Dhammapada : l'esprit
il n'y a pas encore de traduction dans votre langue — affichage en anglais
1Phandanaṁ capalaṁ cittaṁ,
2dūrakkhaṁ dunnivārayaṁ;
3Ujuṁ karoti medhāvī,
4usukārova tejanaṁ.
1Vārijova thale khitto,
2okamokataubbhato;
3Pariphandatidaṁ cittaṁ,
4māradheyyaṁ pahātave.
0Aññatarabhikkhuvatthu
1Dunniggahassa lahuno,
2yatthakāmanipātino;
3Cittassa damatho sādhu,
4cittaṁ dantaṁ sukhāvahaṁ.
0Aññataraukkaṇṭhitabhikkhuvatthu
1Sududdasaṁ sunipuṇaṁ,
2yatthakāmanipātinaṁ;
3Cittaṁ rakkhetha medhāvī,
4cittaṁ guttaṁ sukhāvahaṁ.
0Saṅgharakkhitabhāgineyyattheravatthu
1Dūraṅgamaṁ ekacaraṁ,
2asarīraṁ guhāsayaṁ;
3Ye cittaṁ saṁyamissanti,
4mokkhanti mārabandhanā.
0Cittahatthattheravatthu
1Anavaṭṭhitacittassa,
2saddhammaṁ avijānato;
3Pariplavapasādassa,
4paññā na paripūrati.
1Anavassutacittassa,
2ananvāhatacetaso;
3Puññapāpapahīnassa,
4natthi jāgarato bhayaṁ.
0Pañcasatabhikkhuvatthu
1Kumbhūpamaṁ kāyamimaṁ viditvā,
2Nagarūpamaṁ cittamidaṁ ṭhapetvā;
3Yodhetha māraṁ paññāvudhena,
4Jitañca rakkhe anivesano siyā.
0Pūtigattatissattheravatthu
1Aciraṁ vatayaṁ kāyo,
2pathaviṁ adhisessati;
3Chuddho apetaviññāṇo,
4niratthaṁva kaliṅgaraṁ.
0Nandagopālakavatthu
1Diso disaṁ yaṁ taṁ kayirā,
2verī vā pana verinaṁ;
3Micchāpaṇihitaṁ cittaṁ,
4pāpiyo naṁ tato kare.
0Soreyyavatthu
1Na taṁ mātā pitā kayirā,
2aññe vāpi ca ñātakā;
3Sammāpaṇihitaṁ cittaṁ,
4seyyaso naṁ tato kare.
5Cittavaggo tatiyo.
source: SuttaCentral
WEBREATH · 11:11
«Faisant l’expérience de tout le corps, j’inspirerai ; faisant l’expérience de tout le corps, j’expirerai» — Majjhima Nikaya 10
Le souffle est un pour tous : chacun en vit, qui qu’il soit et quoi qu’il croie. Chaque jour à 11:11, heure locale, des personnes s’arrêtent soixante secondes, respirent et remercient DIEU pour le souffle — chacune avec ses mots, chacune en elle-même. Dans cette minute, nous sommes Un Seul Souffle.
WEBREATH — la Minute à 11:11, votre heure locale — nous sommes Un Seul Souffle