِ به دعا ڪريو.
26سڀني ڀائرن کي پاڪ چميءَ سان سلام چئو.
27آءٌ خداوند جو قسم ڏئي اوهان کي تاڪيد ٿو ڪريان ته هي خط سڀني ڀائرن کي پڙهي ٻڌايو وڃي.
28اسان جي خداوند عيسيٰ مسيح جو فضل اوهان سان گڏ هجي.
ذريعو: Berean Standard Bible
WEBREATH · 11:11
«He himself gives everyone life and breath and everything else» — Acts 17:25
Breath is one for all: everyone lives by it, whoever they are and whatever they believe. Every day at 11:11 local time people stop for sixty seconds, breathe, and thank GOD for the breath — each in their own words, each within themselves. In that minute we are One Breath.
WEBREATH — the Minute at 11:11, your own local time — we are One Breath