1 Peter 5

1Како сопрезвитер, сведок на Христовите страдања и причесник на славата што треба да се открие, им се обраќам на презвитерите меѓу вас:

2Пасете го Божјото стадо што е кај вас, надгледувајќи го не со принуда, туку доброволно, како што сака Бог; не од лакомост за печалба, туку од сесрдност;

3не господарејќи над оние што ви се доверени, туку бивајќи примери за стадото.

4А кога ќе се јави Архипастирот, ќе го примите венецот на славата што никогаш не венее.

5Исто така и вие, помладите, покорувајте им се на старите. А сите вие, облечете се во смиреност еден кон друг, зашто: „Бог им се противи на горделивите, а на смирените им дава благодат.“

6Смирете се, затоа, под силната рака Божја, за да ве возвиси Тој во свое време.

7Сета своја грижа префрлете ја на Него, зашто Тој се грижи за вас.

8Бидете трезвени и будни. Вашиот противник, ѓаволот, обиколува како рикачки лав, барајќи кого да голтне.

9Спротивставете му се, цврсти во верата, знаејќи дека истите страдања ги поднесуваат вашите браќа низ светот.

10А Бог на сета благодат, Кој ве повика во Својата вечна слава во Христа, откако малку ќе пострадате, Самиот ќе ве усоврши, зацврсти, засили и утврди.

11Нему нека Му биде моќта во вечни векови. Амин.

12Преку Силван, кого го сметам за верен брат, накратко ви напишав, охрабрувајќи ве и сведочејќи дека ова е вистинската благодат Божја. Стојте цврсто во неа.

13Ве поздравува избраната заедно со вас црква во Вавилон, како и мојот син Марко.

14Поздравете се еден со друг со целив на љубовта. Мир на сите вас кои сте во Христа.